Jeremi 48:37 - Bible azumeina

³⁷ Kayam nge nge pî, mi wel yam mbeyo, nge nge pî mi wel dudumam mbeyo, nge nge pî mi b’as tamu, a djin baru d’a ndjondjorod’a furuzi mi.

Jeremi 48:37 Iomraidhean Croise

Ad’u Tinda 37:29

Ruben mi hulong mba avun golonga, mi fe nga Josef fi, mi haû baru mamba woyo,

Ad’u Tinda 37:34

Jakob mi haû baru ma atama woyo, mi djin ziyona furumu, mi tchi goroma burâ ngola.

1 Amuleina 18:28

Azi er ad’uzi akulo ad’enga d’igi azi nga le avok dei na, a ngat tazi ki mbuguyona kasubiyona yam hat mazid’a gak buzuna nga mi djang atazi kä.

1 Amuleina 21:27

Ata yima amulâ Ahap mi hum zla d’a ded’a hi Ma didinid’ina, mi hulong yam kä, mi haû baru mama woyo, mi tchuk baru ma ndjondjorona atamu, mi d’el tam bei te tena, nga mi tit ni ki baru ma ndjondjoro mama, mi bur ki kä mi, nga mi tit hina lalam.

2 Amuleina 6:30

Ata yima amulâ mi hum zla d’a atcha ndata ti dumzid’ina, mi haû baru mama woyo, nga mi tit akulo yam gulumuna. Suma hur azina pet a wumu. Mi nga ki baru d’a dodora krovo atamu.

1 Sunda Hamuleinid’a 19:4

Ata yi máma Hanun mi yo azungeîna hi David-na, mi welezi dudumazi woi abo tutu, mi ngad’azi baru mazina woi ad’uzi djudjum mi. Bugola, mi yagazi akulo.

Isai 20:2

Kur atchogoi ndata Ma didina mi de zlad’a avun Isai Amot goroma ala: Ang iya, ang i fok baru d’a dodor ra ang djinit furunga katuguru ma ang tchugum asengâ woyo. Isai mi le hina, mi tit bei baruna atamu, bei atuguruna asem mi.

Isai 3:24

Azi mba ar zla d’a le ni mbul ma his ma afufuîna ta, a le ni mbul ma bud’a; azi mba ar zla d’a djin d’i’â furîd’a ta, a djin ni ziyona; yazi mba d’i ar zla d’a ti se djifîd’a ta, ti mba d’i yot ni woyo; azi mba ar zla d’a tchu’î baru d’a ngol la djifîd’a ta, a mba tchu’î baru d’a dodora ataziya; azi mba ar zla d’a a mbut tazi djifîd’a ta, a mba mbut ni tazi hohoud’a.

Isai 37:1

Kid’a amulâ Ezekiyas mi hum zla ndatid’a, mi haû baru mama woyo, mi tchuk baru d’a dodora atamu, mi i kur gong nga kud’ora hi Ma didinid’a.

Jeremi 16:6

Suma nglona ki kemba a mba bo kur ambas ndata. Sa mba mi tozozi d’i, sa mba mi tchizi d’i, sa mba mi ze hurum kahle suma sïna kazi d’i, sa mba mi wel yam mbei á dodora kazi d’uo mi.

Jeremi 41:5

suma dok klavandi a tcholï Sikem ki Silo ki Samari ki dudumazi wela woyo, ki baruna haûd’a woi ataziya, ki tazi b’asa, a yoï he d’a hawa d’a afuta ki dubang ma his djivid’ina á hed’a kur gong nga kud’ora hi Ma didinid’a.

Jeremi 47:5

Suma Gaza-na a wel wa yazi woi á dodora. Suma Askalon-na a seng wa silil. Agi suma aragi nga kaka yam andaga d’a papanid’ina, ni mindja ba, agi mba aragi tagi bei b’asa ge?

Jeremi 49:3

Agi suma Hesbon-na, agi tchagi wulula, kayam a b’lak wa azì ma Aï-na woi da’. Agi yugunei suma Raba-na, agi tchigiya, agi djinigi baru ma ndjondjorona furugi d’igi d’i’â na. Agi tchigi horâ, agi ringîgi kur gulumuna abo hî, abo hî, kayam Milkom, a im wa magomba ki mam suma ngat buzuna ki mam suma nglona mi.

Ezekiyel 27:31

A mba wel yazi woi kangû, a mba tchuk dodora ataziya, a mba tchi tchi ma hohoud’a kuruzi krovo zlapa ki yor ta d’a kal teglesa kang mi.

Ezekiyel 29:18

Ang gor sana, Nebukanezar amul ma Babilon-na mi le sun nda ndaka mi azigar mama, a dur suma Tir-râ, yazi d’i dap tora woi pepet, hîhîngâzi mi dap foka woi pepet. Wani mam mboze azigar mama a fe nga wurak yam dur ma azi dur ki suma Tir-rîna d’i.

Ezekiyel 7:18

A mba tchuk dodora ataziya, mandarâ mba mi vaziya, a mba hle irazi akulo abo zulona d’i, a mba dap yazi wela woi pet mi.

Sunda hi suma hi Levi-nid’a 19:28

Agi zagi tagi yam matna d’i, ar agi tchalagi tagi d’i, kayam an ni Ma didina.

Amos 8:10

Vun til magina, an mba ni mbud’umî yor tad’a; sawal magid’a pet, an mba ni mbud’ut ni hor ma ged’a. Nge nge pî mba mi djin baru d’a dodora furumu, suma pet a mba wel yazi woi d’igi sana mi tchi yam gorom ma abom tuna na. Dabid’a hahle ndazinid’a ni bur ma b’lak hurâ.

Mise 1:16

Agi suma Jerusalem-ma, agi welegi yagi woyo. Agi arat d’igi ta hi togozeid’id’a na, agi tchigi hor ra grogi suma agi hurugi vazi heîna, kayam a mba yozi magomba izi woi dei ki sed’egiya.

Marik 5:5

Burâ ki burâ, andjege ki faleya, aduk asud’a ki yam ahuniyôna akulo, nga mi er ad’um tchina akulo, nga mi grik tam kahinad’a.

Vama ndum mbeina 11:3

An mba ni sun man suma glangâsâ mbà, a mba tchuk baru d’a ndjondjorod’a ataziya, a mba djok vun Alona woi burâ dubu yam kikis mbà yam dok karagaya.