Jeremi 6:23 - Bible azumeina

²³ A nga ki yeûd’a kasapa aboziya, Azi ni suma murud’umba suma bei we hohowa suma delezi nga d’i ngir kä d’igi alum ma ngolâ vunam mi tchi wü na na. A nga yam akulumei mazina akulo, a ndjar á dur ayîna d’igi sama tuna na á duruk ndak Siyon.

Jeremi 6:23 Iomraidhean Croise

Isai 10:32

Ini, ini a tchol kä Nop, abozi mi nga zid’a kazi akulo á ngop ahina d’a Siyon-nda, nala, yima nding ma Jerusalem-ma.

Isai 13:18

Azi mba tchi gro azungeîna woi ki yeû mazid’a, a mba we hohowa grozi suma kuruzina d’i, hohowa gogor nga mi lazi d’i.

Isai 17:12

Alë! Suma ablau suma mimiyâ’â delezi nga d’i ngir kä d’igi mbiyo alum ma ngolâ delem nga d’i ngir kä na, andjaf suma vunazi nga mi tchi wü d’igi abilâ halum ma ngolîna vunam nga mi tchi wü na.

Isai 19:4

Salad’a Ma didin ma ad’engêm kal petna mi de kua ala: An mba ni he Ezipte-na abo ma te yam ma asa’atna; amul ma hurum akud’a bibiliuna mba mi te kaziya.

Jeremi 25:32

Ma didin ma ad’engêm kal petna mi de kua ala: Ndaka nga d’i mba yam andjafâ tutu pet, babar ma ngolâ mi tcholï avun dabid’a handagad’id’a.

Jeremi 25:9

An nga ni tchuk sunda, ni halï suma abo ma norâ ki Nebukanezar azong mana, amul ma Babilon-na. An mba ni mba ki sed’ezi á dur ambas sa wanda ki suma a nga kaka kurutna kandjaf suma a nguyutna pet á b’lagazi woi kakazeî, á mbud’uzi vama atchapma, vama sanda ki vama b’lak ma gak didina.

Jeremi 30:14

Suma a le kagi adjeuna pet a mba mar kagiya, a mba djib’er kagi d’i, kayam an togi ni d’igi agi ni man suma djangûna hina, an ngobogi ni ngop pa tchod’a yam tcho magi d’a zul heîd’a, yam tcho magi d’a ngola mi.

Jeremi 4:13

Suma a dala: Gola! Ma djangûna nga mi djï d’igi d’ugul la hleï ndundula na, pus mam ma dur ayîna mi djangî d’igi mbirlimba na, akulumei mama a djang kal b’aruna. Ei baya woi d’a; ni zla d’a hohoud’a keya.

Jeremi 4:16

Agi gagi hum andjaf suma, agi dagi mi suma Jerusalem-ma mi ala: Suma djangûna a nga djïya. A tcholï nata yima deina, a nga yi tau d’a dur ayîna á dur azì ma nglo ma Juda-na.

Jeremi 4:29

Suma kur azì ma nglona a wet ringâ abo siwela hi suma djang akulumeina ki d’a hi suma yet yeûd’id’a, a tchuk aduk azlupa, a nga djak akulo yam ahuniyôna, a ar azì ma nglona pet teyo, a nga fe sa á kak kurum mbuo d’a.

Jeremi 5:16

Azì yeû mazid’a vunat nga ngod’a woi d’igi zul la tos matna na, azi pet ni grang suma dur ayîna.

Jeremi 50:41

Gola! Suma yam ambas sa abo ma norîd’a a nga djïya. Nandjaf ma ngolâ kamulei suma sib’ik suma a tcholï avun dabid’a handagad’ina.

Jeremi 50:42

A nga piget yeû mazid’a kasubiyo mazina. Azi ni suma murud’um suma bei we hohowa suma suma delezi nga d’i ngir kä d’igi alum ma ngolâ vunam mi tchi wü na na. A nga akulo yam akulumei mazina, a ndjar á dur ayîna d’igi sama tuna na á duruk ndak Babilon.

Jeremi 6:4

Azi mba de tazi ala: Agi minigi tagi á durut ayîna! Agi tchologi akulo, ei i ndeizi durâ falei d’ad’ar! Zla d’a tchod’a! Ni yamba yina kal leid’a! Afata ar go á nika mi!

Jeremi 8:16

Ei nga hum siwela hakulumei mamid’a ei abo ma Dan-na. Suma yam andaga ndatina pet a nga zlak abo breîd’a hakulumei mam suma ad’engâ, kayam azi mba wa, a nga b’lak ambasa kahle suma kurutna kazì ma ngolâ ki suma a nga kaka kuruma mi.

Ezekiyel 21:31

Salad’a Ma didina mi dala: A mba fogong djum manga woyo, a mba fogong kadamul manga woyo. Ahlena pet a mba mbud’a. Sama ge yam kä na a mba hlum yam akulo, sama hle yam akulona a mba hulongôm yam kä mi.

Gat ta a hat á mbàd’id’a 28:49

Ma didina mba mi tcholï kandjaf ma dei ma sä avun dabid’a handagad’a ma agi nga humum vunam mbuo na. Mba mi sir asem kagi kä d’igi agigilauna mi sir asem yam vama mi vuma na.