Jeremi 8:5 - Bible azumeina

⁵ Wani, ni kayam me ba, suma Jerusalem-ma a d’es sei kur lovota, a ve tazi ad’enga kur mbut ir mazid’a ge? A ve tazi ata alo mazi ma ka zlad’a, a noî á hulongî gevenu.

Jeremi 8:5 Iomraidhean Croise

Zla d’a d’ogolâ 4:13

Ang ve hat manda, ang tchuk abong ngei atat ti; ang ngomod’u, kayam ndat nari manga.

Isai 1:20

Le agi humugi d’uo agi sogi vuna ni, a mba tchagi ki mbigeu d’a fiyaka. An Ma didina ni de woi ki vunan da’!

Isai 30:10

A ni suma de mi suma a wahle suma a nga mbana ala: Ar va mi nde tam mbei iragi d’uo na. A ni suma a nga de mi suma djok vun Alona ala: Ar agi djogomi vun ma gagazina woi d’i, agi dami ni zla d’a lami tami djivid’id’a, ar agi dami ni zla d’a kad’a mi na.

Isai 44:20

Mi tin hurumî yam butna, djib’er mam mba kurumba vid’im mbeyo. Mi ndak á prut tam mbei d’i, nga mi de d’ala vama abon wana ni vama hawa ya’â d’uo zi ge d’a d’uo mi.

Jeremi 14:7

Suma Juda-na a dala: Ma didina, le tchila mamid’a nga d’i tchugumi zlad’a kami pî, ang le va yam simiyêngû, kayam tcha tata mamid’a ti zul heî, ami lami tchod’a avorong mi.

Jeremi 2:32

Na ni gor weid’a ti mar ahle mat suma ti tchuguzi atat á djif ki tatna, d’oze gor weid’a a teleta, ti mar yam vama ti djinim furutna zu? Wani agi sum mana, agi maran ndei nadjeu dedei burâ ablaud’a bei ndumba ba.

Jeremi 3:5

Agi nga dagi tagi ala: Mam mba mi zal hurum kei hina baba zu? Mam mba mi vei kurum hina baba mi zu? Wana ni zla d’a agi nga data. Wan pî agi nga lagi tchod’a, agi nga igi avogovok á lagi min magid’a.

Jeremi 5:27

Gola! Aziyazi mi oî ki mbut ira d’igi gong nga ngom aluweina ti oî kaluweina na. Kayam ndata, a mbut ad’enga, a mbut suma ndjondjoîna mi.

Jeremi 5:3

Ma didina, ang halî d’engzenga d’uo zu? Ang toziya, wani a gol to ndata ni va d’i. Ang lazi á dabazi woyo, wani azi hum nga gat ndata d’i. A le yam mba ad’enga, a noî á hulongî gevengû.

Jeremi 5:6

Ni kayam ndata ba, azlo ma aduk agud’ina mba mi vigiziya, ngû ma hur fulîna mba mi kizagaziya, sindilâ mba mi kud’uguzi avun azì mazi ma nglona. Suma pet suma a mba buzugï woina, mba mi kizagazi woyo, kayam so vun mazina mi kal ngola, tcha tata mazid’a ti zul heî mi.

Jeremi 6:17

An tin suma ndjola gevegi go. Agi tinigi humagi humugi tchina hadifina. Wani azi hulong dala: Ami min tin humami á humba d’i.

Jeremi 6:19

Agi suma yam andagad’ina pet, agi humugiya! Gola! An nga ni mba ki ndaka yam sum ndazina. Ni wurak ka yam djib’er mazid’id’a, kayam a tin nga humazi yam zla manda d’i, a gol gat manda is mi.

Jeremi 9:6

A nga mbut ir taziya. Ni kayam mbut ir mazid’a ba, a noî á hulongî gevenu.

Daniel 9:11

Israel-lâ ki zla tazi pet a tchila yam gat manga, a noî á humung delengû. Ni yam bei hum vun mamina ba, vun ma ge ma a b’irim zlam kur gata hazong mangâ Moise-sa, mi ndja abom mbei kami wana.

Wana ni mbaktumba hi Oze-d’a 11:5

Azi mba hulong Ezipte d’i, wani amul ma ngol ma Asiri-na mba mi tamula kaziya, kayam azi noî á hulongî gevenu.

Wana ni mbaktumba hi Oze-d’a 11:7

Sum mana a so tazi á wal tazi woi ki sed’enu, a nga yazi ala a mbut irazi yam an ma sä akulo ma kal teglesâ pî, sama adigazi ma hle tam hina b’ene’â nga d’i.

Wana ni mbaktumba hi Oze-d’a 13:2

Ki tchetchemba, a nga le tchod’a, a nga i avogovogo, a nga yor angus ahlena ki kawei ma hapma, a nga yor fileina ki lem mazid’a pet. Ni sun nda sama d’alâ mi lat kabomba. A nga de kat ala: Ar suma a nga mba kahle suma ngat buzunina a sop vun gor amuhl ma a yorom máma.

Wana ni mbaktumba hi Oze-d’a 4:16

Kayam Israel-lâ ni suma yam mba ad’enga d’igi amuhl hla wei d’a a tchugut nga ziyona kat yang tu d’uo d’a na, ki tchetchemba, Ma didina mba mi polozi ni d’igi sana mi pol gro tumiyôna hur ful ma bibinina na.

Zakari 7:11

Wani azi noî á humba, azi han azigaziya, a tos humazi woi á humba mi.

Jean 5:40

Wani agi min mbagi geven ndala agi fagi arid’a d’a d’i.

1 Tasaloni’â 5:21

Agi kugugi ahlena pet, agi vagi ahle suma djivina.

Hebre-na 12:25

Agi gologi tagi djiviya, ar agi noyôgi mam ma nga mi dagi zlad’ina d’i. Kayam le suma a noî mam ma nga mi gigid’ezi yam andagad’a ka hina a prut nga woi d’uo, le ei nga humî gigeta hi mam Ma akulona d’uo mi ni, ei mba prud’i woi ni nana ge?

Vama ndum mbeina 2:25

Wani ar agi vagi vama agi nga ki sed’ema ad’enga ngingring gak mba manda.