Jeremi 31:34 - Bible azumeina

³⁴ Sa mba mi dok hat ndram mboze mba mi de wiyema ala: Ang we Ma didina na nga d’i, kayam azi pet a mba wanu, tin ad’ud’a ata suma yâna dei gak mba yam suma gangrangâ. An Ma didina ni de na. Kayam an mba ni vat hurun ndei yam tchila mazid’a, an mba ni djib’er yam tcho mazid’a d’uo d’a.

Jeremi 31:34 Iomraidhean Croise

1 Sunda Hamuleinid’a 28:9

Ang gorona Salomon, ar ang wAlo ma an abung nga ni lum sundina, ar ang lum sunda ki hur ma tuna ki tang pet ki djivid’a. Kayam Ma didina ni ma hal hur suma petna, mi we djib’era hi suma pet mi. Le ang halamu ni, ang mba fumu, wani le ang aram mbeyo ni, mama mba mi arang ngei ki iram fafat mi.

Sawal la giled’a 25:7

Ma didina, ang djib’er yam tcho manda ki tchila man nda kazongôn deid’a d’i, wani ang djib’er kan yam we hohou manga ki djivi manga.

Isai 11:9

Mba mi le vama tcho d’oze mi b’lak va yam ahina man nda an tinit irat vata d’i, kayam wed’a hi Ma didinid’a mba d’i oî yam andagad’a d’igi mbina mi oî hur alum ma ngolâ na mi.

Isai 29:24

Suma djib’er mazid’a vit teina a mba humunu, suma a nga gureîna a mba he tazi á hata mi.

Isai 30:26

Kur bur ma Ma didina mba mi djin mbilâ hi sum mamina, ata yima mam mba mi tchilizi mbilizi ma a kazizina, b’od’a hi tilîd’a ti mba d’i mbut ni d’igi b’od’a hafatid’a na, b’od’a hafatid’a ti mba d’i b’o kal b’o d’a ti b’o kur burâ b’ob’o kid’iziyad’a na.

Isai 33:24

Sama nga kaka kurut ma mba mi dala: Tugud’eid’a lanu na nga d’i. Suma a nga kaka kur Jerusalem-ma pet, Alona mba mi vat hurum mbei yam tchila mazid’a mi.

Isai 33:6

Wani agi suma hi Ma didinina, agi mba kagagi bei va mi lagi ba. Ned’a ki wed’a ni ndjondjoî d’a sud’ugid’a, le mandara Ma didina ni ndjondjoî magid’a mi.

Isai 38:17

Gola! Hur man ma b’laka mi mbut ni furî manda. Ang tang lan djivid’a, ang prud’un ndei avun matna, kayam ang tchuk tcho manda sä woi blogong dei.

Isai 43:25

Ni an ba, nga ni has tcho magid’a woi yam o man nda kagid’a, an mba ni djib’er yam tcho magid’a bugol luo d’a.

Isai 44:22

An has tchila magid’a woyo, an has tcho magid’a woi mi. A val lei d’igi d’ugula ti val lei na. Agi hulongôgi gevenu, kayam an wurak kagi ni wuraga.

Isai 52:6

Ni kayam ndata ba, sum mana a mba wan simiyênu. Kur bur máma a mba wala an ma nga ni de zlad’ina ni an ba wana.

Isai 54:13

Gro’â pet a mba mbut ni man suma hata; azi mba zul i avogovok ki djivid’a.

Jeremi 24:7

An mba ni malazi djib’er ra kuruzid’a woyo, azi mba wala an ni Ma didina, azi mba mbut sum mana, an tan mba ni arî Alo mazina, azi mba hulongî geven ki hur ma tuna.

Jeremi 32:40

An mba ni djin vun Ma djin ma didina ki sed’eziya, an mba ni wal lei ki sed’ezi d’i. An mba ni lazi djivid’a, an mba ni kal mandar mana kuruziya, kayambala azi wal lei ki sed’en nduo d’angû d’a.

Jeremi 33:8

An mba ni mbud’uzi woi yed’et kur tcho mazi d’a pet ta azi lat avoronda, an mba ni vat hurun ndei yam tcho mazi d’a azi lat avoron a son vunan ndeid’a mi.

Jeremi 50:20

Ma didina mi dala: Kur bur máma, ata yi máma, a mba hal tchilad’a hi Israel-lîd’a, a mba fat ti, a mba hal tchod’a hi suma Juda-nid’a, a mba fat tuo mi. Kayam an mba ni vat hurun ndei yam suma an mba ni arazina.

Jeremi 9:23

Ma didina mi dala: Ar sama ned’a mi subur tam ala mam mi ma ned’a d’i! Ar sama ad’engâ mi subur tam ala mam mi sama ad’engâ d’i! Ar sama ndjondjoîna mi subur tam ala mam mi ma ndjondjoîna d’uo mi!

