Jeremi 52:7 - Bible azumeina

⁷ Kur bur máma, azigar suma Babilon-na a tcho ir gulumuna hazì ma ngolîna. Suma Juda suma dur ayîna ki zla tazi pet a yo ringâ, a buzuk kei kur azì ma ngolâ kandjege dangâla ki lovot ta avun agrek ma aduk gulumun ma mbànina, go kasinena hamulîna, a hle lovot ta i Araba-d’a. Ata yi máma azigar suma Babilon-na a nga nguid’a yam azina.

Jeremi 52:7 Iomraidhean Croise

2 Amuleina 25:4

Azigar suma Babilon-na a tcho ir gulumuna hazì ma ngolîna. Suma Juda suma dur ayîna a ring pet, a buzuk kei kur azì ma ngolâ kandjege dangâla ki lovot ta avun agrek ma aduk gulumun ma mbànina, go kasinena hamulîna, a hle lovot ta i Araba-d’a. Ata yi máma azigar suma Babilon-na a nga nguid’a yam azina.

Jeremi 34:22

Ma didina mi de kua ala: Gola! An nga ni he vuna, an mba ni hulongî sum ndazina yam azì ma ngol ma wana. A mba durumu, a mba hlumu, a mba ngalam mbei kakud’a. An mba ni mbut azì ma nglo ma Juda-na ful la bei sa mi kak kua ba d’a.

Jeremi 39:2

Kur biza d’a dogo yam tu d’a Sedekiyas nga mi tamulid’a kur bur ma zlengîna hi til ma fid’inina, azigar suma Babilon-na a tcho ir gulumuna hazì ma ngolîna.

Jeremi 49:26

Ma didin ma ad’engêm kal petna mi dala: Kur bur máma azungeî mazina a mba puk kä ir palumba, mazi suma dur ayîna vunazi mba mi seng silil mi.

Jeremi 51:32

A hle wa yima a djak mbina kuana, yi mazi ma ad’eng ma ngunguna a ngalam wa woyo, suma dur ayîna a mbut mandarâ.

Jeremi 6:5

Agi tchologi akulo, ei i atat andjege, ei b’lageizi azì mat ma nglo ma ad’eng ma ngunguna woyo!

Ezekiyel 12:12

Ma ngol ma te yam ma adigagina mba mi yo ahlena kelem kandjeged’a, mba mi nde woyo, mba mi tcho gulumuna iram á nde woi kua, mba mi zlup ahlena woi iram mbala mi wambasa ki iram mbuo d’a.

Ezekiyel 12:4

Ang yo ahle mangâ d’igi sama a im magombina na, ang nde woi irazi faleya, ang nde irazi woi fladege d’igi sama a im magombina na.

Ezekiyel 33:21

Kur biza d’a dogo yam mbàd’a bugol la a yomi magombid’a, kur bur ma vahlâ hi til ma dogonina, sama mi sud’ï woi avun ayîna kid’a a hle Jerusalem-mbina mi mba mi dan ala: Azì ma ngolâ a hlum wa!

Sunda hi suma hi Levi-nid’a 26:17

An mba ni mbut iran kak djangûna ki sed’egiya. Agi mba tchugugi susub’ok abo magi suma djangûna; suma a noyôgina a mba te kagiya; agi mba tinigi tagi ringâ avorozi bei azi digigi ba.

Sunda hi suma hi Levi-nid’a 26:36

An mba ni mbut suma ar adigagi suma a mba kak yam ambasa hi mazi suma djangûnina mandarâ kagilam. Ni simet ma mba mi sir hum agunina go ba, mba mi digiziya. Azi mba ringî d’igi suma a ring avok ayî ma durîna na, a mba puk kä bei sa mi digizi ba mi.

Amos 4:3

Agi mba buzugugi ir gulumun ma tchod’a, nge nge pî mi nga vorom ata yima mam hle kuana, agi mba tchugugi tagi kä kel abo ma norâ. An Ma didina ni de na.

Gat ta a hat á mbàd’id’a 28:25

Ma didina mba mi he magi suma djangûna ad’enga á kus kagiya, agi mba igi atazi á durâ ni kur lovot ta tud’a, wani agi mba ringîgi avorozi ni ki lovota teteng kid’iziya. Agi mba mbud’ugi ni suma mandarâ avok suma yam andagad’ina pet.

Gat ta a hat á mbàd’id’a 32:30

Ladjï an Ahina mazi d’a suta ni guzuzi woi abo mazi suma djangûna d’uo, an Ma didina ni hazi abo mazi suma djangûna d’uo ni, ni nana ba, sama tuna, mi dik suma dubuna ge, ni nana ba, suma mbàna, a dik suma dudubu dogona ge?