Jeremi 38:16 - Bible azumeina

¹⁶ Amulâ Sedekiyas mi gun tam avok Jeremi gumun ala: An gun tan ki Ma didin ma bei matna ma hei arid’ina, an mba ni tchang ngi, an mba ni hang abo suma a nga halang á tchid’ina d’uo mi.

Jeremi 38:16 Iomraidhean Croise

Ma tchi wala 12:7

Ang mba le mandarâ abo ahle suma fuyogeina, ang mba le mandarâ abo ahle suma gloveina, tumuzung mba d’i mbut hapa d’igi b’od’a hagu amandenid’a na, ang mba gal d’igi djer ra ndjongâ na d’uo d’a, zlezleû manga mba d’i dap pei mi. Kayam sana nga mi i ata yam ma kak ma didina, suma tchina a mba tit ir palumba mi.

Isai 42:5

Alo ma didin ma lakulod’a ma b’engêt teina, Ma bine andagad’a woi kahle suma deî katna, Ma mi he muzuka mi suma kurutna, Ma mi he muzuka mi suma a nga tit kurutna, mi dala:

Isai 57:16

An mba ni tchol ad’enga hina gagak kuo, an mba ni zal hurun hina baba d’uo mi. Le d’uo ni, suma an lazina, a mba kau a bo woyo.

Jeremi 34:20

abo mazi suma djangûna, abo suma a halazi á tchid’ina. Mad’azi mba mi mbut ni tena haluwei suma akulona kamburei suma yam andagad’ina mi.

Jeremi 37:17

Amulâ Sedekiyas mi sun atam mi halamïya, mi djobom gumun avo hatam ala: Na ni zla d’a ding nga tcholï avun Ma didinid’a nga zu? Jeremi mi hulong dum ala: Â, nga! Jeremi mi dum kua ala: A mba hang abo amul ma Babilon-na.

Zakari 12:1

Wana ni zla d’a Ma didina mi ngop ki Israel-lîd’a: Ma didin ma b’eng akulod’a ma gäd’u andagad’a ma le muzu’â kur sanina, mi dala:

Ndumba 16:22

Moise azi ki Aron a grif kä andaga ki iraziya, a dala: Alo mamina, angî ma he arid’a mi suma petna, sama tuna mi le tchod’a ni mamu; ang hurung zal yam ablaud’a hina pet tchu?

Ndumba 27:16

Ma didina, angî Alo ma he arid’a mi suma petna; ar ang tin sana yam ablaud’a.

Jean 3:2

Mi mba gen Jesus andjege, mi dum ala: Ma hat suma, ami wang ala angî ma Alona sunungî á had’amina, kayam le Alona nga ki sana d’uo ni, mi ndak á lahle suma ndandal suma ang nga lazi wana d’i.

Sunda hi suma a sunuzinid’a 17:25

Nga mi min suma á ndjunum mbi, kayam nga mi kid’ak va d’i, kayam mam mi ma he arid’a mi sumina, mi hazi muzuka kahlena pet mi.

Sunda hi suma a sunuzinid’a 17:28

D’igi sana tu mi dala: Ni kayam mamu, ei nga karid’a, ei nga mbud’i teya, ei nga mi. D’igi magi suma ding suma hle sawala a de na ala: Ei ni groma mi.

Hebre-na 12:9

Ei djib’erei yam abuyoi suma kur duniyad’a ka hina: Azi nga gad’eya, ei nga gei yei kä avorozi mi. Ei ndak á gei yei kä avok Abui ma sä kur akulod’ina á kagei karid’a kal luo zu?