Wana ni mbaktumba hi Oze-d’a 2:20

Kur bur máma an mba ni djin vunan ki sum mana kahle suma abageina kaluwei suma akulona kahle suma a dram kä yam andagad’ina mi, an mba ni kus yeûd’a ki mbigeu d’a fiyaka kahle suma dur ayîna woi pet kur ambasa, an mba ni arazi á tuk tazi ki halasa.

Mise 7:18

Ma didina, nalo ma lara ba, mi hle tam d’igi ang na ge? Ni ang tu ba, nga vat hurung ngei yam tchilad’a, yam tchod’a á we hohowa suma a ar suma ang tazi djonina. Ang nga ngom ayîna kurung baba d’i, kayam tang ngi lang djivid’a ni yam we hohoud’a.

Mise 7:19

Ang mba wami hohowomi kua, ang mba miret tchila mamid’a kä kasengû, ang mba komi tcho mamid’a sä woi kä ad’u alum ma ngolâ.

Habakuk 2:14

Kayam andagad’a pet mba d’i oî ki wed’a hi Ma didin ma subura, d’igi mbiyona mi oî kur alum ma ngolâ na.

Matiye 11:27

Abun mi han ahlena pet abonu. Sama wan an Gorâ nga d’i, nAbun hol. Sama wAbun nga d’i, ni an Goroma hol mi. Sama an Gorâ ni min tagam Abun woina, an tagamzi woi mi.

Wana ni Zla d’a Djivi d’a Luc mi b’irita 1:77

á tak mi sum mama ala mam mba mi sud’uziya, mba mi vat hurum mbei yam tcho mazid’a mi.

Jean 17:3

Ari d’a didinda ba wana, nala, a wang ala ang tu nAlo ma gagazina, a wan ala an Jesus Christ ni ma ang sununïna mi.

Jean 17:6

An tagang simiyêng ngei mi suma ang handji kur duniyad’a ka hina. Azi ni mangâ; ni ang ba, handjiya, azi nga ngom zla manga mi.

Jean 6:45

Suma djok vun Alona a b’ir kur mbaktumba ala: Alona mba mi had’azi pet. Sama lara pî ma hum Abun mi ve hat mamba mi na, nga mi mba gevenu.

Sunda hi suma a sunuzinid’a 10:43

Suma djok vun Alona pet a le glangâsâ kam ala nge nge pî ma he gagazid’a kama, Alona mba mi vat hurum mbei yam tcho mamba ki simiyêmu.

2 Korente-na 2:10

Le agi vad’agi hurugi yam sa ni, an vat hurun ndei kam mi. Le an vat hurun ndei yam sa ni, an vat hurun ndei kam ni yam agi avok Christ,

2 Korente-na 4:6

Kayam Alo ma dala: Ar b’od’a ti b’o kur nduvunda na, ni ma nga b’o kuri kayam ei wei subura hAlona d’a nga d’i b’o avok Christ-sa.

Efes-sâ 1:7

Kayam ndata, mi wurak kei ki buzuwamu, nala, hurum vat tei yam tcho meid’a. Hina, Alona mi tagei suma mam mba ngol

1 Tasaloni’â 4:9

Wani kayam zla d’a o d’a yam b’oziyoi suma he gagazid’ina, agi nga djup sa mi lagi mbaktum kat tuo d’a, kayam Alona mi had’agi á le yam tagi da’.

Hebre-na 5:12

Kayam agi lagi bizad’a ngola, agi ndak á hat suma, wani agi nga minigi sama ding á had’agi zla d’a adjeu d’a agi humut avun Alonid’a kua. Djivid’a agi tagi navuna, wani agi minigi nambira á tched’a.

Hebre-na 8:11

Sa mba mi hat ndram mboze mba mi de wiyema ala: Ang we Ma didina na nga d’i, kayam azi pet a mba wanu, tin ad’ud’a ata suma yâna dei gak mba yam suma gangrangâ.

Hebre-na 8:12

Kayam an mba ni vat hurun ndei yam tchila mazid’a, an mba ni djib’er yam tcho mazid’a d’uo d’a.

1 Jean 2:20

Agi tagiya, agi vagi Muzuk ma bei tchod’a ma Christ mi vom kagi d’igi a vo mbulâ na. Kayam ndata, agi pet wagi gagazid’a.

1 Jean 2:27

Christ mi vo Muzuk máma kagiya. D’igi Muzu’â nga kaka kurugi na, kid’ak magi d’ala sama dingâ mi had’agiya d’a ti nga d’i. Muzuk mama nga mi had’agi yam ahlena pet, ni zla d’a irat ta bei ka zla d’a ba d’a. Kayam ndata, agi gagi yagi kä ad’u hata hi Muzuk mamid’a, agi kagagi zlapa tu ki Christ mi.

1 Jean 5:20

Ei wei ala Alona Goroma mi mba wa da’, mi hei wa ned’a á wei Alo ma gagazina. Ei nga zlapa tu kAlo ma gagazi máma ni yam Goroma Jesus Christ. Mam nAlo ma gagazina, mam nari d’a didinda mi.

1 Samuel 2:12

Eli groma ni suma zlazi nga d’uo na, a we nga Ma didina d’i.