Jeremi 31:13 - Bible azumeina

¹³ Ata yi máma yuguneina a mba buzuk ndjongâ ki furîd’a, gro azungeîna ki momorogeina a mba le na mi. Ma didina mi dala: Yor ta mazid’a, an mba ni mbud’ut aîd’a, an mba ni b’lengêzi huruziya, an mba ni vragazi hur ma hapma balum hur mazi ma wurana.

Jeremi 31:13 Iomraidhean Croise

Esdras 6:22

A lü vun til ma a lum kavungô ma bei angufina ki furîd’a gak burâ kid’iziya, kayam Ma didina mi lazi tazi djivid’a ata yima mi mal djib’era hamul ma Asiri-na á ndjunuzi kur sunda hi gong nga kud’ora hAlona hi Israel-lînid’a.

Nehemi 12:27

Kid’a a dap gulumun ma Jerusalem-ma dapa, a i halï suma hi Levi-na ata yima azi nga kaka kuana pet, a mba ki sed’ezi Jerusalem á le furîd’a á tin gulumuna iram vam mAlona, á hle sawala giled’a ki tchigiyeud’a kading ma nglona ki ma gureina mi.

Nehemi 12:43

Kur bur máma suma a he he d’a hawa d’a ngat buzuna ablaud’a, a le furîd’a ngola, kayam Alona mi hazi bur ma furîd’a. Aropma ki kemba a le furîd’a avo Jerusalem mi. Kayam ndata, suma a nga humut sä woi ata yima deina.

Ester 9:22

Kayam bur máma ni bur ma agi sagi atchugulugi ki magi suma djangûnina. Ni til ma hur ma wura magina mi mbut hur ma hapmina, yor ta magid’a ti mbut furîd’ina mi, ni bur ma agi lagi te ma luna á lagi furîd’ina. Nge nge pî adigagi mi sun ahlena mi ndrama, mi he he d’a hawad’a mi suma houd’a mi.

Sawal la giled’a 126:5

Suma a nga zar ki simina irazina, a mba ze ki sawal la furîd’a.

Sawal la giled’a 148:12

Agi azungeîna ki yuguneina, agi momorogeina ki kemba, agi gilegiziya!

Sawal la giled’a 149:3

Ar a gilem simiyêm ki ndjongâ, ar a hle sawala á gilem ki daliyâd’a kadingâ mi,

Sawal la giled’a 30:11

Ma didina, ang humunu, ang wan hohowonu; Ma didina, ang ndjununu!

Isai 12:1

Kur bur máma ang mba dala: Ma didina, an nga ni gilengû, kayam hurung zal kanu, wani hurung vat tei kanu, ang b’lengên hurun mi.

Isai 35:10

Ni hina ba, suma Ma didina mi tchuguzi akulona a mba hulongîya, a mba mba kur Siyon ki sawal la bangâna avunaziya, a mba le furîd’a gak didin. A mba le hur ma hapma, a mba aî mi. Hur ma wurana ki zam tad’a a mba kal leyo.

Isai 51:11

Ni hina ba, suma Ma didina mi prud’uzi woina, a mba hulongîya, a mba mba kur Siyon ki sawal la bangâna. Furî d’a didinda mba d’i mbut navaval la kazid’a, a mba le hur ma hapma ki furîd’a. Hur ma wurana ki zam tad’a a mba kal lei mi.

Isai 51:3

Ma didina mi we hohowa Siyon, mi we hohowa yi mat ma b’lak keina, mba mi min asine ma djivi ma kalâ ata yi mat ma mi mbut d’igi fulâ na na, mba mi min asine ma d’igi Eden na na ata yi mat ma so ma gangras máma. Ni kua ba, a mba hum del la sor ra furî d’a kal lei nded’a ki sawal la giled’a ki del la hle sawala mi.

Isai 60:20

Afat maka mba d’i nik ki, til ma’â mba mi kal nduvun nduo mi, kayam Ma didina mba mi mbut ni b’o maka burâ ki burâ, bur mak ma yor tad’a mba mi kal lei mi.

Isai 61:2

á tchi wala ala biza d’a Ma didina mba mi tak suma mamba woi yam bur ma sä atchugula hAlo meina, á b’leng hur suma pet suma ang yor tazina,

Isai 61:3

á b’leng hur suma a nga kur Siyon suma a yor tazina, á hazi avaval la furîd’a balum butna, á hazi mbul ma furîd’a balum b’oud’a, baru ma subura yam huruzi ma b’la’â tala a yazi ala Azi nagu ma Ma didina mi pum kur asinem á suburumu d’a.

Jeremi 31:4

Ndak gor wei d’a Israel-la, an mba ni hulongôk blangâk ma adjeuna, ndak mba min tak ki daliyâ mak ka djifâ min nda dinga kua á nde ndjongâ aduk suma a nga lü ndjongâ ki furîd’ina.

Jeremi 33:11

sawal la hur ma hapma ki sawal la furîd’a. A mba hum sawala hi ma tel atchad’a awilina ki sawala hi d’a a telet awilid’a kur ambas sa wanda. A mba hum dela hi suma a hle sawal la wandina ala: Agi gilegi Ma didin ma ad’engêm kal petna, kayam Ma didina ni ma djivina, kayam o mamba nga d’i dap pi. A mba hum dela hi suma a nga hahle suma ngat buzu suma le mersid’ina kur gong man nda kud’ora. Kayam an mba hulongî ki suma a yozi magomba kur ambas sa wandina, an mba ni kagazi blangâzi d’igi adjeu deid’a na. An Ma didina ni de na.

Zakari 8:19

An nga ni dagiya: D’el ta d’a agi d’elegi tagi bei te tena kur til ma fid’ina kur til ma vahlâ, kur til ma kid’iziyana ki ma dogonid’a, ti mba d’i mbut ni bur ma furîd’a ki bur ma aîd’a yam suma Juda-na. Wani agi halagi ni gagazid’a ki b’leng nga halasa.

Jean 16:22

Hina mi, ki tchetchemba, agi nga ki hur ma wurana. Wani an mba ni hulongî á gologi kua, agi mba lagi hur ma hapma. Sama mba mi walagi woi ki furî magid’ina nga d’i.

Suma ka sariyad’a 21:21

agi gologi yina. Ata yima gro arop suma Silo-na a mba buzugï woi á lü djongîna, agi buzugugï woi aduk asine ma guguzlud’a, nge nge pî mi hle gor atchad’a tutu á atchad’a, mi i ki sed’et yam ambasa hi Benjamin-nda.