Jeremi 51:56 - Bible azumeina

⁵⁶ Ma b’lak yina nga mi djï yam Babilon, grang matna a nga yoziya, agu yeû mazid’a nga d’i kus seyo. Kayam Ma didina nAlo ma mi we á sä atchugulina, nga mi wurak nge nge pî yam sun mam mba mi lata.

Jeremi 51:56 Iomraidhean Croise

Ad’u Tinda 49:24

Wani agu yeû mamba nga ndira woi ad’enga, abom nga ved’a ad’enga, kayam ad’enga hAlo ma sib’ika hi an Jakob-ma, kayam mam mi ma pola, ahina d’a deng tad’a hi an Israel-lîd’a.

Sawal la giled’a 137:8

Ndak Babilon, ndak ka a nga b’lagak keid’a, sama mba mi lak tcho d’a ndak lamizi mi amid’ina, mi le furîd’a!

Sawal la giled’a 37:15

Wani mbigeu mazi d’a fiyaka mba d’i tchogozi ni azi tazid’a, yeû mazid’a mba d’i kus sei mi.

Sawal la giled’a 46:9

Agi mbeyegi gologi sun nda Ma didina mi lata, agi gologi sun nda ndandal la mi lat yam andagad’id’a.

Sawal la giled’a 76:3

Zlub’u mamba navo Salem, yam ma kaka ni kur Siyon mi.

Isai 21:2

Vama tcho ma kal teglesâ mi nde tam mbei iranu. Ma mbut ira nga mi mbut ir suma, ma b’lak yina nga mi b’lak yina mi. Ma didina mi dala: Agi suma Elam-ma, agi igiya! Agi suma Mede-na, agi i nguyugi azina á durâ! An nga ni d’el vun zam tad’a mi.

Isai 34:8

Kayam ni bur ma hlatchugula hi Ma didinina, ni biza d’a a wurak nge nge pî yam sun nda tcho d’a mi lat ki Siyon-ndid’a.

Isai 35:4

Agi dagi mi suma tazi tchuk lusâ ala: Agi siragi ngingring, agi lagi mandar ri. Gola! Alo magina nga mi djï á sagi atchugulugiya, á wurak magi suma djangûna yam tcho d’a azi lagizid’a mi. Mam tamba nga mi djï á sud’ugiya.

Isai 59:18

Mba mi wurak nge nge pî ndak yam sun mamba, mba mi wurak mam suma huneîd’a kayî mama ndak yam sun mazid’a, mba mi wurak mam suma djangûna ndak yam sun mazid’a, mba mi wurak suma a nga kaka yam tilina ndak yam sun mazid’a mi.

Jeremi 49:35

Ma didin ma ad’engêm kal petna mi dala: Gola! An nga ni kus agu yeûd’a hi suma Elam-ma d’ala nad’eng mazid’a d’a woyo.

Jeremi 50:10

Ma didina mi dala: An mba ni he suma Babilon-na abo suma á hurumuziya; suma a mba hurumuzina a mba hoba.

Jeremi 50:36

Ar a dur suma djok vun suma ka zlad’a, ar a mbut lilid’a. Ar a dur mazi suma gangrangâ, ar a mbut mandarâ.

Jeremi 51:24

Ma didina mi dala: An mba ni wurak Babilon ki suma a nga kaka kurutna pet yam tcho d’a azi lat mi Siyon-nda kä iragi na.

Jeremi 51:30

Suma dur suma Babilon-na a ar bei dur ayîna, a ar kaka kur azì ma ad’eng ma ngunguna. Mazi suma gangrangâ a mbut amangeîd’a, a mbut ni d’igi aropma na. Suma djangûna a nga dozi aziyazi akud’a, a kus kawei mam ma murgulina woi mi.

Jeremi 51:48

Akulod’a kandagad’a kahle suma kuruzina pet, a mba hle sawal la furîd’a yam Babilon, kayam suma b’lak yina a tcholï abo ma norâ, a mba kad’u. An Ma didina ni de na.

Jeremi 51:53

Ladjï Babilon ti djak gak ti i akulo, ladjï ti min azì mat ma ad’eng ma ngunguna gak nga mi giget tuo pî, suma b’lak yina a mba durut yam vun man ma hed’a. An Ma didina ni de na.

Jeremi 51:6

Agi ringîgi woi kur Babilon, ar nge nge pî mi sut tamu, ar a tchagi woi yam tcho mata d’i, kayam ni yima sä atchugula hi Ma didinina, mba mi wuragat yam sun mata.

Hor ma tchina 3:64

Ma didina, ang lazi d’igi azi lan an na mi.

Ezekiyel 39:3

An mba ni kus agu yeû mang nga nga abong ma gulanid’a woyo, ir yeû mang nga nga abong ma ndjufîd’a mba d’i tchuk kä mi.

Ezekiyel 39:9

Bugol bur máma, suma a nga kaka kur azì ma ngol ma Israel-lîna a mba buzuk kei abua, a mba ngal ahle suma sïna woyo. Azi mba yo mboriyo suma nglona ki suma gureina, ir yeûd’a kaguwad’u, mbuguyona kasubiyona, a mba tchuguzi akua. Akud’a mba d’i ngalazi gak bizad’a kid’iziya.

Amos 2:15

Sama mi we yet yeûd’a heîna mba mi fe lovota á tchol li, sama ring heîna mba mi fe lovota á sut tam mbi, sama djang akuluma mba mi fe lovota á sut tam mbuo mi.

Abdiyas 1:15

Kayam burâ hi Ma didinina mi ar go á mbad’a á ka sariyad’a yam andjaf suma pet. Mba mi lagi ni d’igi agi tagi lagi na, sun magid’a mba d’i hulong kagagiya.

Habakuk 2:8

Kayam ang hurum andjaf suma ablaud’a heî, ad’uzi d’a ar pet wanda a mba hurumung ang mi. Ni kayam tchi d’a ang tchi sumid’a, ni kayam b’lak ka ang b’lak ambasa kazì ma ngolâ ki suma a nga kuruma mi d’a.

Gat ta a hat á mbàd’id’a 32:35

Atchugul la sad’a ni manda; ni an ba mba ni sad’azi yam sun mazi d’a led’a, kur bur ma asezi mi ka azlard’eid’ina. Kayam bur ma ndaka mba kazina mi ar go, dabi mazid’a mba d’i mba kazi atogo zak mi.

2 Tasaloni’â 1:6

Wana ni vama d’ingêrâ avok Alona: Mba mi hulong djop vun suma a nga lagi ndakina.

Vama ndum mbeina 17:16

Adif ma dogo ma ang wuma kambur máma a mba noî atcha d’a gaulang ndata. A mba yo ahle matna pet, a mba arat gandilad’a, a mba mud’ut hliwid’u, a mba ngalat tei kakud’a mi.

Vama ndum mbeina 18:20

Ndak akulod’a, agi suma a tinigi iragi vagi mAlonina ki suma a sunuzina ki suma djok vun Alona, agi lagi furîd’a yam b’lak mamba, kayam Alona mi kam wa sariyad’a kam kayam sun nda tcho d’a mam lagizid’a.

Vama ndum mbeina 19:2

Sariya mamba ni d’a gagazid’a ki d’ingêra, kayam mi ka sariyad’a yam atcha d’a gaulang nga ngol la ti b’lak andagad’a ki mizeu matnid’a. Mi kat sariyad’a kat kayam ti tchi azungeî mama.

1 Samuel 2:4

Grang suma dur ayîna, agu yeû mazid’a kus seyo, wani suma amangeîna a fad’enga á durâ.