Jeremi 4:7 - Bible azumeina

⁷ Gola! Azlona mi nde woi kur domi mama. Ma b’lak andjaf suma mi nde wa woi avo hatam á b’lak suma, nga mi djï á b’lak ambas magid’a woyo, á to azì magi ma nglona kä woi ndjandjap, a mba fe sama kak kur ri.

Jeremi 4:7 Iomraidhean Croise

2 Amuleina 24:1

Kur atchogoi mamba, Nebukanezar amul ma Babilon-na mi mba á dur ayîna kandaga d’a Juda-d’a. Jojakim mi ge yam kä ad’um gak biza d’a hindi. Bugola, mi tchol huneîd’a ki sed’emu.

2 Amuleina 25:1

Kur biza d’a zlengâ d’a Sedekiyas nga mi tamulid’a, kur bur ma dogona hi til ma dogonina, Nebukanezar amul ma Babilon-na mi mba ki azigar mama pet á dur Jerusalem. A vanguvora avorot d’ar, a nguyut tei d’uhl.

Isai 1:7

Ambas magi ti mbut hur fulâ, aziyagi ma nglona a ngalam mbeyo. Andjaf suma dingâ a mba a b’lagagi ahle suma yam andaga magid’ina kä iragiya, va mi ar nga kat ti. Wana ni b’lak ka d’i tcholï ata andjaf suma dingîd’a.

Isai 5:9

Wana ni vama Ma didin ma ad’engêm kal petna mi ndandji woina: Gagazi, azì ma ablau máma mba mi b’lak keyo, azì ma nglo ma djif máma, a mba fe sama kak kurum mbuo mi.

Isai 6:11

Ata yi máma an djobom ala: Salad’a, ni mindja ba, ang mba ar ahle ndazina ge? Mi hulong dan ala: Gak azì ma ngolâ mi b’lak kei kakazeî bei fe sa kurum ba, azina mi ar hawa kolohong, ambasa ti mbut ni hur fulâ mbeî.

Jeremi 2:15

A nga tozi breîd’a d’igi gro azlona mi to breîd’a na, a b’lagazi ambas mazi d’a woyo, a mbud’uzi mandarâ, a b’lagazi azì mazi ma nglona woyo, sama kak kua nga d’uo mi.

Jeremi 22:6

Ma didina mi de yam azì ma amul ma Juda-na ala: Ang iran ni d’igi ambas sa Galät-ta na, d’oze d’igi yam ahina d’a ked’iwureng nga Liban-nda na. Wani gagazi, an mba ni mbud’ungî d’igi hur fulâ, d’oze d’igi azì ma ngol ma bei sa mi kak kua ba na na.

Jeremi 22:7

An nga ni mba ki suma b’lak yina kagiya. Ni suma a min tazi kahle mazi suma sïnina. A mba kagi agu sedre magi ma djivina kä woyo, a mba tchugum aduk akud’a.

Jeremi 25:38

Ma didina mi ar yam ma kaka woi d’igi azlona mi ar domi mama woi na, ambasa ti mbut djona, ti b’lak kei abo ayî ma durâ, abo ayî mam ma bibiliuna.

Jeremi 25:9

An nga ni tchuk sunda, ni halï suma abo ma norâ ki Nebukanezar azong mana, amul ma Babilon-na. An mba ni mba ki sed’ezi á dur ambas sa wanda ki suma a nga kaka kurutna kandjaf suma a nguyutna pet á b’lagazi woi kakazeî, á mbud’uzi vama atchapma, vama sanda ki vama b’lak ma gak didina.

Jeremi 26:9

Ni kayam me ba, ang djok vun Ma didina ala: Gong nga wanda mba d’i b’lak kei d’igi Silo na, azì ma ngol ma wana mba mi b’lak kei a mba fe sama kak kur ruo ge? Ata yi máma suma a nga kur gong nga kud’orina a tok yam Jeremi.

Jeremi 27:8

Ma didina mi dala: Le andjaf suma ding ngoze leu d’a ding nga suma a min le sunda mi Nebukanezar ruo a min ala a ge djuk ma mi hazizina kelezi d’uo mi ni, an mba ni ngobozi kayî ma durâ ki baktarad’a ki tugud’ei d’a tcho d’a tchi matna, an mba ni humzi abom á dabazi woyo.

Jeremi 33:10

Ma didina mi de kua ala: Agi suma Juda-na, agi nga dugud’ogi ded’a ala ambas magid’a ti b’lak wa woyo, sa d’oze d’uwar mi nga kua d’i. Gagazi, azì ma nglo ma Juda-na ki ir palum mba Jerusalem-mba a mbut wa hur fulâ ini, sa nga kua d’oze d’uwar mi nga kua d’uo mi. Wani a mba hum

Jeremi 34:22

Ma didina mi de kua ala: Gola! An nga ni he vuna, an mba ni hulongî sum ndazina yam azì ma ngol ma wana. A mba durumu, a mba hlumu, a mba ngalam mbei kakud’a. An mba ni mbut azì ma nglo ma Juda-na ful la bei sa mi kak kua ba d’a.

Jeremi 4:29

Suma kur azì ma nglona a wet ringâ abo siwela hi suma djang akulumeina ki d’a hi suma yet yeûd’id’a, a tchuk aduk azlupa, a nga djak akulo yam ahuniyôna, a ar azì ma nglona pet teyo, a nga fe sa á kak kurum mbuo d’a.

