Jeremi 32:38 - Bible azumeina

³⁸ Azi mba mbut sum mana, an mba ni arî Alo mazina mi.

Jeremi 32:38 Iomraidhean Croise

Ad’u Tinda 17:7

An mba ni djin vunan ki sed’eng kandjavangû, kandjavang ma mba mi mba bugol kur atchogoi d’a lara ge petna mi; ni vun man ma djin ma didina. An mba ni arî Alo mangâ, Alona handjavang ma blogongîna mi.

2 Samuel 7:24

Ang mbud’um andjaf mangâ, kayam mi ka’î mangâ gak didin. Ma didina, ang arî Alo mama mi.

Sawal la giled’a 144:15

Suma a lazi hina na a le furîd’a; suma Ma didina nAlo mazinina a le furîd’a.

Isai 65:23

Azi mba le sun nda hawa yaka d’i, a mba vut grona bei mandarâ. Kayam azi nandjaf ma an Ma didina ni b’e vunan kama, grozina a mba kak zlapa ki sed’ezi mi.

Jeremi 24:7

An mba ni malazi djib’er ra kuruzid’a woyo, azi mba wala an ni Ma didina, azi mba mbut sum mana, an tan mba ni arî Alo mazina, azi mba hulongî geven ki hur ma tuna.

Jeremi 30:22

Ata yi máma agi mba mbud’ugi sum mana, an mba ni arî Alo magina mi.

Jeremi 31:1

Ma didina mi dala: Fata yina ndaka, an mba ni arî Alona handjafâ hi Israel-lîna pet, azi tazid’a a mba mbut ni sum mana mi.

Jeremi 31:33

Ma didina mi de kua ala: Wana ni vun ma djin ma an mba ni djinim ki Israel-lâ bugol bur mámina: An mba ni tin gat manda kuruziya, an mba ni b’irit krovo kur mugulazi mi. An mba ni ka’î Alo mazina, azi mba ka’î sum mana mi.

Ezekiyel 16:60

Hina pet pî, an mba ni djib’er yam vun man ma djin ma an djinim ki sed’ek ki gogorok deina, an mba ni djin vun ma djin ma didina ki sed’egu.

Ezekiyel 36:28

Agi mba kagagi yam ambas sa an hat mabuyogi ngolod’a, agi mba mbud’ugi sum mana, an mba ni arî Alo magina mi.

Ezekiyel 37:27

An mba ni min yan ma kaka nadigaziya. An mba ni ka’î Alo mazina, azi mba ka’î sum mana mi.

Ezekiyel 39:22

Kur bur máma Israel-lâ a mba wala an ni Ma didina Alo mazina ki irazi fafat.

Ezekiyel 39:28

Azi mba wala an ni Ma didina, Alo mazi ma ni yozi ni izi magomba adjeu aduk andjaf suma ni hulongôzï yam andaga mazid’ina. An mba ni ar sa tu pî adigazi sä hî d’i.

Zakari 13:9

An mba ni tchuk suma kur abo ma hindi mámina akua, an mba ni yorozi d’igi a yor kawei ma hapma na, an mba ni kuguzi d’igi a kuk lora na, a mba tchenenu, an mba ni humuzi mi. An mba ni dala: Sum ndazina a ni sum mana; azi mba dala: Ma didina nAlo meina mi.

Gat ta a hat á mbàd’id’a 14:23

Agi mba tagizi avok Ma didina Alo magina ata yima mam mba mi manam á tin simiyêm kuana, nala, dima hawu maginina, hi süm guguzlu magid’ina, hi mbul maginina, gro d’uwarâ hi d’uwar magi ma nglona ki d’uwar magi ma gurei ma a vut avo’â mi, kayambala agi had’agi á le mandara Ma didina Alo magina burâ ki burâ d’a.

Hebre-na 11:16

Wani azi nga hat huruzi yam andaga d’a djivi d’a kala, nala, ta akulod’a. Kayam ndata, Alona nga mi le zulona kazi ata yima azi nga yum ala Alo mazina na d’i, kayam mam min wa azì ma ngolâ kazi da’.

Hebre-na 8:10

Ma didina mi de kua ala: Wana ni vun ma djin ma an mba ni djinim ki Israel-lâ bugol bur mámina: An mba ni tin gat manda kur djib’er mazid’a, an mba ni b’irit krovo kur mugulazi mi. An mba ni ka’î Alo mazina, azi mba ka’î sum mana mi.

Vama ndum mbeina 21:7

Suma a mba kus ayînina, an mba ni hazi he d’a hawad’a, an mba narî Alo mazina, azi mba mbut grona.