Wana ni mbaktumba hi Job-pa 12:15 - Bible azumeina

¹⁵ Le mi d’el alona bei sed’a ni, ahlena pet a so ni woyo. Le mi aramu ni, mi kus sei yam andagad’a pet mi.

Wana ni mbaktumba hi Job-pa 12:15 Iomraidhean Croise

Ad’u Tinda 6:13

Alona mi de mi Noe ala: An min dap suma woyo; ni kayam asa’at mazid’a ba, andagad’a mbut vama b’laka, an nga ni b’lagazi woi zlapa kandagad’a.

Ad’u Tinda 6:17

Mi dum kua ala: An nga ni kus mbina yam andagad’a á b’lak ahle suma ari suma yam andagad’ina woi pet; ahle suma yam andagad’ina pet a mba bo woyo,

Ad’u Tinda 7:11

Kur biza d’a kikis karagayad’a hi Noe-d’a, kur bur ma dogo yam kid’iziyana hi til ma mbànina, ir mbiyo ma lau ma yiyi’â mal lei pet, mbiyo ma akulona iram mal lei mi.

Ad’u Tinda 8:1

Wani Alona mi djib’er yam Noe azi kazureina kambureina ki d’uwarâ pet suma a nga ki sed’em kur batod’ina, mi sir simetna yam andagad’a, mbina mi hulong ngara kä.

1 Amuleina 17:1

Elie ma Tisbe ma nga kaka Galät-na, mi de mamulâ Ahap ala: An nga ni dang ngei avok Ma didin ma bei matna Alona hi Israel-lâ ma an nga ni lum sundina: Gola! Biza d’a ar avok wanda wani, mbad’ï mba d’i ge d’i, alo mba mi se d’uo mi, gak bur ma an mba ni tchenema tua mbeî!

1 Amuleina 17:7

Wani bur tu toliyonda ti so woyo, kayam alona nga mi se kur ambas ndata d’i.

Wana ni mbaktumba hi Job-pa 12:10

Arid’a hahlenid’a pet nabomu, muzuka hi sumid’a pet nabom mi.

Wana ni mbaktumba hi Job-pa 28:25

Ata yima mi nga aneka hi simetnid’a mi nga ngola hi mbinid’ina,

Jeremi 14:22

Aduk fileina handjaf suma dingâ ma ndak á salonina nga zu? D’oze akulod’a ti ndak á salo ma kuküna vat tchu? Ni ang Ma didina Alo mamina d’uo zu? Ami tinimi hurumi ni kang angû, kayam ni ang ba, lahle ndazina wan pet na.

Amos 5:8

Mi lades tchitchiu d’a a yat ala Gro azungeîna d’a ki d’a a yat ala Gro yuguneina, ni ma mbut yima nduvunda yima fod’ina, ni ma mbut yima b’od’a nduvundina, ni ma mi yi mbiyo alum ma ngolâ mi wed’em mbei yam andagad’a petna. Simiyêm ala Ma didina.

Nahum 1:4

Nga mi ngop alum ma ngolâ, mi so woyo, nga mi so alum ma gureina woi pet, hat ma Basan-na ki ma yam ahina d’a Karmel-lina a nga lugod’a, b’o d’a Liban-nda ti yak kei mi.

Wana ni Zla d’a Djivi d’a Luc mi b’irita 4:25

Wani gagazi, an nga ni dagiya, adjeu arop suma modonod’a ablaud’a a nga yam andaga d’a Israel-la kur atchogoid’a Elie-d’a, kid’a alona se d’uo bizad’a hindi ki tilâ karagayad’a. Baktara d’a ngola nde yam andagad’a pet.

Gat ta a hat á mbàd’id’a 11:17

Le agi lagi na ni, Ma didina hurum mba mi zal kagiya, mba mi duk ir akulod’a, alona mba mi se kagi d’i, andagad’a mba d’i wul awuna d’i, agi mba dabagi woi atogo zak yam ambas sa djivi d’a Ma didina Alo magina nga mi hagizid’a mi.

Vama ndum mbeina 11:6

Azi nga kad’enga á duk akulod’a á d’el alona mi se ata bur ma azi nga djok vun zlad’a hAlonina. Azi nga kad’enga á mbut mbina buzuna mi. Azi nga kad’enga kua á tum suma yam andagad’ina ki tugud’ei d’a tcho d’a lara ge teteng ata min mazid’a.