Wana ni mbaktumba hi Job-pa 10:12 - Bible azumeina

¹² Ang han arid’a, ang van sumad’a, ang nga djib’er kan ata yima ang nga ngomon muzugana.

Wana ni mbaktumba hi Job-pa 10:12 Iomraidhean Croise

Ad’u Tinda 19:19

Gola! An azong mangâ; ang wan hohowonu, ang lan djivid’a ngola heî, ang sud’un wa. Wani an ndak á tcha yam ahinad’a bei ndaka fan á tchan ndi.

Wana ni mbaktumba hi Job-pa 10:11

Ang zlubun babaka ki hliuna atanu, ang djagan asogon ki sideyen mi.

Wana ni mbaktumba hi Job-pa 33:4

Ni Muzu’â hAlonina ba, mi lanu, ni muzuka hi Ma ad’engêm kal petnid’a ba, ti han arid’a mi.

Matiye 6:25

Jesus mi had’azi kua ala: Kayam ndata, an nga ni dagiya, agi djib’eregi yam ari magid’a tala agi mba tagi ni me d’oze agi mba tchagi ni me d’oze agi mba tchugugi ni me ge d’a d’i. Arid’a kal tena d’uo zu? Tad’a kal baruna mi d’uo zu?

Sunda hi suma a sunuzinid’a 17:25

Nga mi min suma á ndjunum mbi, kayam nga mi kid’ak va d’i, kayam mam mi ma he arid’a mi sumina, mi hazi muzuka kahlena pet mi.

Sunda hi suma a sunuzinid’a 17:28

D’igi sana tu mi dala: Ni kayam mamu, ei nga karid’a, ei nga mbud’i teya, ei nga mi. D’igi magi suma ding suma hle sawala a de na ala: Ei ni groma mi.