Jeremi 51:58 - Bible azumeina

⁵⁸ Ma didin ma ad’engêm kal petna mi de kua ala: Gulumun ma ngol ma Babilon ma bubud’a a mba hôm kä woi ki zla tam pet. Vun agrek mat ma fuyogeina a mba ngalam mbei kakud’a. Suma a tchi tazi á le sunda ni hawa na, andjaf suma a kau tazi ni makud’a mi.

Jeremi 51:58 Iomraidhean Croise

Sawal la giled’a 127:1

Ni sawala hi Salomon nda suma a djak Jerusalem á lü vun tilîna a hlata. Le Ma didina mi min nga azina d’uo ni, suma min azina a tchi tazi ni hawa. Le Ma didina mi ngom nga azì ma ngolâ d’uo ni, suma a ngomoma a kak ndjola ni hawa mi.

Isai 13:2

Ma didina mi dala: Agi hlagi drapo d’a taka akulo yam ahina d’a va nga kat tuo d’a, agi eregi ad’ugi akulo kad’u, agi lagi abogi ala ar a kal avun agre’â hi suma nglonina!

Isai 47:13

Ndak kau tak ngola á djop suma a nga wahle suma akulo suma a nga we tchitchiud’a suma a nga de woi yam til ma mi deî awilinina. Ar azi tchol akulo á sud’uk kei kur ahle suma a mba ka’â.

Isai 65:23

Azi mba le sun nda hawa yaka d’i, a mba vut grona bei mandarâ. Kayam azi nandjaf ma an Ma didina ni b’e vunan kama, grozina a mba kak zlapa ki sed’ezi mi.

Jeremi 50:15

Agi nguyugizi ki sor ra ayîna. A nga bar aboziya, aziyazi nga mi dris kä, gulumun mazina nga mi to kä woyo, kayam ni bur ma sä atchugula hi Ma didinina. Agi sagi atchugula ki sed’eziya! Agi lazi d’igi azi ladjeu na mi!

Jeremi 51:30

Suma dur suma Babilon-na a ar bei dur ayîna, a ar kaka kur azì ma ad’eng ma ngunguna. Mazi suma gangrangâ a mbut amangeîd’a, a mbut ni d’igi aropma na. Suma djangûna a nga dozi aziyazi akud’a, a kus kawei mam ma murgulina woi mi.

Jeremi 51:44

An mba ni ngop Bel alo ma avo Babilon-na, an mba ni pat vama mi ligima woi avunamu, andjaf suma a mba i gevem mbuo d’a. Gulumun ma Babilon-na tamba mi to wa kä woyo.

Jeremi 51:64

ang dala: Babilon mba d’i hlup kä hina dedege, mba d’i tchol akulo abo ndak ka an mba ni mbattchi kata d’i, wani mba d’i puk kä, mba d’i dap peyo. Zla d’a ded’a hi Jeremi-d’a dap da’.

Jeremi 51:9

Adjeu ami min á tchilimi Babilon, wani ndat tchil nga d’i. Ki tchetchemba, ei arat teyo, nge nge pî mi i yam ambas mamba, kayam sariya d’a a kattchi kata ti i akulo hur alona, gak ti doï d’ugula.

Jeremi 9:5

Azi ka ni zlad’a mi ndrozina, a nga de zla d’a gagazid’a d’i. Azi nga par sinazi papar á ka zlad’a, a seî abo tchod’a led’a mi.

Hor ma tchina 5:5

Suma a djobomi vunamina a nga tchola huyogomiya, ami seyêmiya, azi arami nga á tuk tami d’i.

Habakuk 2:13

Le Ma didin ma ad’engêm kal petna mi he nga vuna á le va d’uo ni, suma a le sunda ni makud’a, a kau tazi ni hawa mi.