Jeremi 37:13 - Bible azumeina

¹³ Kid’a mi mbaza avun agre’â hi Benjamin-nid’a, ma ngolâ hi suma ngom yina ma a yum ala Jireya na, ni Selemiya goroma, ni Hananiya gorom ngolona, mi nga kua. Mi ve ma djok vun Alona Jeremi, mi dum ala: Ang i naduk suma Babilon-na!

Jeremi 37:13 Iomraidhean Croise

Jeremi 18:18

Ata yi máma suma a nga dala: Ki tchetchemba, ei ndjagei vunei yam Jeremi, kayam ei mba kid’agei suma ngat buzuna á had’ei d’i, d’oze suma ned’a á dei d’alâ, d’oze suma djok vuna á djogei zlad’a hAlonid’a d’uo mi. Ei i toïzi ki zla d’a de d’a asa’ata, ar ei tini humei yam zla mam mba ded’a d’uo mi.

Jeremi 20:10

An hum ndjak vuna hi suma ablaud’a ala: Ar mandarâ mi nguyum ata yina pet. A nga de tazi ala: Agi dumu! Ei dumu! Buniyôn suma kokodjona pet a nga djup puk manda, a nga dala: Ei i lobomu, dam ei mba kuzï kamu, ei mba hlei atchuguli ki sed’em mi.

Jeremi 20:2

Ata yi máma mi to Jeremi, mi vum mi gum aleina asem avun agrek ma akulo nding ma Benjamin ma kur gong nga kud’ora hi Ma didinid’ina.

Jeremi 21:9

Sama lara ma mi ar kaka kur azì ma ngol ma wanina, a mba tchum avun ayîna ki baktarad’a ki tugud’ei d’a tcho d’a tchi matna. Wani sama mi nde woi mi i gen suma Babilon suma a nguyugi kä na, mba mi sut tam d’igi sama a vumï hurumba avun ayînina na.

Jeremi 27:6

Ki tchetchemba, an nga ni hambas sa wanda pet abo Nebukanezar azong mana, amul ma Babilon-na, an nga ni hum azurei suma abageina á lum sunda.

Jeremi 28:14

Jeremi mi de kua ala: Ma didin ma ad’engêm kal petna, Alona hi Israel-lîna, mi dala: An nga ni ge djuk ma kaweina kel andjaf suma wana pet. A mba le sunda mi Nebukanezar amul ma Babilon-na. An mba ni hum azurei suma abageina abom mi.

Jeremi 36:12

mi i kur azì ma amula kur gonga hi ma b’ir mbaktumbid’a, ata yima suma nglona pet a nga kaka kuana, nala, Elisama ma b’ir mbaktumba, Delaya Semaya goroma, Elnatan Akbor goroma, Gemariya Safan goroma, Sedekiyas Hananiya goroma ki suma nglo suma dingâ pet mi.

Jeremi 38:1

Sefatiya Matan goroma, Gedaliya Pasehur goroma, Jukal Selemiya goroma ki Pasehur Malkiya goroma a hum zla d’a Jeremi mi dat mi suma ala:

Jeremi 38:4

Suma nglona a de mamulâ ala: Sa máma mi ndak á tchid’a, kayam ni mam ba, nga mi tchuk suma dur ayî suma a ar kaka kur azì ma ngol ma wana zlapa kablau d’a peta tazi susub’ok ki zla mam mba de d’a hina d’a. Sa máma nga mi halî djivi d’a yam sumid’a d’i, wani mi hal nala ndaka ti mba kaziya.

Jeremi 38:7

Wani Ebet-Melek ma Etiyopi-na, ni adimbang ma kur azì ma amulina, mi hum ala a ge wa Jeremi kur golong nga adjeud’a. Amulâ mi nga kaka avun agre’â hi Benjamin-nina.

Hor ma tchina 4:18

A nga tchid’i aseya, ei ndak á tchei blangeîna d’i. Dabi meid’a mba wa go, bur meina ndak wa... Dap kei da’!

Amos 7:10

Amasiya ma ngat buzu ma Betel-lâ, mi ge sunda mi de mi Jerobowam amul ma Israel-lâ ala: Amos mi ndjak vuna kang aduk Israel-lâ. Suma kur ambasa a ndak á ve tazi yam zla mam ndata pet ti.

Zakari 14:10

Ambasa ki zla tat pet mba d’i mbut ni d’igi fula na, tcholï Giba dei gak mba Rimon abo ma sutna hi Jerusalem-ma. Jerusalem mba d’i arî ata yat akulo kal yima nguyutna pet. Ti mba d’i tinï ad’ud’a avun agre’â hi Benjamin-na dei gak mba avun agrek Ma adjeuna, gak mba ata yima vun agre’â mi kong kuana, tinï ad’ud’a ata gong nga fiyak ka ndjola hi Hananel-la dei gak mba ata yima a miret guguzlud’a hamulîd’a kuana.

Wana ni Zla d’a Djivi d’a Luc mi b’irita 23:2

Azi nde tchugum zlad’a kam ala: Ami fami sama wana nga mi zut sum meina á tchol huneîd’a, nga mi d’el suma ala a he tara mi Sesar ri, nga mi dala mam tamba ni Christ, amulâ.

Sunda hi suma a sunuzinid’a 24:13

Azi ndak á fe vama tak abu ala zla d’a azi nga tchugut kanda ni zla d’a gagazid’a na d’i.

Sunda hi suma a sunuzinid’a 6:11

Azi he beged’a mi suma dingâ gumun ala a dala: Ami humumi nga mi de zla d’a tchod’a yam Moise kAlona.

2 Korente-na 6:8

A nga suburumiya, a nga mbud’umi zulona mi; a nga dami zlami tchod’a, a nga dami zlami djivid’a mi. Azi nga golomi ni d’igi suma ka zlad’a na, wani ami dami ni zla d’a gagazid’a hol.