Jeremi 9:10 - Bible azumeina

¹⁰ Jeremi mi dala: An mba ni tchi tchi ma hat hurâ akulo yam ahuniyôna, an mba ni hle sawal la horâ hur ful ma d’uwarâ mi te hatna kuana. Kayam azi ngal leyo, sa nga mi kal kua d’i, a nga hum del d’uwar tchi d’i, aluwei suma akulona kambureina kazureina pet a iya.

Jeremi 9:10 Iomraidhean Croise

Isai 41:15

Gola! An mba ni mbud’ugi kawei ma to awu ma sï ma awili ma vunam feta dedelema, agi mba wagagi ahuniyô suma nglona woyo, agi mba tozi woi kikizek, agi mba kizagagi yima ndingâ woi d’igi suma a kizak asuna woi na.

Isai 49:19

Yi mak ma a b’lagam mbei ma ar hawa papana na, kandaga mak ka b’lak keid’a mba d’i kid’ak suma á kaka. Wani suma a b’lagak keina a mba wal lei dei ki sed’ek mi.

Jeremi 12:10

Suma pola ablaud’a a b’lagan asine man ma guguzlud’a, a mired’em kä kaseziya, a mbud’un asine man ma an hurun vun heîna hur ful ma va nga kua d’uo na.

Jeremi 12:11

A mbut ambasa djona, ti mbut hohoud’a, a nga yor tazi avoronu. Ambasa pet ti mbut djona, kayam sama djib’er kat tu pî nga d’i.

Jeremi 12:4

Ambasa mba d’i so woi hina gagak mindja ge? Asu ma abageina mba mi so woi hina gagak mindja ge? Ni yam tchilad’a hi suma kurutnid’a ba, azureina kambureina kaluweina a nga dap pei wana, kayam suma a nga dala: Mam nga mi wahle suma ei nga leizina d’i.

Jeremi 14:6

Koro ma abageina mi tchol yam ahuniyô suma fuyogei suma va nga kazi d’uo na, nga mi tche simetna d’igi hâna na. Iram mbi mbut hohoud’a, kayam hatna mi nga d’i.

Jeremi 2:15

A nga tozi breîd’a d’igi gro azlona mi to breîd’a na, a b’lagazi ambas mazi d’a woyo, a mbud’uzi mandarâ, a b’lagazi azì mazi ma nglona woyo, sama kak kua nga d’uo mi.

Jeremi 2:6

A de nga ala: Ma didin ma mi buzugï woi kur ambas sa Ezipte-d’a ma mi tit ki sed’ei abagei hur fulâ ma mi tit hur ful ma d’ad’au ma angrifâ nga kua na ma mi tit ki sed’ei kur andaga d’a so d’a matna nga kua d’a ma mi tit ki sed’ei kur andaga d’a sa nga mi tit kua d’oze d’a sa nga mi kak kua d’uo d’ina, mi nga ni lara ge d’uo zu?

Jeremi 23:10

Suma le mizeuna a oî kur ambasa. Kayam ndata, ambasa ti nga kur yor tad’a, hat ma abagei hur fulîna mi so woi mi. Kayam suma a nga b’at tazi á le tchod’a, a ve tazi ad’enga ná le sun nda ata yat tuo d’a hol.

Jeremi 50:3

Kayam andjaf ma dingâ mba mi tchol abo ma norâ á dur ayîna ki sed’emu. A mba mbud’um ambas mamba djona, a mba fe sama kak kur ri. Suma ki d’uwarâ a mba ringâ, a mba tcha tata.

Jeremi 7:29

Ma didina mi dala: Agi suma Juda-na, agi ngad’agi tumus sa kagi d’a fuyogei d’a tak kei ala agi tinigi tagi irat vad’u d’a, agi tchugut teyo, agi i gagi horâ akulo yam ahuniyô suma fuyogei suma va nga kazi d’uo na. Agi nandjaf ma nga mi djon ayî manina; an nga ni minigi d’uo d’a, an nga ni aragi woyo.

Jeremi 8:18

Jeremi mi dala: Hurun b’lak kurun kakazeî, wani kuma ma b’lengên huruna nga d’i.

