Jeremi 46:2 - Bible azumeina

² Wana ni zla d’a Ma didina mi dat yam Ezipte-na, yam azigar suma hi Faron Neko amul ma Ezipte ma mi nga kaka avun alum ma Efrat-na avo Karkemis-sâ. Ni kua ba, Nebukanezar amul ma Babilon-na mi kus kamu, ni kur biza d’a fid’i d’a Jojakim Josiyas goroma nga mi tamula yam suma Juda-nid’a.

Jeremi 46:2 Iomraidhean Croise

2 Amuleina 18:21

Yam Ezipte zu? Wani Ezipte ni d’igi tchereu ma kus sei ma tchok abo sama mi deng tam kama na. Wana ni vama Faron amul ma Ezipte-na nga mi lum ki suma pet suma a deng tazi atama.

2 Amuleina 23:29

Kur atchogoi mamba, Faron Neko amul ma Ezipte-na mi i ki azigar mama avun alum ma Efrat-na á ndjun amul ma Asiri-na. Wani amulâ Josiyas mi min ndi, mi ngavam vunam á durâ. Kid’a Faron mi wumba, mi tchum Megido.

2 Amuleina 23:33

Faron Neko mi vum mi djinim ki kindjingâ avo Ribla yam andaga d’a Hamat-ta, kayam mi tamula avo Jerusalem mbuo d’a. Ata yi máma Faron Neko mi tin tara yam suma kur ambasina kawei ma hapma tonna hindi, lora kilona dok hindi mi.

2 Amuleina 24:7

Wani amul ma Ezipte-na nga mi nde woi abu kur andaga mamba d’i, kayam amul ma Babilon-na mi hle leu mamba pet, tinï ad’ud’a avun toliyon nda Ezipte-d’a dei gak mba avun alum ma Efrat-na.

Isai 10:9

Azì ma Kalno-na mi ni d’igi azì ma Karkemis-sâ na d’uo zu? Azì ma Hamat-na mi ni d’igi azì ma Arpat-na na mi d’uo zu? Azì ma Samari-na mi ni d’igi azì ma Damas-sâ na mi d’uo zu?

Isai 19:1

Wana ni zla d’a a dat yam Ezipte-nid’a: Gola! Ma didina mi djak akulo yam d’ugul la djang heîd’a, nga mi djï avo Ezipte. Alona hi Ezipte-na pet nga mi zlak avoromu, Ezipte-na huruzi mi ka mbina mi.

Isai 19:19

Kur bur máma a mba min yima ngal ahle suma ngat buzuna yam ambas sa Ezipte-d’a mi Ma didina, a mba tin vama ge humba avun dabid’a hi hagad’id’a mi Ma didina mi.

Jeremi 25:1

Ma didina mi de zlad’a mi Jeremi yam suma Juda-na pet. Ni kur biza d’a fid’i d’a Jojakim Josiyas goroma amul ma Juda-na nga mi tamulid’a, ni kur biza d’a avok ka Nebukanezar amul ma Babilon-na nga mi tamulid’a mi.

Jeremi 25:19

Bugola, an he kop ma süma mi Faron amul ma Ezipte-na, mazungeî mama, mi mam suma nglona ki mam suma hawana pet mi.

Jeremi 25:9

An nga ni tchuk sunda, ni halï suma abo ma norâ ki Nebukanezar azong mana, amul ma Babilon-na. An mba ni mba ki sed’ezi á dur ambas sa wanda ki suma a nga kaka kurutna kandjaf suma a nguyutna pet á b’lagazi woi kakazeî, á mbud’uzi vama atchapma, vama sanda ki vama b’lak ma gak didina.

Jeremi 36:1

Kur biza d’a fid’i d’a Jojakim Josiyas goroma amul ma Juda-na nga mi tamulid’a, Ma didina mi de zlad’a mi Jeremi ala:

Jeremi 43:11

Mam mba mi mba, mba mi dur ambas sa Ezipte-d’a. Suma a ngazi matna kazina a mba bo, suma a ngazi magomba kazina a mba i magomba, suma a ngazi mbigeu d’a fiyaka kazina a mba tchazi ki mbigeu d’a fiyaka mi.

Jeremi 45:1

Kur biza d’a fid’i d’a Jojakim Josiyas goroma mi tamula yam suma Juda-nid’a, Baruk Neriya goroma mi b’ir zla d’a ma djok vun Alona Jeremi mi dumzi ki yamba kä kur mbaktumba. Ata yi máma Jeremi mi dum ala:

Jeremi 46:14

Agi tchagi wal zla ndata mi Ezipte-na, ar a tagat tei mi suma Mikdol-lâ, mi suma Memfis-sâ, mi suma Tapanes-sâ mi. Agi dazi ala: Agi tchologi akulo minigi tagiya, kayam ayî ma durâ mi nguyugi wa d’uhl!