Jeremi 51:27 - Bible azumeina

²⁷ Agi pagi drapo d’a taka akulo kur ambasa, agi bugi adifa aduk andjaf suma, agi minigi andjaf suma á durud’u, agi yagï suma kur leu d’a Arat-ta, kur ra Mini-d’a, kur ra Askenas-sa mi. Agi i yagï nglo suma dur ayîna á durud’u, agi aragi akulumeina a pir kurut d’igi djera ti pir na.

Jeremi 51:27 Iomraidhean Croise

Ad’u Tinda 10:3

Gomer groma ba wana: Askenas, Rifat ki Togarma.

Ad’u Tinda 8:4

Batod’a ti mba kak kä yam ahuniyô suma Ararat-na kur bur ma dogo yam kid’iziyana hi til ma kid’iziyanina.

2 Amuleina 19:37

Bur tu mi i kur gong nga kud’ora halo mama Nisrok-ka á tchenda. Groma mbà, ma dingâ a yum ala Adramelek, ma dingâ a yum ala Sareser, a tchum ki mbigeu d’a fiyaka, a ring kur andaga d’a Ararat-ta. Gorom ma dingâ tu a yum ala Esar-Hadon mi vrak tamula blangâmu.

1 Sunda Hamuleinid’a 1:6

Gomer groma ba wana: Askenas, Difat ki Togarma.

Isai 18:3

Agi suma pet suma nga kaka kur duniyad’ina, agi suma nga kak kä yam andagad’ina, agi gologi drapo d’a taka ata yima a pat akulo yam ahuniyônina, agi humugi adifa ata yima a butna.

Isai 37:38

Bur tu mi i kur gong nga kud’ora halo mama Nisrok-ka á tchenda. Groma mbà, ma dingâ a yum ala Adramelek, ma dingâ a yum ala Sareser, a tchum ki mbigeu d’a fiyaka, a ring kur andaga d’a Ararat-ta. Gorom ma dingâ a yum ala Esar-Hadon mi vrak tamula blangâmu.

Jeremi 25:14

Kayam andjaf ma ablauna kamulei suma gangrangâ a mba le suma Babilon ndazina magomba. An mba ni wuragazi yam sun mazid’a, yam sun nda azi lat kabozid’a mi.

Jeremi 46:23

Ma didina mi de kua ala: Agu mat ta kal ndindik ka sa ndak á kal adigat tuo d’a pî, a mba kat kä woyo, kayam suma djangûna ablaud’a kal djera, sa ndak á ndumuzi d’i.

Jeremi 50:2

Agi tchagi wal zla ndata woi aduk andjaf suma, ar suma a humud’u. Agi pagi drapo d’a taka akulo, ar suma a hum zla ndata, agi ngeyet kä d’i. Agi dagi woi kat ala: A hle wa azì ma Babilon-na! Alo ma a yum ala Bel-lâ mi mbut wa zulona, Alo ma a yum ala Mardu’â, a b’lagam wa woyo! Angus ahle mam suma tcheta a mbut wa zulona, filei mama a b’lagam wa woi mi.

Jeremi 50:3

Kayam andjaf ma dingâ mba mi tchol abo ma norâ á dur ayîna ki sed’emu. A mba mbud’um ambas mamba djona, a mba fe sama kak kur ri. Suma ki d’uwarâ a mba ringâ, a mba tcha tata.

Jeremi 50:9

Kayam an nga ni tchol kandjaf ma ngol ma ablauna abo ma norâ á dur suma Babilon-na. A mba ndjar á duruziya, a mba hlazina. Yeû mazid’a ti ni d’igi yeûd’a hi ma we dur ma nga mi hulong avo abom hawa d’uo na na.

Jeremi 51:12

Agi pagi drapo d’a taka akulo, agi durugi gulumun ma Babilon-na, agi hagi ad’enga mi ma ndjola, agi tinigi suma ndjola, agi tinigi suma a bur suma kä na. Kayam Ma didina mi nga hurum da’, nga mi ndak vun zla d’a mi dat yam suma a nga kaka Babilon-nid’a.

Jeremi 51:14

Ma didin ma ad’engêm kal petna mi gun tam ki mam tamba ala: Gagazi, an mba ni oî suma kuruk d’igi djera na, a mba siwel siwel la ayîna kagu.

Jeremi 51:28

Agi togogi andjaf suma zlapa kamulei suma Mede-na, ki mazi suma nglona kamulei mazina pet, ki suma kur ambas sa azi te kata pet á durud’u.

Jeremi 6:1

Ma didina mi dala: Agi suma Benjamin-na, agi buzugugi woi avo Jerusalem, agi bugi adifa avo Tekowa, agi pagi drapo d’a taka akulo avo Bet-Hakerem, kayam ndaka ki b’lak ka ngola a tcholï abo ma norâ.

Joel 3:9

Ar agi tchagi wala akulo mandjaf suma dingâ ala: Agi minigi tagi á dur ayîna, agi zlid’igi grang suma durâ akulo, ar azigar suma durâ pet a hud’ïya, a i dur ayîna.

Amos 3:6

Le adif fa ayîna ti tchi kur azì ma ngolâ ni, suma a ba bei le mandarâ zu? Na ni ndaka ti mba kur azì ma ngolâ bei Ma didina mi wat tchu?

Zakari 14:2

Ma didina mba mi tok andjaf suma á dur Jerusalem. A mba hlazì ma ngolâ, a mba hurum azina, a mba b’lak aropma, abo azì ma ngolâ suma kuruma a mba yozi magomba. Wani suma a arâ a mba dap pei kur azì ma ngolâ d’i.

Suma ka sariyad’a 6:5

Ata yima a nga mbana, a mba ni ki d’uwar mazina ki zlub’u mazid’a, a mba nablaud’a d’igi djera na, a ndak nga á ndum mbi. A mba ni ki djambal mazid’a á b’lak ahle suma yam ambasina.