Jeremi 36:4 - Bible azumeina

⁴ Jeremi mi yi Baruk Neriya goroma, mi dum zla d’a Ma didina mi dumzid’a ki yam pet, Baruk mi b’irit kä kur mbaktum mba d’uta pet mi.

Jeremi 36:4 Iomraidhean Croise

Isai 30:8

Ma didina mi de mi Isai ala: Ki tchetchemba ang i b’ir ahle ndazina kä kur ahina d’a tchet ta bebed’ed’a kä iraziya, ang b’irizi kä yam mbaktumba, kayam zla ndata ti arî vama ge humba gak bur ma danana á le glangâsâ gak didin bei dabid’a.

Isai 8:1

Ma didina mi dan ala: Ang hlahina d’a tchet ta bebed’e d’a ngola, ang b’ir kua djivid’a tetet ala: I atogo á hurumba, b’at atogo á yo ahle suma a yozina.

Jeremi 25:13

An mba ni mba ki ndak ka pet ta an dat zlata yam ambas ndata, kahle suma pet suma a b’irizi kur mbaktum mba wanda suma Jeremi mi djok vuna kazi yam andjaf sum ndazinina.

Jeremi 30:2

Ang b’ir zla d’a pet ta an Ma didina Alona hi Israel-lîna ni dangzid’a kä kur mbaktumba.

Jeremi 32:12

An he mbaktum ndata mi Baruk Neriya gorom ma Mäseya gorom ngolonina avok Hanamel abun ma dingâ goroma, avok suma glangâs suma a tin abozi kur mbaktum mba gusina, avok Juif suma a nga kur atrang nga dangeinina mi.

Jeremi 36:14

Ata yi máma suma nglona ki zla tazi pet a sun Jehudi Netaniya gorom ma Selemiya gorom ngolona ni Kusi gorom ngolo ma mbàna ata Baruk á dum ala: Ang hleï mbaktum mba d’ut ta ang ndumut avok sumid’a, ang mbeï ki sed’ed’u. Baruk Neriya goroma mi hle mbaktum mba d’ut ndata abomu, mi i ki geveziya.

Jeremi 36:21

Amulâ mi sun Jehudi á hleï mbaktum mba d’ut ndata. Jehudi mi i mi hlad’ï kur gonga hi Elisama ma b’ir mbaktumbina, mi ndumut avok amulâ, avok suma nglona pet suma a nga tchola gen amulîna mi.

Jeremi 36:23

Ata yima Jehudi mi ndum mbaktumba abot hindi d’oze fid’ina, amulâ mi ngad’at aduk kei ki mbigeud’a, mi tchugut yam aku d’a gordjo d’a nga d’i ngala gak mbaktum mba d’ut ndata ti ngal lei pet.

Jeremi 36:26

Amulâ mi he vuna mi Jeramel amulâ goroma, Seraya Asriyel goroma ki Selemiya Abadel goroma ala a i yoï ma b’ir mbaktumba Baruk azi ki ma djok vun Alona Jeremi. Wani Ma didina mi ngeyeziya.

Jeremi 36:27

Bugol la amulâ mi ngal mbaktum mba d’ut ta Jeremi mi de zlad’a mi Baruk ki yam mi b’irit kä kura woi ngala, Ma didina mi de mi Jeremi ala:

Jeremi 36:28

Ang hle mbaktum mba d’ut ta dinga, ang b’ir zla d’a kur mbaktum mba avok ka Jojakim amul ma Juda-na mi ngalat teid’a kä kurut pet.

Jeremi 36:32

Jeremi mi hle mbaktum mba d’ut ta dinga, mi hat mi Baruk ma b’ir mbaktumba Neriya goroma. Baruk mi b’ir zla d’a Jeremi mi dumzi ki yam mbà mi b’irit kä kur mbaktum mba Jojakim amul ma Juda-na mi ngalat teid’a, mi b’ir zla d’a ding nga hle tat d’igi ndat hina d’a kam kua mi.

Jeremi 36:6

Ang tanga i ndumuzi zlad’a hi Ma didina d’a an dangzi ki yan ang b’irit kur mbaktum mba d’utid’a avok suma kur gong ndatina kur bur ma a d’el tazi bei te tenina, ang ndumut avok suma Juda suma a nga buzugï kur aziyazi ma nglonina pet mi.

Jeremi 43:3

Wani ni Baruk Neriya goroma ba, mi zud’ungî mam á kak djangûna ki sed’emi á hami abo suma Babilon-na, á tchami d’oze á imi magomba Babilon ni mamu.

Jeremi 51:59

Wana ni vun ma he ma ma djok vun Alona Jeremi mi hum mi Seraya Neriya gorom ma Mäseya gorom ngolonina, kid’a nga mi i Babilon zlapa ki Sedekiyas amul ma Juda-na kur biza d’a fid’i d’a mam nga mi tamulid’a. Seraya ni ma ngolâ hi azigar suma avo hamulîna.

Jeremi 51:60

Jeremi mi b’ir ndak ka mba d’i mba yam Babilon-nda kä kur mbaktumba pet, nala, zla d’a pet ta mi b’irit kä yam Babilon-nda.

Ezekiyel 2:9

Ata yi máma an we abona nga mata woi iranu. Mbaktum mba d’uta nga kua.

Daniel 7:1

Kur biza d’a avok ka Baltazar amul ma Babilon-na nga mi tamulid’a, adïd’a de Daniel, vana nde tam mbei iram ata yima mi nga burâ yam azang mamina. Bugola, mi b’ir zlad’a hadï ndatid’a, mi väd’u zla mat ta nglod’a woi mi.

Zakari 5:1

Vana nde tam mbei iran kua. An we mbaktum mba d’uta ti pir akulo.

Romê-na 16:22

An Tertiyus ma b’ir mbaktum ndatina, ni gagi depa ki simiyê Salad’a.