Jeremi 31:20 - Bible azumeina

²⁰ Ma didina mi dala: Efraim goron ma an le kam heîna ni goron ma tan lan djivid’a kama. Ata yima lara ma an nga ni ngoboma, an nga ni djib’er kam teteu, an nga ni hat hurun kam ngola, an nga ni ar bei wum hohowom mbi.

Jeremi 31:20 Iomraidhean Croise

Ad’u Tinda 43:30

Ata yima Josef mi we wiyemina, hurum hat heî, iram nde ka simina, mi ndabu atogo zak, mi kal kur gong mam mba burâ, mi nde tchina.

1 Amuleina 3:26

Gor ma arina asum mbi le mandarâ kayambala á tchat ni gorotna d’a, ti er ad’ut akulo, ti dala: Salana, an nga ni dangû, ang he gor ma arina matcha ndata! Djivid’a ang tchum mbi! Wani ndrat ta mbàd’a ti dala: Agi ngad’am mbei aduk mbà! Ndat ti kak hawa mi na, an kak hawa mi!

Sawal la giled’a 103:13

Ma didina nga mi le yam mam suma d’engzengâ d’igi abud’a nga mi le yam groma na mi.

Zla d’a d’ogolâ 3:12

Kayam Ma didina nga mi ngop sama mam le kama d’igi sana nga mi ngop gorom ma hurum vum heîna na mi.

Sawal la kal teglesa 5:4

Ma an hurun vum heîna, mi nigï abom ir vun gonga; mugulan nga mi hat kam heî.

Isai 16:11

Kayam ndata, an nga ni hle sawala ki delen akulo ki hur ma hata yam suma Mowap-ma d’igi tchina hadingîna na, an nga ni tchi yam suma Kir-Hares-sâ mi.

Isai 30:18

Kayam ndata, Ma didina nga mi djup á vagi sumad’a, mba mi tchol akulo á wagi hohowogi mi, kayam Ma didina nAlo ma d’ingêrâ. Suma a tin huruzi kama pet a nga le furîd’a!

Isai 55:7

Ar sama asa’atna mi ar lovot mam mba tchod’a woyo, ar sama bei d’ingêrâ mi ar djib’er mam mba tchod’a woi mi, ar azi hulongôzi gen Ma didin ma mi wazi hohowozina, ar azi mbeï gen Alo mei ma nga mi kau á vat hurum mbei kei d’uo na.

Isai 63:15

Ang ma sä kaka akulo ata yi mang ma ang tinim iram vam ma suburina, ang golï irang kä. Zlezleû manga ki djivi manga a nga ni lara ge? Ang ar bei hat hurung kan bei wan hohowon nana ge?

Jeremi 3:12

Ang i de woi yam zla ndata ki deleng akulo abo ma norâ ala: Ma didina mi dala: Agi Israel suma tchagi tatana, agi hulongôgïya. An mba ni d’us iran atagi d’i, kayam an ni sama od’a, an mba ni vagi kurun baba d’i. An Ma didina ni de na.

Jeremi 3:19

An Ma didina ni dala: Ni nana ba, an min tchugugi aduk grona, ni hagi ambas sa djivid’a, ni hagi djo ma djivi ma kal teglesâ aduk suma kur duniyad’ina ge? An djib’er ala agi mba yan ala Abugiya, agi mba walagi woi ki sed’en nduo.

Jeremi 31:9

Azi mba mba ki tchina. An mba ni b’lengêzi huruziya, an mba ni i ki sed’ezi avun toliyon nda mbina ki lovot ta papana d’a azi mba puk kä kua d’uo d’a. Kayam an ni Israel Abumu, Efraim ni goron ma ngolâ mi.

Jeremi 33:26

ata yi máma an mba ni gandjafâ hi Jakob-ma ki ma hazong mana David-na woyo, an mba ni hle sa ad’u andjavam aduk suma a mba te yam andjafâ hi Abraham-ma yam andjafâ hi Isa’â yam ma hi Jakob-ma d’uo mi. Kayam an mba ni hulongî ki mazi suma a yozi magombina avo, an mba ni wazi hohowozi mi.

Jeremi 48:36

Ni kayam ndata ba, an nga ni tchi kurun krovo yam suma Mowap-ma d’igi taulâd’a ti tchi na, an nga mi tchi kurun krovo yam suma Kir-Heres-sâ d’igi taulâd’a ti tchi na mi, kayam ndjondjoî d’a azi togota, ti b’lak wa woyo.

Hor ma tchina 3:22

Djivi d’a tetenga hi Ma didinid’a nga d’i dap pi, we hohou mamba ti dap nga d’uo tua mi.

Ezekiyel 33:11

Ang dazi ala: An Salad’a Ma didin ma bei matna ba na ni dala: An min nga d’ala sama tchona mi mid’a d’a d’i, ar mi mbut hurum yam tcho mamba, ar mi kak karid’a. Agi hulongôgiya, agi hulongôgi woi kur sun magi d’a tchod’a. Agi Israel-lâ, ni kayam me ba, agi tchagi tagi woi ge?

Wana ni mbaktumba hi Oze-d’a 14:4

Ma didina mi dala: An mba ni sut Israel-lâ woi kur sun mazi d’a ata yat tuo d’a, an mba ni tagazi o man nda gagazi d’a kazid’a, kayam ayî mana mi vat tei kazi da’.

Sunda hi suma hi Levi-nid’a 26:44

Wani fata an mba ni izi kur ambasa hi mazi suma djangûnid’a, an mba ni arazi woi ki iran fafat ti, an mba ni golozi is gak mba ni dabazi woi d’i, an mba ni but vun man ma djin ma an djinim ki sed’ezina woi d’uo mi, kayam an ni Ma didina Alo mazina.

Wana ni Zla d’a Djivi d’a Luc mi b’irita 15:24

Kayam goron ma d’igi mi mit ni woi na na, mi zlit wa; mi vit teyo, an fum wa da’. A nde á le furîd’a.

Wana ni Zla d’a Djivi d’a Luc mi b’irita 15:32

Wani djivid’a ei lei furîd’a, ei kagei ki furîd’a, kayam wiyeng ma d’igi mit tei na na, mi zlit wa; mi vit teyo, an fum wa da’.

Gat ta a hat á mbàd’id’a 32:36

Ma didina mba mi ka sariyad’a yam sum mama, wani mba mi we hohowa azungeî mama ata yima mi wazi ad’engêzi d’i nga d’uo na, ata yima sama mi vazi kä d’oze mi tchuguzi akulona nga d’uo na mi.

Filip-ma 1:8

Alona mi wala an de ni zla d’a gagazid’a, an nga ni le kagi ki o d’a Jesus Christ mi lat kagid’a.

Suma ka sariyad’a 10:16

Israel-lâ a tchuk alo ma teteng ma hi suma ding ma nga adigazina woyo, a hulong a nga le sunda mi Ma didina. Ma didina nga mi hat hurum yam ndak mazid’a.