Wana ni mbaktumba hi Job-pa 1:11 - Bible azumeina

¹¹ Ang le hlabong dom ahle mama ni, an we woi tetet ala mam mba mi ngulung avunang ka tchetchem!

Wana ni mbaktumba hi Job-pa 1:11 Iomraidhean Croise

Ad’u Tinda 26:11

Kayam ndata, Abimelek mi he vuna mi sum mama pet ala: Sama lara ma mi do sa máma d’oze amambina, gagazi, a mba tchumu.

Wana ni mbaktumba hi Job-pa 1:12

Ma didina mi de mi Seitan ala: Gola! Ahle mama pet an hangziya! Wani ang do abong atam mbi! Ata yi máma Seitan mi nde woi avok Ma didina.

Wana ni mbaktumba hi Job-pa 1:21

mi dala: An ndeï woi kur asun ni gandila, an mba ni hulongî gandila mi. Ma didina mi he, mi yo mi. Ar ei suburi Ma didina!

Wana ni mbaktumba hi Job-pa 1:5

Ata yima lü ma nguid’a dapma, Job mi ge sunda, mi halï groma á mbud’uzi yed’et. Mi nde iram yorogo tcholol, mi hahle suma ngat buzu suma ngala yam nge nge pî adigagiya, kayam Job mi dala: Dam grona a le wa tchod’a, a ngul wa Alona kuruzi krovo kla ge! Job nga mi le hina teteu mi.

Wana ni mbaktumba hi Job-pa 19:21

Agi buniyôna, agi wan hohowonu! Kayam nAlona ba, mi ton kabomu.

Wana ni mbaktumba hi Job-pa 2:3

Ma didina mi de mi Seitan ala: Ang we ni me ata azong mana Job ke? Sama yam andagad’a d’igi mam na na nga d’i. Ni sama iratna, ni sama d’engzengâ mi. Ni sama le mandara an Alonina, ni sama nga mi min tchod’a d’uo mi na. Mi nga tchola ad’enga kur d’engzeng mamba mi. Ang zud’un á b’lagam mbei ni hawa na!

Wana ni mbaktumba hi Job-pa 2:5

Wani le ang hlabong ang dom asogom ki hliwimu ni, an we woi tetet ala mam mba mi ngulung avunang ka tchetchem!

Wana ni mbaktumba hi Job-pa 2:6

Ma didina mi de mi Seitan ala: Mi wana! An hangzi tamu, wani ang tchum mbi.

Wana ni mbaktumba hi Job-pa 2:7

Ata yi máma Seitan mi nde woi avok Ma didina. Mi zak Job ki tugud’ei d’a tchod’a mbuleina ei hur asem kä dei gak i adumar yam akulo.

Wana ni mbaktumba hi Job-pa 2:9

Amamba ti dum ala: Ang ve ni tang ad’enga kur d’engzeng manga wö! Ang ngul Alona ngul, ang mid’a!

Wana ni mbaktumba hi Job-pa 4:5

Ki tchetchemba, ndaka mba kang ang wana, ang mbut amangeîd’a wana! Ki tchetchemba, ti dongû, ang nde tchatata!

Sawal la giled’a 105:15

Mi dazi ala: Agi dogi man suma an manazina d’i, agi lagi man suma djok vuna vama tcho d’uo mi.

Isai 5:25

Kayam ndata, Ma didina hurum zal ngola yam sum mama. Mi hlabom akulo, mi toziya, ahuniyôna a giged’a, mad’a suma mi sam kä woi ir palumba d’igi asuna na. Hina pet pî, hurum mi b’leng nga d’i, abom mi ar nga zid’a akulo kamzi.

Isai 65:3

Ni suma a nga zalan hurun burâ ki burâ bei ara ba na, ni suma a nga ngat ahle mazi suma ngat buzuna hur asinenina, a nga ngal dubang ma his djivid’ina yam yima ngal dubang ma his djivid’a ma a minim ki derengelîna.

Isai 8:21

A mba kal kur ambasa ki ndaka ki meid’a. Fata meid’a tchazid’a, huruzi mba mi zala, a mba ngul amul mazina kAlo mazina, a mba mbut irazi akulo.

Zakari 2:8

Ma didin ma ad’engêm kal pet ma ganï sundina, mi de zla d’a ndaka yam andjaf suma a hurumugina ala: Sama lara ma dogina mi don ni iran nda aduka.

Vama ndum mbeina 12:10

Bugola, an hum del la ad’eng nga ti tcholï akulod’a, ti dan ala: Ki tchetchemba, suta kad’enga ki leud’a hAlo meinid’a kad’enga hi Christ mamid’a a mba wa, kayam ma tchuk zlad’a yam b’oziyoina avok Alo meina andjege ki faleina, a gumïya wa kä woi yam andagad’a da’.

Vama ndum mbeina 16:11

Azi nga ngul Alo ma akulona abo pupuluk mazid’a, abo mbil mazina, wani azi min mbut huruzi yam sun mazi d’a tchod’a d’i.

Vama ndum mbeina 16:21

Mogoi ma nglona mi tcholï akulo, nga mi yak kä yam suma. Anek mamba ni kilona dok fid’i. Suma a ngul Alona abo mogoi ma tcho mama kayam mi yagï kä ngola heî.

Vama ndum mbeina 16:9

Suma a ngal lei abo huwaka haku ndata. Azi ngul simiyê Alo ma nga kad’enga yam tugud’ei d’a tcho ndatina, azi mbut nga huruzi yam tcho mazid’a á subur Alona d’i.