Wana ni mbaktumba hi Job-pa 12:13 - Bible azumeina

¹³ Ned’a ki sib’ika a fazi nata Alona, d’ala ki wad’ud’a a fazi natam mam mi.

Wana ni mbaktumba hi Job-pa 12:13 Iomraidhean Croise

Wana ni mbaktumba hi Job-pa 11:6

Ladjï mi dangî zla mam mba ne d’a gumun nda kal teglesa ni, ata yi máma ang mba wala Alona doli mi arî tcho mang nga hiud’a woi d’ö!

Wana ni mbaktumba hi Job-pa 12:16

Ad’enga ki wed’a ni mamba, sama vit tam mbeina d’oze ma vit suma dingâ woina a ni mama.

Wana ni mbaktumba hi Job-pa 26:12

Kad’eng mamba nga mi tcha alum ma ngolâ tata, ki ne mamba mi kus yam ambur ma a yum ala Rahap-ma na.

Wana ni mbaktumba hi Job-pa 36:5

Alona ni ma sib’ika, nga mi gol sa is si, ni ma sib’ika, mi nga kad’enga á wad’ud’a pet mi.

Wana ni mbaktumba hi Job-pa 38:36

Ni nge ba, mi tin ned’a kur sana krovo ge? Ni nge ba, mi he wad’ud’a kur muzu’â hi sanina ge?

Wana ni mbaktumba hi Job-pa 9:4

Ned’a ni mamba, ad’eng nga kal teglesa ni mamba mi. Ni nge ba, mi d’elem bei mi ngobom ge?

Sawal la giled’a 147:5

Salad’a ni ma ngolâ, mi nga kad’eng nga kal papad’a, d’al mama ni ma bei dabid’ina mi.

Zla d’a d’ogolâ 8:14

D’alâ ki zla d’a irata a ni mana, an ni wad’ud’a, ad’enga ni manda.

Isai 31:2

Wani Ma didina ni ma ned’a, mi ndak á mba ki ndaka, nga mi djok vunam yam zla d’a mam data d’i, nga mi tchol akulo á kak djangûna ki suma a nga tit bugol suma asa’atnina, nga mi kak djangûna ki suma a nga ndjun suma a le sun nda ata yat tuo d’ina mi.

Isai 46:10

An nga ni de woi kad’u tinda dei yam vama nga mi mbana, an nga ni de woi avok dei yam vama nga bei mbad’a tua na mi. Nga hur mana mba mi le djivid’a, an mba ni ndak vun ahle suma an nga hurun kazina pet mi.

Jeremi 10:12

Ma didina mi landagad’a ni ki sib’ik mamba, mi gäd’u duniyad’a ni ki ne mamba, mi b’eng akulod’a woi ni ki wäd’u mamba mi.

Daniel 2:20

mi dala: Ar ei lei mersi mAlona kur atchogoi d’a lara ge pet! Kayam ned’a kad’enga a tcholï natamu!

Wana ni Zla d’a Djivi d’a Luc mi b’irita 21:15

Kayam an mba ni hagi zla d’a ded’a ki ned’a, tala magi suma djangûna pî a ndak á tchol á tchi tuguyod’a ki sed’egi d’uo d’a.

Romê-na 11:34

D’igi mbaktumba hAlonid’a ti de na ala: Ni nge ba, mi we djib’era hi Ma didinid’a ge? Ni nge ba, mi ndak á dum d’alâ ge?

1 Korente-na 1:24

Wani ir suma Alona mi yazi aduk Juif-fâ kandjaf suma dingîna, Christ máma nad’enga ki ned’a hAlonid’a.

Efes-sâ 1:11

Kayam ndata, mi zlabei tu ki Christ, mi mbud’i sum mama, mi manei avok dei yam nga hur mama, mi lahlena pet d’igi mam nga hurum avok dei á led’a na mi.

Efes-sâ 1:8

la mi lat kei heîd’a. Mi tagei ned’a ki wad’ud’a pet mi.

Kolos-sâ 2:3

Ne d’a tetenga ki wad’ud’a hAlonid’a pet a nga ngeid’a kur Christ.

Jacques 1:5

Wani le sana adigagi mi kid’ak ned’a ni, ar mi tchen Alona. Alona mba mi humziya, kayam Alona nga mi he mi suma pet hawa bei ngopa.