Jeremi 31:35 - Bible azumeina

³⁵ Wana ni zlad’a hi Ma didin ma hafata á b’o yina faleina, ni ma he gata mi tilâ ki tchitchiud’a á b’o yina andjegena, ni ma nga mi zut alum ma ngolâ nga mi lum abilim á tchina mi na. Simiyêm ala Ma didin ma ad’engêm kal petna.

Jeremi 31:35 Iomraidhean Croise

Wana ni mbaktumba hi Job-pa 26:12

Kad’eng mamba nga mi tcha alum ma ngolâ tata, ki ne mamba mi kus yam ambur ma a yum ala Rahap-ma na.

Wana ni mbaktumba hi Job-pa 38:33

Ang we gat ta akulod’a zu? Ni ang ba, tagazi sun nda azi nga lat yam andagad’a ka hid’a zu?

Sawal la giled’a 106:9

Mi ngop alum ma ngol ma Tchereuna; mi so woyo; mi tid’izi kur galileina d’igi sana mi tit hur fulâ na.

Sawal la giled’a 119:89

Ma didina, zla manga ti nga ni teteu; yat ma kak ma didina mi sä nakulo.

Sawal la giled’a 119:91

Ni kayam nga hur mangâ ba, ahlena a nga kaka wana; azi pet a nga lang sunda mi.

Sawal la giled’a 148:6

Mi tinigi á kak teteu gak didin, mi tin gat ta a nga tchila kat tuo d’a mi.

Sawal la giled’a 72:17

Ar simiyêm mi yï didin, ar simiyêm mi yï yam andagad’a gak dabid’a hatchogoid’id’a. Ar suma a b’e vuna yam tazi ni ki simiyêmu, ar andjaf suma pet a yum ala amul ma furîd’a!

Sawal la giled’a 72:5

Kid’a afata ki tilâ a nga b’o tua d’a, ar suma a ringîng mandarang gak didin.

Sawal la giled’a 74:13

Angî ma wal alum ma ngolâ woi kad’eng mangina, angî ma wak yam amburei suma nglo suma aduk mbina woina.

Sawal la giled’a 74:16

Faleid’a ni manga, andjeged’a ni manga mi, ni ang ba, lafata ki tilâ mi.

Sawal la giled’a 78:13

Mi wal alum ma ngolâ woi aduk mbà kayam azi djak keyo, mi tchol mbina akulo gongzong d’igi sana mi ge damana na.

Sawal la giled’a 89:2

Ma didina, an mba ni hle sawala yam o mang nga didinda burâ ki burâ, an mba ni de woi ki vunan yam d’engzeng manga kur atchogoi d’a lara ge pet mi.

Isai 48:2

Agi suma tagi nga lagi zlezleû ala a yagi ala: Agi ni suma kur azì ma ngol ma a tinim iram vama na, agi suma dengêgi tagi yam Alona hi Israel-lâ ma a yum ala Ma didin ma ad’engêm kal petna na, agi humugiya.

Isai 51:15

An ni Ma didina Alo mang ma nga ni hlalum ma ngolâ akulo ma nga ni labil mamina. Simiyên ala Ma didin ma ad’engên kal petna.

Isai 54:5

Ma mi la’â ni ndjuvugu, simiyêm ala Ma didin ma ad’engêm kal petna. Ma mi wurak ka’â ni Ma tin tam irat vat yam Israel-lîna, a yum ala Alo ma te yam andagad’a petna.

Isai 63:12

Mam ma mi tit yam bik ka ndjufa hi Moise-sa ki sib’ik mambina mi nga ni lara ge? Ni mam ma wal mbina woi aduk mbà avorozi tala simiyêm mi yi gak didinu d’a.

Jeremi 10:16

Wani ma ala ni ndjondjoîd’a hi Jakob-pa na, mi nga na d’i. Mam mi ma ad’engêm kal petna, Israel-lâ ni sum mama mi. Simiyêm ala Ma didin ma ad’engêm kal petna.

