Jeremi 8:6 - Bible azumeina

⁶ An tin human nga ni huma, wani a nga de zla d’a ndak á ded’a d’uo d’a. Sama adigazi ma mi mbut hurum yam asa’at mamba ma mi dala: An le ni me na ge na nga d’i. Azi pet nge nge pî mi b’at tam á i yi máma d’igi akulum ma mi b’at tam á i dur ayînina na.

Jeremi 8:6 Iomraidhean Croise

Wana ni mbaktumba hi Job-pa 10:2

An mba ni de mAlona ala: Ang kan sariyad’a kan ndi, ang dan ad’u vama ang kak djangûna ki sed’en kama.

Wana ni mbaktumba hi Job-pa 34:31

Le sa mi de mAlona ala: Ang ton wa yam tcho manda, an dok ni le tcho d’a ding nguo;

Wana ni mbaktumba hi Job-pa 34:32

ang tagan vama an wum nga d’uo na, an le sun nda ata yat tuo d’a, an dok ni le bugol luo d’a.

Sawal la giled’a 14:2

Ma didin ma sä kaka akulona, nga mi gol suma kä yam andagad’ina á we sama ne ma halam mam Alonina nga zu?

Isai 30:18

Kayam ndata, Ma didina nga mi djup á vagi sumad’a, mba mi tchol akulo á wagi hohowogi mi, kayam Ma didina nAlo ma d’ingêrâ. Suma a tin huruzi kama pet a nga le furîd’a!

Isai 57:17

Ni kayam d’od’ok mazi d’a tchod’a ba, kur ayî mana an toziya, an min wazi ki iran ndi. Wani azi nga i avogovok kur so vun mazina, kur djib’er mazi d’a kuruzi krovod’a mi.

Isai 59:16

Ma didina mi we nga sa d’i, mi le atchap kayam sama mi mba á ndjundina nga d’i. Kayam ndata, abom mi ndjunumu, mi mbut vama mam deng tam kama.

Jeremi 23:25

Ma didina mi dala: An hum zla d’a suma djok vun ndazina a nga djogota. A nga djok vun ma ka zlad’a ala: Adïd’a dan na, adïd’a dan na.

Jeremi 3:5

Agi nga dagi tagi ala: Mam mba mi zal hurum kei hina baba zu? Mam mba mi vei kurum hina baba mi zu? Wana ni zla d’a agi nga data. Wan pî agi nga lagi tchod’a, agi nga igi avogovok á lagi min magid’a.

Jeremi 5:1

Ma didina mi dala: Agi igi ir palum mba Jerusalem-mba teteng, agi i gologiya, agi halagi ad’ud’a, agi halagi ata yima suma a tok kuana. Le agi fagi sa kua tu, le agi fagi sama mi tit yam gagazid’a ma nga mi hal d’engzengina ni, an mba ni vat hurun ndei yam suma Jerusalem-ma.

Ezekiyel 18:28

Le mi we tcho mam mba mi lata, mi djok tit mamba ni, gagazi, mba mi kak karid’a, mba mi mit ti.

Ezekiyel 22:30

An nga ni hal sana adigazi á ge gulumuna woi kazi á tchol avoron ir gulumun ma hulut teina á sut ambasa tala ti b’lak kei d’uo d’a. Wani an nga ni fe sa d’i.

Daniel 9:11

Israel-lâ ki zla tazi pet a tchila yam gat manga, a noî á humung delengû. Ni yam bei hum vun mamina ba, vun ma ge ma a b’irim zlam kur gata hazong mangâ Moise-sa, mi ndja abom mbei kami wana.

Mise 7:2

Sama d’engzeng nga kur ambasa d’i, sama irat nga d’uo mi. Azi pet ni suma a bur suma kä á tchid’ina, nge nge pî nga mi gun dauna kä yam wiyema.

Sofoni 3:7

An dagi ala: Le agi landi mandaranu, le agi vagi ngop manda atagiya ni, an mba ni b’lagagi yi magi ma kaka woi d’i, an mba ni ar ngop pa an ngat kurun á ngobogi ki d’a woi pet mi. Wani agi b’ad’agi tagi á le sun nda ndjendje d’a ata yat tuo d’a.

Wana ni mbaktumba hi Aze-d’a 1:5

Ki tchetchemba, Ma didin ma ad’engêm kal petna mi de kua ala: Agi djib’eregi yam tit magid’a.

Wana ni mbaktumba hi Aze-d’a 1:7

Ma didin ma ad’engêm kal petna mi de kua ala: Agi djib’eregi yam tit magid’a.

Malatchi 3:16

Wani suma a ring mandara Ma didinina, a de tazi zlad’a; Ma didina mi kak hina tchugot, mi huma. A b’ir mbaktum mba djib’era avorom yam suma a ringîm mandaram a suburum simiyêm mi na.

2 Pierre 3:9

Salad’a nga mi le lilinga á le vama mam hle vunam kama d’igi suma dingâ a djib’er na d’i. Wani mi ve tamî kagiya, kayam mi min ala sa tu mi ba woi d’i, wani mi min ala suma pet a mbut huruzi yam tcho mazid’a.

Vama ndum mbeina 9:20

Ad’u suma a ar bei tchid’a abo ahle suma hindi ndazinina, a mbut nga huruzi yam ahle suma azi tazi lazina d’i. A ar nga bei kud’or muzuk ma tchona ki filei ma a lum ki lora ki ma kawei ma hapmina ki ma kawei ma hleuna kahinad’a kagunina d’i. Nahle suma ndak nga á wed’a d’oze á humba d’oze á tita d’uo na.