Hor ma tchina 1:16

Ni kayam ndata ba, an nga ni tchiya, simina nga mi djang iran kä kayam mi wal ma b’leng hur ma mi ndjunun ari mandina woi dei ki sed’enu. Grona a mbut hohoud’a, kayam ma djangûna mi fad’eng nga kala.

Hor ma tchina 2:11

Iran ndi zal abo simina, aruwad’an nga mi mbuzuk kurun dudu, mayâwan nga mi vo kä woi yam andagad’a yam b’laka hi sum manid’a, yam gugureina ki kem mba tchapona suma a nga seî kä ir palumba hazinid’ina.

Hor ma tchina 5:18

Ni kayamba ahina d’a Siyon-nda ti ar djonid’a, ni kayamba arauna nga mi tit kuruta mi.

Ezekiyel 14:15

Le an ni tchuk amburei suma ayîna kur ambas ndata, a ngui kurut a dap suma woyo, le ti mbut djona d’oze sa nga mi kal kua d’uo abo amburei suma kurutna,

Ezekiyel 27:2

Ang gor sana, ang ge horâ yam azì ma ngol ma Tir

Ezekiyel 29:11

Asem sa d’oze asem ambur mba mi tchila kua d’i, sa mba mi kak kur ri gak biza d’a dok fid’i.

Ezekiyel 33:28

An mba ni b’lak ambasa woyo, an mba ni mbud’ut hur fulâ. Ad’eng mat ta sum matna a subur tazi kata, mba d’i dap peyo. Ahinad’a hi Israel-lîd’a mba d’i arî djona, sa mba mi kal kua d’uo d’a.

Ezekiyel 6:6

Agi Israel-lâ, ata yima lara ma agi mba kagagi kuana, a mba b’lagagi azì magi ma nglona woyo. Yi magi ma ngal ahle suma ngat buzu ma tetengâ mba mi ar djona, filei magi ma tetengâ mba mi b’lak keyo, filei magi ma tetengâ mafata a mba tom kä woyo, sun magi d’a teteng nga agi lat kabogid’a mba d’i dap pei mi.

Wana ni mbaktumba hi Oze-d’a 4:3

Kayam ndata, baktarad’a mba d’i nde yam ambasa, suma kurutna pet kahle suma abageina kaluwei suma akulona a mba dap peyo, kuluf ma kur alum ma ngolîna pî mba mi dap pei mi.

Joel 1:13

Agi suma ngat buzuna, agi tchugugi dodora atagiya, agi yorogi tagiya. Agi suma lagi sunda ata yima ngal ahle suma ngat buzunina, agi tchigiya. Agi suma lagi sunda mAlo manina, agi tchugugi dodora atagiya, agi mbeï burugi kä andjege. Kayam a nga mba ki he d’a hawa d’a afuta ki he d’a hawa d’a süm guguzlud’a kur gong nga kud’ora hAlo maginid’a d’uo d’a.

Joel 1:19

Ma didina, an nga ni tchi kangû, kayam akud’a ti ngal wa yima te hat ma hur fulîna woyo, sin akud’a ti ngal wa agu ma hur asinenina woi pet mi.

Amos 5:1

Agi Israel-lâ, agi humugi zla d’a an nga ni data. Wana ni sawal la yor ta d’a an nga ni hlat kagid’a:

Amos 5:16

Kayam ndata, Salad’a Ma didina Alo ma ad’engêm kal petna mi dala: Ata yima lara ge pet, ir palum mba lara ge pet, a mba tchi horâ kua, a mba tchi ala: Alë! Alë! A mba yï suma zuma á tchina, a mba yï suma a we ge horâ heîna á tchina mi.

Mise 2:4

Kur bur máma a mba tinigi ndala, a mba lazagi ala: Ei b’lagei wa woi ki irei fafat, Ma didina mi he wa andaga meid’a mi suma dingâ, mi he wa asine meina mi suma bei hum vuna mi. Ni kayam me ba, a hurumi ge?

Mise 3:12

Ni kayam agi ba, a mba zum Siyon d’igi sana mi zum asinena na, Jerusalem mba d’i mbut ni mola hahinad’id’a, ahina d’a a min gong nga kud’ora hAlonid’a kata, mba d’i mbut ni yima akulo nding ma agud’a kam ndindi’â.