Jeremi 46:20 - Bible azumeina

²⁰ Ezipte ni d’igi amuhl hla wei d’a djif heîd’a na! Azlipma nga mi djï abo ma norâ kad’u!

Jeremi 46:20 Iomraidhean Croise

Jeremi 1:14

Ma didina mi hulong dan ala: Nabo ma norâ ba, ndaka mba d’i tcholï ti wet tei yam suma a nga kaka kur ambasina pet.

Jeremi 25:9

An nga ni tchuk sunda, ni halï suma abo ma norâ ki Nebukanezar azong mana, amul ma Babilon-na. An mba ni mba ki sed’ezi á dur ambas sa wanda ki suma a nga kaka kurutna kandjaf suma a nguyutna pet á b’lagazi woi kakazeî, á mbud’uzi vama atchapma, vama sanda ki vama b’lak ma gak didina.

Jeremi 46:10

Wani bur máma ni burâ hi an Salad’a Ma didin ma ad’engên kal petna. Ni bur ma an mba ni sä atchugulun ki man suma djangûnina. Mbigeu d’a fiyaka mba d’i kizak suma gak ti ndak vat ndak, mba d’i tchazi buzuwazi mi, kayam an Salad’a Ma didin ma ad’engên kal petna, ni ngad’azi ni d’igi vama ngat buzuna na yam ambas sa abo ma norâ d’a avun alum ma Efrat-nid’a.

Jeremi 46:24

Ezipte-na a mbut wa zulona, kayam a hazi wa abo suma norâ.

Jeremi 46:6

Ma mi ring heîna mi ndak á ring ngi, ma gangrangâ mi ndak á sut tam mbuo mi. Ar asezi mi kazlard’eid’a. A puk kä abo ma norâ avun alum ma Efrat-na.

Jeremi 47:2

Ma didina mi dala: Gola! Mbina mi tcholï abo ma norâ, mi mbut alum ma djang ma mi kus seina. Mi kus sei yam ambasa kahle suma kurutna, yam azì ma nglona ki suma a nga kaka kuruma. Suma a nga tchiya, suma a nga kaka kur ambasina pet a nga tchi horâ.

Jeremi 50:11

Agi suma hurumugi sum manina, djiviya, agi kagagi ki furîd’a, agi ayâgiya, agi dubaragi d’igi amuhl hla wei d’a afefeta na, agi togi breîd’a d’igi akulumei suma sib’ika na.

Wana ni mbaktumba hi Oze-d’a 10:11

Suma Efraim-ma a ni d’igi amuhl hla wei d’a a had’at djivi d’i d’a min to awunid’a na. Wani an mba ni gat dju’â ata delet ta djivid’a, an mba ni zlubut ahlena huyogot mi. Suma Juda-na a mba zuma, suma hi Jakob-ma a mba tan hersena mi.