Jeremi 36:29 - Bible azumeina

²⁹ Bugola, ang de zlad’a mi Jojakim amul ma Juda-na ala: Ni ang ba, ngal mbaktum mba d’ut ndata woyo, ang dala: Ni kayam me ba, ang b’ir zla ndata ala: Amul ma Babilon-na mba mi mba gagazi, mba mi b’lak ambas sa wanda woyo, mba mi ndjoî suma woi ki d’uwarâ ge?

Jeremi 36:29 Iomraidhean Croise

Wana ni mbaktumba hi Job-pa 15:24

Yor tad’a ki ndaka a nga mbud’um mandarâ, a vum ped’et d’igi amulâ mi min tam á dur ayîna na,

Wana ni mbaktumba hi Job-pa 15:25

kayam mi hlabom mi kak djangûna kAlona, mi hle yam akulo á kak djangûna ki Ma ad’engêm kal petna mi.

Wana ni mbaktumba hi Job-pa 40:8

Ang ngeyezi kä aduk andaga d’a gugud’upa ki zla tazi pet, ang djinizi kä kur nduvunda.

Isai 30:10

A ni suma de mi suma a wahle suma a nga mbana ala: Ar va mi nde tam mbei iragi d’uo na. A ni suma a nga de mi suma djok vun Alona ala: Ar agi djogomi vun ma gagazina woi d’i, agi dami ni zla d’a lami tami djivid’id’a, ar agi dami ni zla d’a kad’a mi na.

Isai 45:9

Ni zla d’a hohoud’a yam vama nga mi tchi tuguyod’a ki sama minima. Dei ma aduk dei ma andagad’a ma mba mi de mi sama minima ala: Ang le ni me na ge na nga zu? D’oze vama sana mi luma mba mi de mi sama mi luma ala: Na ni abong mi nga ko zi ge zu?

Jeremi 21:10

Kayam an nga ni mbut iran á le sulu’â mi suma kur azì ma wanina, nga ni ngalam mbei kakud’a. An mba sud’um mbi. An Ma didina ni de na.

Jeremi 25:13

An mba ni mba ki ndak ka pet ta an dat zlata yam ambas ndata, kahle suma pet suma a b’irizi kur mbaktum mba wanda suma Jeremi mi djok vuna kazi yam andjaf sum ndazinina.

Jeremi 25:9

An nga ni tchuk sunda, ni halï suma abo ma norâ ki Nebukanezar azong mana, amul ma Babilon-na. An mba ni mba ki sed’ezi á dur ambas sa wanda ki suma a nga kaka kurutna kandjaf suma a nguyutna pet á b’lagazi woi kakazeî, á mbud’uzi vama atchapma, vama sanda ki vama b’lak ma gak didina.

Jeremi 26:9

Ni kayam me ba, ang djok vun Ma didina ala: Gong nga wanda mba d’i b’lak kei d’igi Silo na, azì ma ngol ma wana mba mi b’lak kei a mba fe sama kak kur ruo ge? Ata yi máma suma a nga kur gong nga kud’orina a tok yam Jeremi.

Jeremi 28:8

Suma djok vun suma a mba avoreina a djok vuna yam ambasa ablaud’a, yam leu d’a nglod’a ala: Ayî ma durâ, baktarad’a ki tugud’ei d’a tcho d’a tchi matna a nga mba.

Jeremi 32:3

Ata yima Sedekiyas amul ma Juda-na mi gum dangeinina, mi dum ala: Ni kayam me ba, ang djok vuna ala: Ma didina mi dala: Gola! An nga ni hazì ma ngol ma wana abo amul ma Babilon-na, mba mi hlumu.

Jeremi 33:12

Ma didin ma ad’engêm kal petna mi de kua ala: Azì ma b’lak kei ki tchetchemba ma sa d’oze d’uwar mi nga kua d’uo na kazì mam ma nglona pet, a mba min kangâna yam suma pola, a mba tuk d’uwar mazina tam kua.

Jeremi 36:23

Ata yima Jehudi mi ndum mbaktumba abot hindi d’oze fid’ina, amulâ mi ngad’at aduk kei ki mbigeud’a, mi tchugut yam aku d’a gordjo d’a nga d’i ngala gak mbaktum mba d’ut ndata ti ngal lei pet.

Sunda hi suma a sunuzinid’a 5:28

Ami d’elegi ala: Agi had’agi ki simiyê sa máma d’i. Gola! Hat magid’a b’rau wa woi kur Jerusalem pet. Agi min á mbagi ki buzuna hi sa mámina kami zu?

Sunda hi suma a sunuzinid’a 5:39

Wani le d’i tcholï nata Alona gagazi ni, agi ndak á b’lagat tei d’i. Ar á gologi d’igi suma dur ayîna kAlonina na d’i.

1 Korente-na 10:22

Na ni ei min djiwi Salad’a á le yungôra kei zu? Agi djib’eregi ala ei kalam kad’enga zu?

Gat ta a hat á mbàd’id’a 29:19

Le agi humugi wa zlad’a hi vun ma djin máma da ni, ar sa adigagi mi subur tam kurum krovo bugol ala: Le an tit kur min manda, le an ni tche baba ni gurut pî, va mba mi lan ndi d’i.