Jeremi 30:19 - Bible azumeina

¹⁹ Suma abuna a mba hum sawal la mersid’a ki del la furîd’a adigagiya. Agi andjafâ hi Jakob-ma, agi mba feyêgi d’i, kayam an mba ni zulugi ablaud’a; sa mba mi gologi is suo d’a, kayam an mba ni hagi ngola.

Jeremi 30:19 Iomraidhean Croise

Esdras 6:22

A lü vun til ma a lum kavungô ma bei angufina ki furîd’a gak burâ kid’iziya, kayam Ma didina mi lazi tazi djivid’a ata yima mi mal djib’era hamul ma Asiri-na á ndjunuzi kur sunda hi gong nga kud’ora hAlona hi Israel-lînid’a.

Nehemi 8:12

Suma pet a i á ted’a á tched’a, a sun hliuna mi suma, a le furîd’a ngola, kayam azi wäd’u zla d’a azi vazizi ad’ut teid’a.

Nehemi 8:17

Suma pet suma a tcholï ata yima magomba a mbana, a kak kur zlub’u ndata. Ei kur atchogoid’a hi Josue Nun goromid’a dei gak kur bur máma Israel-lâ a le nga hina yazi tu d’i. A le hur ma hapma ngola kur bur máma.

Sawal la giled’a 53:6

Fata Alona mba mi nde tam mbei aduk suma d’ingêrîd’a, azi mba le mandarâ. Ata yi máma azi mba zlak abo mandarâ bei we vama azi le mandarâ aboma ba. Alona mba mi sam asok suma a ndang ayînina woi abageya. Ang mba mbud’uzi zulona kayam Alona mi noyôzi woyo.

Isai 12:1

Kur bur máma ang mba dala: Ma didina, an nga ni gilengû, kayam hurung zal kanu, wani hurung vat tei kanu, ang b’lengên hurun mi.

Isai 26:15

Ma didina, ang zulumi andjavamiya, ang zulumi andjavamiya. Ang wet wa hagad’a hambas mamid’id’a woyo. Suma a suburung yam sun mang nga led’a.

Isai 27:6

Kur atchogoi d’a nga d’i mbad’a, suma hi Jakob-ma sideyezi mba mi sir kä, Israel-lâ a mba tchuk grona a mba b’o, a mba oî yam andagad’a ki vud’uziya.

Isai 35:10

Ni hina ba, suma Ma didina mi tchuguzi akulona a mba hulongîya, a mba mba kur Siyon ki sawal la bangâna avunaziya, a mba le furîd’a gak didin. A mba le hur ma hapma, a mba aî mi. Hur ma wurana ki zam tad’a a mba kal leyo.

Isai 51:11

Ni hina ba, suma Ma didina mi prud’uzi woina, a mba hulongîya, a mba mba kur Siyon ki sawal la bangâna. Furî d’a didinda mba d’i mbut navaval la kazid’a, a mba le hur ma hapma ki furîd’a. Hur ma wurana ki zam tad’a a mba kal lei mi.

Isai 51:3

Ma didina mi we hohowa Siyon, mi we hohowa yi mat ma b’lak keina, mba mi min asine ma djivi ma kalâ ata yi mat ma mi mbut d’igi fulâ na na, mba mi min asine ma d’igi Eden na na ata yi mat ma so ma gangras máma. Ni kua ba, a mba hum del la sor ra furî d’a kal lei nded’a ki sawal la giled’a ki del la hle sawala mi.

Isai 52:9

Ang yima teteng ma Jerusalem ma b’lak keina, ang er ad’ung akulo ki furîd’a, kayam Ma didina nga mi b’leng hur sum mama, nga mi wurak yam mam Israel-lâ mi.

Isai 55:5

Gola! Ang mba yi andjaf suma ang wazi nga yang tu d’uo na; andjaf suma a wang nga yazi tu d’uo na a mba ring geveng zuzuk, yam an Ma didina Alo mang ma tin tan irat vat yam Israel-lâ ma ni hang ngolîna.

Isai 60:19

Nafata ba, mba d’i b’o kak falei d’i; ni tilâ ba, mba mi b’o kak kuo mi. Ni Ma didina ba, mba mi b’o kak burâ ki burâ, Alo ma’â mba mi mbut ni subur maka.

Isai 60:22

Andjaf ma ngiyeû ma kalâ mba mi mbut nandjaf ma dudubuna, andjaf ma akid’ei ma kalâ mba mi mbut nandjaf ma sib’ika. An Ma didina mba ni b’at tan á lahle ndazina fata yi mazina mi ndaka.

