Wana ni mbaktumba hi Job-pa 1:5 - Bible azumeina

⁵ Ata yima lü ma nguid’a dapma, Job mi ge sunda, mi halï groma á mbud’uzi yed’et. Mi nde iram yorogo tcholol, mi hahle suma ngat buzu suma ngala yam nge nge pî adigagiya, kayam Job mi dala: Dam grona a le wa tchod’a, a ngul wa Alona kuruzi krovo kla ge! Job nga mi le hina teteu mi.

Wana ni mbaktumba hi Job-pa 1:5 Iomraidhean Croise

Ad’u Tinda 22:3

Abraham mi nde iram yorogo tcholol, mi zlup koro mama, mi yo azungeî mama mbà zlapa ki goroma Isak, mi wak agu ma a ngal ki vama ngat buzunina, mi i ata yima Alona mi tagamzina.

Ad’u Tinda 6:5

Ata yima Ma didina mi we tchod’a hi suma nga d’i i avogovok djib’er mazid’a burâ pet ni yam tcho d’a led’ina,

Ad’u Tinda 8:20

Noe mi min yima ngal ahle suma ngat buzuna mi Ma didina mi tinim iram vamu, mi yo aduk ahle suma djivina, aduk aluwei suma djivina pet, mi ngad’aziya, mi ngalazi woi pet yam yima ngal ahle suma ngat buzu máma.

1 Amuleina 18:31

Mi yo ahinad’a dogo yam mbà, ngad’a yam andjaf ma dogo yam mbàna hi Jakob ma Ma didina mi dum ala: Bugol hî a mba yang ala Israel-lu na.

1 Amuleina 21:10

Agi tchologi suma asa’atna mbà avoromu, a tchugum zlad’a kam ala: Ang ngul Alona, ang ngul amulâ mi! Bugola, agi im mbei kel azina, agi durum kahinad’a baba, mi mid’a.

1 Amuleina 21:13

Suma asa’at suma mbà ndazina a mba tchol avok Nabot, a nde tchugum zlad’a kam avok suma pet ala: Nabot, ang ngul Alona, ang ngul amulâ! Ata yi máma sumazina a i ki sed’em mbei bugol azina, a durum kahinad’a baba, a tchumu.

Nehemi 12:30

Suma ngat buzuna ki suma hi Levi-na a mbut tazi yed’et, a mbut ablaud’a yed’et pet mi, a tin vun agre’â ki gulumuna irazi vazi mAlona mi.

Wana ni mbaktumba hi Job-pa 1:11

Ang le hlabong dom ahle mama ni, an we woi tetet ala mam mba mi ngulung avunang ka tchetchem!

Wana ni mbaktumba hi Job-pa 1:4

Grom suma andjofâ a nga le te ma luna, a nga ngui id’a avo ata tazi ni nguya, a nga yi b’oziyozi suma arop suma hindina á te tena á tched’a ki sed’ezi mi.

Wana ni mbaktumba hi Job-pa 2:9

Amamba ti dum ala: Ang ve ni tang ad’enga kur d’engzeng manga wö! Ang ngul Alona ngul, ang mid’a!

Wana ni mbaktumba hi Job-pa 27:10

Na ni mba mi le furî d’a ngola yam Alo ma ad’engêm kal petna zu? Mba mi yum teteu mi zu?

Wana ni mbaktumba hi Job-pa 41:25

Nga mi gol ahle suma a suburuzina is, mam mi amulâ hamburei suma ayînina mi.

Wana ni mbaktumba hi Job-pa 42:8

Ki tchetchemba, agi i yogï amuzleina kid’iziya ki gamlâna kid’iziya mi. Agi igi gen azong mana Job, i hagizi he d’a hawa d’a ngala. Azong mana Job mba mi tchen kagiya; an mba ni humumu, an mba ni lagi tchod’a yam lili magid’a d’i, kayambala agi dagi nga zla d’a gagazid’a kan d’igi azong mana Job na d’uo d’a.

Wana ni mbaktumba hi Job-pa 6:14

Sama nga kur ndakina, ni banama ba, mba mi wum hohowomu. Le d’uo ni, mba mi ar bei le mandara Alo ma ad’engêm kal petna.

Wana ni mbaktumba hi Job-pa 8:4

Grongâ a le ni tchod’a avorom ba, mi wuragazi yam tcho mazid’a wana!