Jeremi 32:18

Ang nga tak suma manga woi gak kur atchogoi d’a dubid’a, ang nga hulong wurak grod’a yam tchilad’a habuyozid’a. Angî Alo ma ngolâ, angî ma sib’ika. Simiyêng ala Ma didin ma ad’engêng kal petna.

Jeremi 33:20

Le agi ndagagi á but vun man ma djin ma an djinim ki faleid’ina d’oze vun man ma djin ma an djinim ki andjeged’ina woi tala faleid’a kandjeged’a a kak ata yazi d’uo d’a ni,

Jeremi 33:25

Ma didina mi dala: Ladjï an djin vunan kandjeged’a ki faleid’a d’uo, ladjï an tin gat ta akulod’a ki d’a yam andagad’id’a d’uo mi ni,

Jeremi 33:26

ata yi máma an mba ni gandjafâ hi Jakob-ma ki ma hazong mana David-na woyo, an mba ni hle sa ad’u andjavam aduk suma a mba te yam andjafâ hi Abraham-ma yam andjafâ hi Isa’â yam ma hi Jakob-ma d’uo mi. Kayam an mba ni hulongî ki mazi suma a yozi magombina avo, an mba ni wazi hohowozi mi.

Jeremi 46:18

An amul ma simiyên ala Ma didin ma ad’engên kal petna na ni dala: An gun tan ki an ma bei matna ala: Ma djangûna nga djï d’igi Tabor ri nga akulo aduk ahuniyôna na, d’igi Karmel li nga akulo avun alum ma ngolâ na mi.

Jeremi 5:22

Ma didina mi de kua ala: Agi nga lan mandaran nduo zu? Agi nga zlagagi avoron nduo zu? An ni ma he alum ma ngolâ lesâ á haga d’a didindina. Mam ndak á tchila kat tuo mi. Abil mama nga mi sulula, wani mi nga kad’enga á kal lei kat ti, nga mi le abilâ guguzlubut, wani nga mi tchila woi kat tuo mi.

Jeremi 50:34

An ma tchuguzi akulona ni ma sib’ika. Simiyên ala Ma didin ma ad’engên kal petna. An mba ni ndjun kaziya, ambasa ti kak ki halasa, an mba ni mbut suma a nga kaka Babilon-na mandarâ mi.

Jeremi 51:19

Wani ma ala ni ndjondjoîd’a hi Jakob-pa na, mi nga na d’i. Mam mi Ma ad’engêm kal petna, Israel-lâ ni sum mama mi. Simiyêm ala Ma didin ma ad’engêm kal petna.

Wana ni mbaktumba hi Oze-d’a 13:14

An mba ni prud’uzi woi ata yima azuleina zu? An mba ni prud’uzi woi abo matna zu? Ang matna, tugud’ei mang nga tcho d’a tchi matna ti nga ni lara ge? Ang yima azuleina, ad’engêng nga ang b’lak ki sumid’a ti nga ni lara ge? We hohoud’a dap vita iranu.

Amos 9:8

Gola! An Salad’a Ma didina iran nga tinda yam leu d’a le tchod’a, an mba ni b’lagat tei yam andagad’a. Hina pet pî, an mba ni dap andjafâ hi Jakob-ma woi pet ti.

Matiye 5:45

Hina wani, agi mba mbud’ugi nAbugi ma sä akulona groma, kayam nga mi deî afata yam suma tchona, yam suma djivina mi, nga mi se alona yam suma djivina, yam suma tchona mi.

Gat ta a hat á mbàd’id’a 4:19

Ar agi hlagi iragi akulo hur alona á gol afata tilâ ki tchitchiud’a kahle suma akulona pet ba, a lobogi vunagi á kud’urozi á lazi sunda d’i, kayam nahle suma Ma didina Alo magina mi hazi mandjaf ma ding ma nga kaka yam andagad’a petna.