Jeremi 6:15 - Bible azumeina

¹⁵ Ma didina mi de kua ala: Djivid’a azi mbut ni zulona ata yima a nga lahle suma ndjendjed’ina. Wani zulona nga mi lazi d’i, zulo nga irazi hina nde d’uo ko. Kayam ndata, a mba puka ki suma a mba puk kä na, a mba ka azlard’eid’a ata yima an mba ni mba á ngobozina.

Jeremi 6:15 Iomraidhean Croise

Ad’u Tinda 19:34

Wani tcha ndjivinda, d’a ngola ti de d’a gora ala: Ndak gola! An bur kama andjege ki Iba; ei hum süm ma ayîna ini andjege kua, ndak i bur ki sed’em mi, kayam ei djogom andjavamu.

Buzuk ka Abud’a 32:34

Ki tchetchemba, ang i ki Israel-lâ ata yima an dang kama. Gola! Malaika mana mba mi tit avorongû, wani an mba ni mba bur tu, an mba ni ngobozi yam tcho mazid’a.

Zla d’a d’ogolâ 29:1

Sama suma a ngobom yazi ablaud’a nga mi hum vun nduo na, mba mi b’lak kei atogo zak. Kuma ma a mbud’um ki djivid’ina mi nga d’uo d’a.

Isai 10:4

Agi mba hulongôgi yagi kä zlapa ki suma a yozi magombina, agi mba pugugi kä aduk suma a tchazina. Hina pet pî, Ma didina hurum mi b’leng nga d’i, abom mi ar nga zid’a akulo kamzi.

Isai 3:9

Irazi d’a gola nga d’i le glangâsâ kaziya. A nga de woi yam tcho mazid’a bei ngeyet kä ba d’igi suma Sodom-ma na. Ni zla d’a hohoud’a kaziya, kayam azi a nga hal ndaka yam azi tazid’a.

Jeremi 14:15

Kayam ndata, an Ma didina nga ni de zlad’a yam suma a nga djok vuna woi ki simiyên suma an sunuzi nga d’uo suma a nga dala: Ayî ma durâ ki baktarad’a a mba mba yam ambasa d’uo na. An nga ni dagiya: Suma djok vun ndazina a mba tchazi avun ayî ma durâ, baktarad’a mba d’i dabazi woi mi.

Jeremi 18:23

Wani Ma didina, ang we ndjak vun mazi ma a ndjagam kan á tchana pet. Ar ang vat hurung ngei yam tchila mazid’a d’i, ar ang has tcho mazid’a woi avorong ngi. Ar azi puka avorongû, ar hurung zal kaziya.

Jeremi 23:12

Kayam ndata, lovot mazid’a mba d’i kazi azlard’eid’a, a mba tchuk kur nduvunda. An mba zud’uziya, a mba puk kä, kayam an mba ni mbazi ndaka kazi kur biza d’a an mba ni mba á ngobozid’a.

Jeremi 3:3

Kayam ndata, an nga ni sagi alona kagi d’i; alo ma hod’ogeid’a pî, nga mi se kagi d’uo mi. Wani agi sogi tagi ad’enga kur gaulang magina, agi min wagi tcho magid’a d’i.

Jeremi 44:10

A ge nga yazi kä d’uo gak ini, a le nga mandar ri, a tit nga yam gat manda ki vun ma he man ma an tinigizi avorogi kabuyogi ngolona d’i.

Jeremi 5:29

Ma didina mi dala: An mba ni ngop yam ahle ndazina d’uo zu? An mba ni hlatchugula kandjaf ma hina na d’uo zu?

Jeremi 5:9

Ma didina mi de kua ala: An mba ni ngop yam ahle suma hina na d’uo zu? An mba ni sä atchugula kandjaf ma hina na d’uo zu?

