Wana ni mbaktumba hi Job-pa 11:12 - Bible azumeina

¹² Le lovota nga yam sama lilid’a á mbut sama wad’ud’a ni, koro ma abageina mba mi vut koro ma avo na mi!

Wana ni mbaktumba hi Job-pa 11:12 Iomraidhean Croise

Wana ni mbaktumba hi Job-pa 15:14

Sana ni nge ba, mi dala mam mi sama yed’etna ge? Sama atchad’a ti vud’uma mi ndak á kak sama d’ingêrâ zu?

Wana ni mbaktumba hi Job-pa 28:28

Bugola, mi de mi sana ala: Gagazi, le mandara Ma didina ni ned’a, wal tang ngei dei ki tchod’a ni wad’ud’a mi.

Wana ni mbaktumba hi Job-pa 5:13

Nga mi vik suma ned’a kur lem mazid’a, nga mi b’lak d’alâ hi suma wed’a heîna woi mi.

Wana ni mbaktumba hi Job-pa 6:5

Le koro ma abageina hatna mi nga d’ufa gevem kä ni, mi tchi zu? Le amuhlâ hatna mi nga avunam kä ni, mi tchi zu?

Sawal la giled’a 144:4

Sana mi ni d’igi fo d’a avun sanid’a na, burumî d’igi angusâ nga mi pret na mi.

Sawal la giled’a 39:11

Ang aran bei tod’a; an nga ni lá matna abo to manga.

Sawal la giled’a 39:5

Ma didina, ang aran an we dabi manda, an we bur ma ang ngandjina ni ga ge? An wala ni mindja ba, an mba ni mit ke?

Sawal la giled’a 51:5

Kayam an we tchila manda, an nga ni djib’er yam tcho manda teteu.

Sawal la giled’a 73:22

an nga ni tcha tata, an we nga va tu d’i, an mbut ni d’igi azarâ na avorongû.

Sawal la giled’a 92:6

Ma didina, sun mang nga ang lata ni d’a kal teglesa, djib’er manga ni d’a ndak á sana mi wat ad’ut tuo d’a!

Ma tchi wala 1:2

Ma tchi wala mi dala: Ahlena pet ni hawa na, zlazi nga d’i, ahlena pet ni hawa na, ni hawa na.

Ma tchi wala 3:18

An de kurun yam suma ala: Alona nga mi kuguziya, kayam azi wala azi ni d’igi azureina na,

Jeremi 2:24

Agi ni d’igi koro d’a abagei d’a ti hat ki hur ful matna d’a d’od’ok mata nga d’i zud’ut ti nga d’i ka hisa simetna ti nga d’i i avogovok ki d’od’ok mata kad’engêt bei va mi d’elet ba d’a na. Koro ma nga mi halatna, mi nga mi kau d’i, nga mi fat ata yima ndat nga d’i le zulinina.

Romê-na 1:22

A nga subur tazi ala azi ni suma ned’a, wani a mbut ni suma lilid’a.

Romê-na 12:16

Ar agi kagagi ki djib’er ra tud’a aduk tagiya. Ar agi suburugi tagi d’i, wani ar agi tid’igi ni ki suma lulumana. Ar agi gologi tagi d’igi suma ned’a na d’i.

Efes-sâ 2:3

Ei pet adjeu ei ni d’igi azi na mi. Ei tid’i ni kur d’od’oka hi hliwid’a, ei lei ni minda hi hliunid’a kur djib’er meid’a mi. Ata vut meid’a ei ni suma Alona hurum zal kei d’igi suma hiuna na na mi.

Jacques 2:20

Ang ma lilid’a, ang we nga ala he gagazi d’a bei sunuta ni hawa d’uo zu?