Jeremi 4:30 - Bible azumeina

³⁰ Ndak Jerusalem mba b’lak keid’a, ndak mba le ni nana? Ndak mba d’i tchuk baru d’a hleud’a atagu, ndak mba d’i tchuk ahle suma lora atagu, ndak mba d’i ndal irak kahle suma djifâ, ndak mba d’i min tak hina pet pî, ni hawa hina. Buniyô’â a mba golok is, a hala’î á tchid’a d’ö.

Jeremi 4:30 Iomraidhean Croise

2 Amuleina 9:30

Jezabel ti hum ahle suma a lena pet. Ata yi máma ti le mbul ma djivina irad’u, ti min tat djifa. Kid’a Jehu mi mba avo Jisreyel-la, ndat nga d’i hiled’emî ir fenetred’a.

Zla d’a d’ogolâ 6:25

Ar ang le d’od’oka kurung yam djif matna d’i, ar ti vang ki irat ta bizeina d’i.

Zla d’a d’ogolâ 7:10

Gola! Atcha d’a mbut tat d’igi atcha d’a gaulangâ na d’a, ti ngavamu, lemba nga oîd’a kurud’u.

Isai 10:3

Agi mba lagi ni nana kur bur ma ndaka mba d’i mba ki b’lak ka mba d’i tcholï ata yima deinid’a ge? Agi mba ringîgi ni gen nge á fagi ndjunda ge? Agi mba aragi ndjondjoî magid’a ni lara ge?

Isai 20:6

Kur bur máma suma a nga kaka avun alum ma ngolîna a mba dala: Wana ni suma ei tini huri kazina ni suma ei nga ngeyei tei atazi á ndjuni á sud’i woi abo amul ma Asiri-nina! Ki tchetchemba, ei mba sud’i tei woi ni nana ge?

Isai 33:14

Suma le tchod’a a nga le mandarâ kur Siyon, suma a nga le sun nda ata yat tuo d’ina a nga zlak mi. A nga de tazi ala: Ni nge adigei ba, mi ndak á kak go kaku d’a nga d’i ngal bibiliu ndata ge? Ni nge adigei ba, mi ndak á kak go kaku d’a hîhîk ka didin ndata ge?

Jeremi 13:21

Ndak mba d’i de nana fata suma ndak had’azi á mbut buniyô’îna a mba mba á te kaka ge? Ndak mba d’i fe ndaka d’igi atcha d’a ti nde vutid’a na d’uo zu?

Jeremi 22:23

Ndak ka nga kaka akulo yam Liban-nda, ndak ka min aziyak aduk agu sedrena d’igi aleina na d’a, fata ndaka mba d’i mba kaka, mba d’i tak d’igi vuta ti tatcha d’a ti nde vutid’a na, ndak mba zam tak ngola.

Jeremi 30:14

Suma a le kagi adjeuna pet a mba mar kagiya, a mba djib’er kagi d’i, kayam an togi ni d’igi agi ni man suma djangûna hina, an ngobogi ni ngop pa tchod’a yam tcho magi d’a zul heîd’a, yam tcho magi d’a ngola mi.

Jeremi 5:31

Suma djok vuna a nga djok vun ma ka zlad’a, suma ngat buzuna a nga te yamba kad’eng mazid’a, sum mana a min ala ahle ndazina a le hina mi. Wani dabid’a hahle ndazinid’a agi mba lagi ni nana ge?

Hor ma tchina 1:19

An yi suma a le kana, wani a mbud’un iranu. Man suma ngat buzuna ki man suma nglona a bo woi kur azì ma ngolâ kid’a a nga hal tena á ndjun ari mazid’id’a.

Hor ma tchina 1:2

Nga d’i tchi andjege, simina nga mi djang kä irad’u. Aduk suma a le katna pet, sama mi b’lengêt hurutna nga d’i. Buniyôtna pet a mbut ni suma a mbud’ut iratna, a mbut ni suma djangû matna mi.

Hor ma tchina 4:17

Irami ti kau hawa kau á djup ma ndjunumina, ami djubumi andjaf ma mba á sud’umina tatâ pî, wani mi mba nga d’i.

Ezekiyel 28:13

Ang nga kur Eden asinena hi an Alonina, ang tchuk ahina d’a guzut kal tegles sa lara ge atangû, nala, d’a sarduwanda, d’a topasa, d’a diyamanda, d’a krisolita, d’a onisa, d’a jasped’a, d’a safira, d’a eskarbukled’a, d’a emerota ki lora. Daliyâd’a ki taulâd’a a nga lang sunda. A minizi kangî kur bur ma a langâ dei.

Ezekiyel 28:9

Fata ang tchol avok sama tchangîd’a, ang mba de kua ala angî Alona zu? Angî sana, ang nga nAlona d’i, avok ma mi tchangâ!

Abdiyas 1:7

Buniyôgina a digigi gak a igi ir hagad’a, a mbud’ugi iragiya. Buniyôgina a kus kagiya. Suma a tagi te maginina a gunugi nga dauna kä avorogiya, a nga de kagi ala agi ni suma bei ned’a.

Hebre-na 2:3

le ei golei sut ta ngol ndata ta ni, ei mba prud’i woi ni nana ge? Salad’a tamba mi de zla sut ndata woi avogo, suma a humut avunama a deizi djivi mata mi.

Vama ndum mbeina 17:13

Suma dogo ndazina, djib’er mazid’a ni tu. A had’eng mazid’a kamul mazid’a mambur máma.

Vama ndum mbeina 17:2

Kayam amulei suma yam andagad’ina a le mizeuna ki sed’ed’u, suma a nga kaka yam andagad’ina a gurut ki mizeu matna d’igi suma a gurut ki süma na mi.

Vama ndum mbeina 17:4

Atcha ndata ti tchuk baru d’a hleu d’a kekenga atad’u, hed’eu ma lora mi nga tchuka kelet kahina d’a guzut kal teglesa ki hed’eu ma ngal wiwili’â mi. Angal la lora ti nga abod’u, ti nga oîd’a kahle suma tcho suma ndjendjed’a hi mizeu matnina.