Jeremi 44:2

An Ma didin ma ad’engên kal petna, Alona hi Israel-lîna, nga ni dagiya: Agi wagi ndak ka teteng nga an mbat yam Jerusalem kazì ma nglo ma Juda-nid’a pet. Gola! Ki tchetchemba, azì máma mi mbut ini ni djona, sa nga kaka kua d’uo d’a.

Jeremi 46:18

An amul ma simiyên ala Ma didin ma ad’engên kal petna na ni dala: An gun tan ki an ma bei matna ala: Ma djangûna nga djï d’igi Tabor ri nga akulo aduk ahuniyôna na, d’igi Karmel li nga akulo avun alum ma ngolâ na mi.

Jeremi 49:19

Ma didina mi dala: Gola! An mba ni ndeï d’igi azlona mi ndeï aduk agud’a avun alum ma Jurdê-na á lat suma pola na. Atogo hina zak an mba ni dik suma Edom-ma, an mba ni tin ma an manama kaziya. Ni nge ba, mi hle tam d’igi an na ge? Ni nge ba, mba mi han vuna ge? Ni ma pol ma lara ba, mba mi tchol avoron nge?

Jeremi 5:6

Ni kayam ndata ba, azlo ma aduk agud’ina mba mi vigiziya, ngû ma hur fulîna mba mi kizagaziya, sindilâ mba mi kud’uguzi avun azì mazi ma nglona. Suma pet suma a mba buzugï woina, mba mi kizagazi woyo, kayam so vun mazina mi kal ngola, tcha tata mazid’a ti zul heî mi.

Jeremi 50:17

Israel-lâ a ni d’igi timi d’a ti vit tei d’a azlona mi digita na. Ma mud’ut avok kikidjina namul ma Asiri-na. Ma bugol ma mi kuzut asogot tei ndjondjoma ni Nebukanezar amul ma Babilon-na.

Jeremi 50:44

Ma didina mi dala: Gola! An mba ni ndeï d’igi azlona mi ndeï aduk agud’a avun alum ma Jurdê-na á lat suma pola na. Atogo hina zak an mba ni dik suma Babilon-na, an mba ni tin ma an manama kaziya. Ni nge ba, mi hle tam d’igi an na ge? Ni nge ba, mba mi han vuna ge? Ni ma pol ma lara ba, mba mi tchol avoron nge?

Jeremi 8:16

Ei nga hum siwela hakulumei mamid’a ei abo ma Dan-na. Suma yam andaga ndatina pet a nga zlak abo breîd’a hakulumei mam suma ad’engâ, kayam azi mba wa, a nga b’lak ambasa kahle suma kurutna kazì ma ngolâ ki suma a nga kaka kuruma mi.

Jeremi 9:11

Ma didina mi dala: An mba ni mbut Jerusalem djona, an mba ni mbud’ut domina hi hânina, an mba ni mbut azì ma nglo ma Juda-na hur ful ma sa nga mi kak kua d’uo na.

Ezekiyel 12:20

Azì ma nglo ma suma a nga kaka kurâ mba mi b’lak keyo, ambasa mba d’i ar djona. Hina wani, azi mba wala an ni Ma didina.

Ezekiyel 21:31

Salad’a Ma didina mi dala: A mba fogong djum manga woyo, a mba fogong kadamul manga woyo. Ahlena pet a mba mbud’a. Sama ge yam kä na a mba hlum yam akulo, sama hle yam akulona a mba hulongôm yam kä mi.

Ezekiyel 32:2

Ang gor sana, ang tchi horâ yam Faron amul ma Ezipte-na, ang dum ala: Ang hle tangî d’igi gor azlona na aduk andjaf suma, angî d’igi hurum ma nga kä kur alum ma ngolîna na. Ang nga djang kä kur alum mangâ, ang nga mbut mbina dodopa kasengû, ang nga sulul abil mama akulo.

Daniel 5:19

Kayam ngol la Alona mi humzid’a, suma a nga kaka kur ambasina pet, andjaf suma pet ki suma ad’u vun ma ded’a tetengâ pet a zlaga, a le mandarâ avorom mi. Mi tchi suma mi min tchazina, mi ar suma mi min tchazi d’uo na karid’a mi. Mi he ngola mi sama mam min hum ngolina, mi hulong sama mam min hulongôm yam kä na kä ad’um mi.

Daniel 7:4

Ma avo’â mi hle tam d’igi azlona na, wani mi nga ki gigingâ d’igi ma hi b’arunina na. Kid’a an nga ni golom tua d’a, a pad’am gigingâm mbeyo, a hlum akulo woi yam andagad’a, a tcholom akulo kasem d’igi sana na, a hum djib’era hi sanid’id’a mi.

Sunda hi suma hi Levi-nid’a 26:31

An mba ni mbut azì magi ma nglona azì ma gureina, djona mba mi ar gevegi girib’ing. An mba ni pleî yi magi ma agi tinindji iram vama woyo, an mba ni his ahle magi suma his suma afufuîna d’uo d’a.

Sunda hi suma hi Levi-nid’a 26:33

An mba ni ndjoyôgi woi vivreng kayî ma durâ; ambas magid’a mba d’i mbut nambas sa abageid’a, azì magi ma nglona mba mi arî djona mi.