Jeremi 44:15 - Bible azumeina

¹⁵ Suma pet suma a wala amiyôzina a ngal dubang ma his djivid’ina malo ma dingâ na karopma pet suma a nga tchola kur tok ka ngolina ki suma pet suma a nga kaka yam ambas sa Patros-sîna, a hulong de mi Jeremi ala:

Jeremi 44:15 Iomraidhean Croise

Ad’u Tinda 19:4

Kid’a azi bur nga kä d’uo tua d’a, suma Sodom-ma, nala, azungeîna ki momorogeina pepet, a mba, a ngui azina hi Lot-na,

Nehemi 13:26

Salomon amul ma Israel-lâ mi le ni hina ba, mi le ki tchod’a d’uo zu? Aduk andjafâ hi suma pet amul ma d’igi mam na na nga d’i. Alo mama hurum vum heî, mi tinim amula yam Israel-lâ pet. Wani andjaf arop suma dingâ a tanam kur tchod’a.

Zla d’a d’ogolâ 11:21

Gagazi, sama asa’atna zlad’a mba d’i ba bei vum mbi, wani andjafâ hi suma d’ingêrîna mba mi sut teyo.

Isai 1:5

Ata yima agi tcholi ad’enga ngingring i avogovo’â, agi min ala mi togi nata yima lara d’ei ge? Yagi pet ni mbuleina, hurugi pet ni tugud’eid’a mi.

Isai 48:5

Ni kayam ndata ba, an dagi wa woi yam ahle suma a mba le ndazina. An dagi woi kazi avok bei azi le tala agi mba dagi ala: Ni filei mana ba, mi laziya, d’oze ni filei ma an tched’ema d’oze ni filei ma an yoroma ba, mi hazi vuna d’a d’uo mi.

Jeremi 44:1

Ma didina mi de zlad’a mi Jeremi yam Juif-fâ pet suma a nga kaka yam ambas sa Ezipte-d’a suma a nga kaka kur azì ma nglo ma Mikdol ki Tapanes ki Nof ki ma Patros-sâ, mi dala:

Jeremi 44:19

Aropma a de kua ala: Ata yima ami ngalami dubang ma his djivid’ina, ami hami süm guguzlud’a he d’a hawad’a mamul la akulod’a, ami lat woîna, ami hat süm guguzlud’a á kud’urotna, ni bei minda handjuviyomid’a zu?

Jeremi 44:24

Jeremi mi de kua mablau d’a peta karopma ala: Agi suma Juda-na pet suma nga kaka kur ambas sa Ezipte-d’ina: Agi humugi zlad’a hi Ma didinid’a.

Ezekiyel 29:14

An mba mi hulongî Ezipte suma a yozi magombina, an mba ni mbazi yam ambas sa Patros sa a vud’uzi kuad’a. Ni kua ba, a mba tin ad’u leu d’a gora.

Ezekiyel 30:14

An mba ni ar azì ma Patros-sâ djona, an mba ni do akud’a ata azì ma Sowan-na, an mba ni ka sariyad’a yam azì ma No-na mi.

Matiye 7:13

Jesus mi had’azi kua ala: Agi kalagi ata vun agrek ma mbed’etna, kayam vun agre’â azi ki lovot ta i ata yima bad’id’a ti ni bubud’a, suma a kal i kuana a nablaud’a mi.

Gat ta a hat á mbàd’id’a 13:7

ma aduk alona hi suma a nguyugi suma go ki sed’egi d’oze suma dei ki sed’egina tinï ad’ud’a avun dabid’a handagad’id’a abo hî dei gak nde woi abo hî ni,