Sawal la giled’a 5:3

Amul mana, Alo mana, ang tin humang hum tchi mana; ni ang ba, an nga ni tchenengû.

Buzuk ka Abud’a 18:12

Jetro Moise akunoma mi yo he d’a hawa d’a ngala ki he d’a hawa d’a ngat buzuna á hed’a mAlona. Aron azi ki suma nglo suma Israel-lâ pet a mba, a te tena ki Moise akunoma avok Alona.

Buzuk ka Abud’a 19:10

Ma didina mi de mi Moise ala: Ang i gen Israel-lâ, ang tinizi irazi vazi ini kavini, ar azi mbus baru mazina woi yed’et mi.

Buzuk ka Abud’a 24:5

Mi sun gro azungeî suma Israel-lâ á hahle suma ngat buzu suma ngala mi Ma didina, á ngad’am amuzleina ahle suma ngat buzu suma zlap darigïd’a mi.

Ma tchi wala 9:10

Vama abong fuma, ang lum kad’eng manga pet, kayam sunda d’oze djib’era d’oze wad’ud’a d’oze ned’a a nga ata yima azulei ma ang nga i kuana d’i.

Jeremi 4:14

Ma didina mi hulong dazi ala: Ndak Jerusalem, ndak le min á sut tak keyo ni, ndak mbus huruk ma tchona woyo. Ndak mba kak kur djib’er mak ka tcho ndata hina gagak mindja ge?

Ezekiyel 14:14

le suma a nga kur ambas ndata hindi d’igi Noe ki Danel ki Job na pî, a mba sut tei ni yam d’ingêr mazid’a hol. An Salad’a Ma didina ni de na.

Wana ni Zla d’a Djivi d’a Luc mi b’irita 1:75

kayam ei kagei suma mi tini irei vei suma d’ingêrâ avorom burâ ki burâ kur tit meid’a.

Wana ni Zla d’a Djivi d’a Luc mi b’irita 18:7

Wani Alona mba mi ka sariyad’a hi suma mi manazi suma a nga tchi kam andjege ki faleina d’uo zu? Mba mi le lilinga á ndjunuziya?

Jean 11:55

Vun til ma Pa’â hi Juif-fâ ar go. Suma ablaud’a kur ambasa teteng a i Jerusalem á mbut tazi yed’et avok vun til ma Pa’â.

Sunda hi suma a sunuzinid’a 21:26

Ata yi máma, Paul mi yo suma fid’i ndazina. Tcha ndjivinda mi mbut tam yed’et ki sed’eziya. Mi kal kur gong nga kud’ora hAlonid’a á de woi ala fata bur mazi ma azi mbut tazi yed’etna dapa, nge nge pî adigazi mi he vama ngat buzuna kamu d’a.

Sunda hi suma a sunuzinid’a 8:22

Kayam ndata, ang mbut hurung yam tcho manga, ang tchen Salad’a, dam hurum mba mi vat tei yam djib’er ra kurunga kla.

1 Korente-na 4:5

Kayam ndata, ar agi kagi sariyad’a yam sa avok yima ngama d’i, wani ar agi djubugi mbad’a hi Salad’id’a tua. Mam mba mi ndahle suma a nga ngeid’a kur nduvundina woi pid’ak kur b’od’a, mba mi tak djib’er ra muduri d’a nga kur sumid’a woi mi. Ata yi máma, nge nge pî Alona mba mi suburumu.

2 Korente-na 11:2

An nga ni le yungôra kagiya; ni yungôr ma tcholï ata Alonina, kayam agi ni d’igi gor wei d’a yed’et ta an kat mi mandjufîd’a na, nala Christ.

Efes-sâ 6:18

Agi lagi ahle ndazina pet ni kur tchenda. Agi tchenegi Alona mi ndjunugiya. Agi tchenegi Alona ata yima lara ge pet yam ad’enga hi Muzuk mamid’a. Agi kagagi ki ndjola teteu ki d’engzenga. Agi tchenegi Alona yam sum mama pet mi.

1 Samuel 16:5

Mi hulong dazi ala: Â, an mba ná he he d’a hawa d’a ngat buzuna mi Ma didina. Agi mbud’ugi tagi yed’et yam he d’a hawa d’a ngat buzu ndata, agi mbeyegï blogonu. Samuel mi mbut Jesse ki groma yed’et, mi yazi á te te ma ngat buzu máma mi.