Jeremi 8:12

Ma didina mi de kua ala: Djivid’a azi mbut ni zulona ata yima a nga lahle suma ndjendjed’ina. Wani zulona nga mi lazi d’i, zulo nga irazi hina nde d’uo ko. Kayam ndata, a mba puka ki suma a puk kä na, a mba ka azlard’eid’a ata yima an mba ni mba á ngobozina.

Jeremi 8:9

Gola! Suma ned’a a mbut zulona, mandarâ mi vaziya, a ve wa ki dauna. A gol zlad’a hi an Ma didinid’a is, ne mazid’a djivi mata ni me kazi ge?

Ezekiyel 13:14

An mba ni to gulumun ma agi gulud’ugizi ki lasod’ina kä woyo, an mba ni drizim kä woi andaga. Ad’um mba ged’a mba d’i ar rei pid’agi, mba mi dris kä woyo. Agi mba dabagi woi kurumu, agi mba wagi ala an ni Ma didina.

Ezekiyel 2:4

Ni suma zulo nga irazi d’uo na, suma huruzi b’alina. An nga ni sunung geveziya. Ang i dazi ala: Wana ni zla d’a Salad’a Ma didina mi data.

Ezekiyel 24:7

Kayam buzu ma mam vom mbeina, mi nga tchola kä kurumu, mi vom mbei ni yam ahinad’a pid’agi, mi vom nga kä yam andagad’a tala mi sid’ama d’a d’i.

Wana ni mbaktumba hi Oze-d’a 4:5

Ang mba puk kä falei d’ad’ar, ang ki ndrang ma djok vuna djak, agi mba pugugi kä andjege, an mba ni tchang asung ngei mi.

Wana ni mbaktumba hi Oze-d’a 9:7

Bur ma Ma didina mba mi mba á ngobogina nga mi djïya. Gagazi, bur ma hlatchugula nga mi djïya. Agi Israel-lâ, agi mba wagiziya. Agi nga dagi ala: Ma djok vun Alona mi ni lilid’a, sama Muzu’â nga mi zud’uma ni sama yam nga d’uo na. Tcho magi d’a bei dap ndumba ki murud’um magid’a a kal ngola heî.

Mise 3:6

Kayam ndata, yina mba mi rumî kagiya, va mba mi nde tam mbei iragi d’i! Yina mba mi mbut nduvunda kagiya, a mba fe sama djop filei adigagi d’uo d’a. Afata mba d’i nik yam suma djok vun ndazina, faleid’a mba d’i mbut nduvunda kaziya.

Mise 7:4

Sama djivi ma adigazina mi ni d’igi kekerezeuna na, sama irat ma adigazi ma kalâ mi tchod’a kal azlupa haweid’id’a. Bur ma a ngobogi kua ma magi suma ndjol suma djok vuna a de zlad’a kama, mi mba wa da’, ki tchetchemba, a nga kur tcha d’a tatad’a.

Sofoni 2:1

Agi andjaf ma bei zulona ba na, agi togogiya, agi togogi tagi

Sofoni 3:5

Ma didina nga mi le sun nda d’ingêra kurumu, nga mi le vama tcho d’i, yorogo d’a lara ge pî nga mi nde ka sariya mamba woi pid’agi, nga mi hel li. Hina pet pî, suma mbut ira zulona nga mi lazi d’i.

Zakari 13:4

Kur bur máma suma djok vuna a mba le zulona á djok vuna woi yam ahle suma a nde tazi woi irazina, a mba tchuk baru d’a ngol la tumusa á mbut ir suma d’uo d’a.

Matiye 15:14

Agi araziya, ni suma a nga ve dungûruna mi ndrozi suma dukina. Le sama duka nga mi ve dungûruna mi ndram ma duka ni, azi djak a mba tchuk kur zula.

Filip-ma 3:19

Sum ndazina, dabi mazid’a ni bad’a, alo mazina ni hayaziya. Azi nga subur tazi yam ahle mazi suma zulona, djib’er mazid’a ni yam ahle suma yam andagad’a ka hina go.