Isai 60:9

Kayam suma a nga kaka yam tilina a tin huruzi ni kanu, batod’a hi suma Tarsis-sîd’a ti tchuk tat avok á yoï gro’â ata yima deina ki bege mazi d’a hapa ki lor mazid’a, yam simiyên an Ma didina Alo mak ma tin tan irat vat yam Israel-lâ ma ni hak ngolina.

Jeremi 17:26

Suma a mba tcholï kur azì ma nglo ma Juda-na kazì ma ngui Jerusalem-ma ki suma yam ambas sa Benjamin-ndina ki suma a nga kaka kä ata yima ligitimina ki suma a nga kaka akulo yam ahuniyônina ki suma abo ma sutnina, a mba mba ki he d’a hawa d’a ngala kahle suma ngat buzuna ki he d’a hawa d’a afuta ki dubang ma his djivid’ina kahle suma ngat buzu suma le mersid’a ka hî kur gong man nda kud’ora.

Jeremi 3:16

Ma didina mi de kua ala: Fata agi zulugi wa kur ambasa agi oyôgi wa kur ambasa mi ni, a mba de zlad’a yam zanduk ma a ngom vun ma djinda hi an Ma didina kuana d’uo d’a, a mba djib’er kam mboze a mba yum simiyêm mbuo mi, a mba de kam ala: Mi nga ni lara ge d’i, a mba min ma ding nguo mi.

Jeremi 31:27

Ma didina mi dala: Gola! Burâ nga mi mba an mba ni zar suma ki d’uwarâ kur azì ma Israel-lâ kur azì ma Juda-na d’igi sana mi zar awuna kur asinena na.

Jeremi 31:4

Ndak gor wei d’a Israel-la, an mba ni hulongôk blangâk ma adjeuna, ndak mba min tak ki daliyâ mak ka djifâ min nda dinga kua á nde ndjongâ aduk suma a nga lü ndjongâ ki furîd’ina.

Jeremi 33:22

D’igi sana mi ndak á ndum ahle suma akulona d’oze mi ndak á nga les ma avun alum ma ngolîna d’uo na, an mba ni zul andjafâ hazong mana David-na ki suma hi Levi suma a lan sundina ni hina dedege mi.

Ezekiyel 36:37

Gola! Salad’a Ma didina mi dala: An mba ni ar lovota mi Israel-lâ a mba yan á ndjunda, an mba ni hulongôzi humba, an mba ni zuluzi d’igi d’uwarâ na mi.

Ezekiyel 37:10

Kayam ndata, an djok vuna mi Muzu’â yam vun ma hed’a hi Ma didinina. Fod’a ti kal kur mad’a sum ndazina, azi zlit akulo, a tchol akulo kaseziya, azi ni b’rang nga ablaud’a.

Ezekiyel 37:26

An mba ni djin vun ma halasa ki sed’eziya. Ni vun ma djin ma gak didina. An mba ni tinizi kua, an mba ni zuluziya, an mba ni tin gong man nda kud’ora adigazi gak didin mi.

Zakari 10:8

An mba ni yazi ki feta, an mba ni togoziya, kayam an nga ni tchuguzi akulo, azi mba zul d’igi azi zul adjeu na.

Zakari 12:8

Kur bur máma Ma didina mba mi ngom suma Jerusalem-ma. Ma amangeî ma adigazina mba mi mbut ni d’igi David na, ma ad’u andjafâ hi David-nina mba mi mbut ni d’igi Alona na, d’igi malaikana hi Ma didinina na avorozi mi.

Zakari 2:4

mi dum ala: Ang ring de mazong ma mi nga ki ziyona abom máma ala: Jerusalem mba d’i ka’î azì ma ngol ma bei gulumuna kam ba na, kayam d’uwarâ ki suma a mba kak kuruma a mba zul ablaud’a.

Zakari 8:19

An nga ni dagiya: D’el ta d’a agi d’elegi tagi bei te tena kur til ma fid’ina kur til ma vahlâ, kur til ma kid’iziyana ki ma dogonid’a, ti mba d’i mbut ni bur ma furîd’a ki bur ma aîd’a yam suma Juda-na. Wani agi halagi ni gagazid’a ki b’leng nga halasa.

Jean 17:22

Subur ra ang suburun ki d’a, an suburuzi ki wa, kayam azi kak tu d’igi ei tu na mi.

1 Pierre 1:7

Hina, kuk ndata mba d’i tak djivid’a hi he gagazi magi d’a guzut kal lor ra b’lak kei d’a nga a kugut kakud’id’a woyo. Hina, he gagazi magi d’a guzut kal lorid’a a nga kugut hina á wad’eng mata. Hina wani, fata Jesus Christ mba mi nde woid’a, Alona mba mi gilegiya, mba mi suburugiya, mba mi hugi mi.