Jeremi 3:9 - Bible azumeina

⁹ Israel-lâ kur djib’er mazi d’a afefeta a mbut ambasa ndjendjed’a, a le mizeuna kahinad’a kaguna mi.

Jeremi 3:9 Iomraidhean Croise

Isai 57:3

Agi atcha d’a djop fileina grotna, andjaf fa mizeu d’a gaulangâ, agi hud’ugi ka hî.

Isai 57:6

Ahuniyô suma gulut suma ngunglung suma kur horina ni b’rau magid’a. Wana ni b’rau magid’a. Ni ndat ba, agi hagizi he d’a hawa d’a süm guguzlud’a, agi hagizi he d’a hawa d’a ngala mi. Ahle ndazina hina pet, hurun mba mi b’leng kazi zu?

Jeremi 10:8

Azi pet ni suma yazi nga d’uo na, ni suma lilid’a mi. Hat ta azi nga had’at yam filei mazinid’a ni hat ta hawa yaka.

Jeremi 16:18

Avok ahle ndazina an mba ni wuragazi yan mbà yam tchila mazid’a ki tcho mazid’a, kayam azi mbut ambas manda ndjendjed’a ki har ra ahle mazi suma ndjendjed’a, a oî ambas sa ala ni djo mana d’a kahle mazi suma ndjendjed’a mi.

Jeremi 2:27

Agi nga dagi maguna ala: Angî abumiya, agi nga dagi mahinad’a ala: Nda’î d’a vud’umid’a! Agi aragi zla d’a mbud’ugi iragi iranda ta, agi handi nazigagiya. Wani fata ndaka mba wa kagiya wani, agi nde yandi ala: Ang mbeï sud’umiya!

Jeremi 2:7

An mbagi kur ambas sa tub’ad’a tala agi tagi ahle suma djivi suma kurutna d’a, wani agi mbagiya, agi mbud’un ambas manda ambas sa ndjendjed’a, agi mbud’ugi ambas man nda an tat djonid’a vama ndjendje ma kalâ.

Jeremi 3:2

Agi hlagi iragi akulo yam ahuniyô suma fuyogeina, agi gologiya. Ni yima lara ba, agi lagi nga tchod’a kua d’uo ge? Agi nga kaka kä avun lovota á le mizeuna ki sed’ezi d’igi Arap-ma a nga kaka abagei hur fulâ á hurum ahlena hi sumina na, agi mbud’ugi ambasa ndjendjed’a ki gaulang magina ki tit magi d’a ata yat tuo d’a.

Ezekiyel 16:17

Ndak yo aduk ahle mak suma djifâ, ndak yo lora ki kawei ma hap ma an haksina, ndak minizi anguza andjofâ, ndak le gaulangâ ki sed’ezi mi.

Ezekiyel 23:10

Azi arat gandila, a yo grot suma andjofâ ki grot suma aropma, a tchat ki mbigeu d’a fiyaka, a kat sariyad’a kad’u. Ti mbut ni vama taka marop suma dingâ mi.

Ezekiyel 23:21

Ndak Oholiba, ndak nga d’i djib’er yam tcho mak ka ki gogorok ka ndak nga avo Ezipte kid’a a lamak apok a dok apok ki gogoroka.

Ezekiyel 23:3

A mbut tazi gaulangâ avo Ezipte, a mbut gaulangâ ni ki gugurei tazi d’ei. A lamazi apozi ni kolâ, a dozi apozi ni bei azi ngaf ki mandjuf ba.

Wana ni mbaktumba hi Oze-d’a 2:2

Suma Juda-na ki Israel-lâ a mba zlap tu, a mba pat amulâ tu, a mba te yam ambasa. Bur máma ni bur ma ngolâ hi Jisreyel-lâ.

Wana ni mbaktumba hi Oze-d’a 4:12

Sum mana a nga djop zlad’a nata filei agu mazina. Totogo mazid’a nga d’i hulongôzi zla d’a ded’a! Djib’era hi gaulangîd’a ti vid’izi woyo, a nga le gaulangâ, a wal lei dei ki an Alo mazina mi.

Joel 1:19

Ma didina, an nga ni tchi kangû, kayam akud’a ti ngal wa yima te hat ma hur fulîna woyo, sin akud’a ti ngal wa agu ma hur asinenina woi pet mi.

Habakuk 2:19

Ni zla d’a hohoud’a yam sama nga mi de magu ma a tuwalama ala: Ang tchol akulo na yam ma nga mi de mahina d’a a tuwalata ala: Ndak zlid’a na mi. Na ni a mba had’am zu? A gulud’uzi ni ki lora ki dorona mi, wani a nga muzuk ki.

Matiye 5:32

Wani an nga ni dagiya, sama dik amambina, le nga ni yam mizeuna d’uo ni, ni mam ba, mi tinit á le mizeuna. Sama vatcha d’a digit teid’ina, mi le ni mizeuna mi.