Jeremi 30:7 - Bible azumeina

⁷ Ni ndaga me na ge! Ni bur ma tchona; bur ma d’igi mam na na nga d’i! Ni yima ndaka yam andjafâ hi Jakob-ma. Hina pet pî, a mba sut tei bei va mi lazi ba.

Jeremi 30:7 Iomraidhean Croise

Ad’u Tinda 32:7

Jakob mi le mandarâ ngola, mi nga kur djib’era, mi wal ir suma ki sed’ema mbà, aho’â, amuzleina ki djambala,

Sawal la giled’a 25:22

Alo mana, ang sut Israel-lâ kur ndak mazid’a pet.

Sawal la giled’a 34:19

Ma didina mi nga go ki suma huruzi b’la’â, nga mi sut suma huruzi nga mi vazi yam tcho mazid’ina mi.

Isai 20:6

Kur bur máma suma a nga kaka avun alum ma ngolîna a mba dala: Wana ni suma ei tini huri kazina ni suma ei nga ngeyei tei atazi á ndjuni á sud’i woi abo amul ma Asiri-nina! Ki tchetchemba, ei mba sud’i tei woi ni nana ge?

Jeremi 14:8

Ang ma Israel-lâ a tin huruzi kangâ, ang ma sud’uzi woi ata yima ndaka mba kazina, ni kayam me ba, ang kak d’igi sama ding ma mi kal tita kur ambasina na d’oze d’igi akoi ma mi ve zlub’ud’a á le bur tu go na na ge?

Jeremi 2:27

Agi nga dagi maguna ala: Angî abumiya, agi nga dagi mahinad’a ala: Nda’î d’a vud’umid’a! Agi aragi zla d’a mbud’ugi iragi iranda ta, agi handi nazigagiya. Wani fata ndaka mba wa kagiya wani, agi nde yandi ala: Ang mbeï sud’umiya!

Jeremi 2:28

An mba ni hulongôgi humba fata ndaka mba kagid’a ala: Alo magi ma agi minima, mi nga ni lara ge? Le mi ndaga ni, ar mi tchol akulo mi sud’ugiya, kayam agi suma Juda-na, agi nga kalona ngad’a yam azì magi ma nglona gagang.

Jeremi 30:10

Ma didina mi dala: Agi suma hi Jakob-ma, azungeî mana, agi lagi mandar ri. Agi suma hi Israel-lîna, agi zlagagi d’i! Gola! An mba ni sud’ugï woi kur andaga d’a deid’a, an mba ni sut andjavagi woi kur ambas sa a yozi magomba kuad’a. Agi suma hi Jakob-ma, agi mba hulongôgïya, agi mba kagagi ki halasa ki tchugota bei va mi mbud’ugi mandar ba!

Hor ma tchina 1:12

Agi suma pet suma nga kalagi ka hina, Agi mbeyegiya, agi gologiya! Agi wagi andjaf ndak ka an nga ki sed’et ta Ma didina mi tumun ki sed’et kur bur ma hurum zal kana, ta hle tat d’igi ndat hina d’a nga d’i.

Hor ma tchina 2:13

Ndak gor weid’a Jerusalem, an dak ana ge? An mba ni nga’î ki nge ge? Ndak gor wei d’a Siyon nda bei ngaf ki mandjuf ba d’a, an mba ni nga’î ki nge ba á b’lengêk huruk ke? Kayam mbil ma’â mi ngola d’igi alum ma ngolâ na. Ni nge ba, ndak á tchiliksi ge?

Hor ma tchina 4:6

Tchod’a hi sum manid’a, ti ngola kal tchod’a hi Sodom mba a b’lagat tei atogo hina zak bei sa mi tin abom atat ba d’a.

Daniel 12:1

Malaika máma mi dan kua ala: Kur atchogoi ndata Michel ma ngolâ hi malaika ma ngom sum mangîna mba mi tchola. Atchogoi ndata natchogoi d’a ndaka. Kid’a andjaf suma a nga yam andagad’a deid’a gak kur atchogoi ndata, ndak ka hina d’a ti le nga yat tu d’i. Kur atchogoi ndata mang suma a b’irizi simiyêzi kur mbaktumba hAlonid’ina a mba fe suta.

Daniel 9:12

Ang ndak wa vun zla d’a ang dat kami ami kamulei suma a nga te kamina, ang mba wa ki ndak ka ngol la ti mba nga yat tu yam andagad’a ka hî d’uo d’a kami avo Jerusalem.

Joel 1:15

Alë! Ni bur ma me na ge? Kayam burâ hi Ma didinina mi ar wa go, nga mi djï d’igi b’lak ka tcholï ata Ma ad’engêm kal petnid’a na.

Joel 1:2

Agi suma nglona, agi humugi zla d’a wanda. Agi suma nga kaka kur ambasina, agi tinigi humugiya. Vama hina na mi le kur atchogoi magid’a d’oze mi le kur atchogoid’a habuyogid’a zu?

Joel 2:11

Ma didina mi de zlad’a woi avok adesâ hi azigar mamina, kayam ades azigar mama mi kal ablaud’a heî, ni vama mandarâ mi. Gagazi, burâ hi Ma didinina ni bur ma ngolâ, ni vama mandarâ mi. Ni nge ba, mba mi tchol kur bur máma ge?

Joel 2:31

Afata mba d’i mbut nduvunda, tilâ mba mi mbut buzuna avok mbad’a hi burâ hi Ma didininid’a. Bur máma ni bur ma ngolâ, ni bur ma mandarâ mi.

Mise 4:9

Agi suma Jerusalem-ma, ni kayam me ba, agi eregi ad’ugi akulo ki tchetchemba na ge? Amul nga avo hatagi d’uo zu? Magi suma de d’alâ a bö ba, ndaka ti nde kagi d’igi ndaka ti nde yam atcha d’a vutid’a na zu?

Habakuk 3:16

An hum hina, wani vunadigan ndi pad’a. Kid’a an hum siwel ndatid’a, vunan nde zlaka, tan ndi tchuk susub’ok, asen mi nde zlaka kikib’i mi. An ni kak tchugot á djup bur ma ndak ma ang Alona mba ka sariyad’a yam suma a mba mba á lami tchod’ina.

Zakari 14:7

Bur máma ni bur ma mba mi ka’î iram vam zenena, Ma didina mi wumî mam hol, faleid’a nga d’uo mi na, andjeged’a nga d’uo mi, wani b’od’a mba d’i ndeï woi ni fladege.

Marik 13:19

Ndak ka ngol la mba d’i le suma kur bur mámid’a kad’u tinda hi duniyad’id’a dei kid’a Alona mi lahlena peta gak ki tchetchemba, andjaf ndak ka hina d’a ti le nga yat tu d’uo tua. Wani andjaf ndak ka hina d’a mba d’i le bugol luo d’a.

Sunda hi suma a sunuzinid’a 2:20

Afata mba d’i mbut nduvunda, tilâ mba mi mbut hleud’a d’igi buzuna na avok mbad’a hi burâ hi Ma didinina, ni bur ma ngol ma subura.

Romê-na 11:26

Ni hina ba, andjaf Israel-lâ pet a mba fe suta d’igi mbaktumba hAlonid’a ti de na ala: Ma sut suma mba mi ndeï ni kur Siyon. Mam mba mi pat ahle suma a nga ata yazi d’uo na woi aduk andjafâ hi Jakob-ma.

Vama ndum mbeina 6:17

Kayam bur ma ngolâ hayî mazinina mba wa; ni nge ba, mba mi tchol avorom ge?