Jeremi 3:22 - Bible azumeina

²² Agi suma bei hum vuna, agi hulongôgïya, an mba ni sud’ugi woi kur tcha tata magid’a. Israel-lâ a hulong dum ala: Ami nga imiza gevengû, kayam angî Ma didina Alo mamina.

Jeremi 3:22 Iomraidhean Croise

Sawal la kal teglesa 1:4

Ang van abonu, ang tananu, ei ringîya. Angî amul mana, ang kalan klavi hatangû, ei lei hur ma hapma ngola ki furîd’a. Ar ei suburi o mang nga kal süm guguzlud’id’a. Yuguneina a le kang nata yad’u!

Isai 1:2

Ndak akulod’a, ndak huma, ndak andagad’a, ndak tin humak hum mi, kayam Ma didina nga mi de zlad’a. Mi dala: An ngom gugureina, an wuluzi a djeng nglod’a, Wani a tchol huneîd’a ki sed’enu.

Isai 27:8

Hawa, wani ni ki lalamba ba, mi ngobozi mi izi magomba ki fo d’a ad’eng nga avunamba d’igi simet ma abo ma yorogona na.

Isai 31:6

Agi Israel-lâ, agi hulongôgï gen ma agi aram mbei ki iragi fafatna.

Isai 57:17

Ni kayam d’od’ok mazi d’a tchod’a ba, kur ayî mana an toziya, an min wazi ki iran ndi. Wani azi nga i avogovok kur so vun mazina, kur djib’er mazi d’a kuruzi krovod’a mi.

Jeremi 3:12

Ang i de woi yam zla ndata ki deleng akulo abo ma norâ ala: Ma didina mi dala: Agi Israel suma tchagi tatana, agi hulongôgïya. An mba ni d’us iran atagi d’i, kayam an ni sama od’a, an mba ni vagi kurun baba d’i. An Ma didina ni de na.

Jeremi 30:17

Ma didina mi dala: A nga yagi ala Suma a arazi woina, a nga de kagi ala Siyon nda sa nga mi djobot zlat tuo d’a. Kayam ndata, an mba ni mbud’ugi lafiya, an mba ni tchiligi mbiligi mi.

Jeremi 31:18

An hum tchina hi suma Efraim-ma. Gagazi, a nga tchi ala: Ma didina, ang gad’ami ki gat ta ad’enga d’igi a gat amuhl ma azong ma bei hatina na. Wani ang vami atang tala ami hulongômi geveng gagazi d’a, kayam angî Ma didina Alo mamina.

Jeremi 33:6

Wani an mba ni hum lafiyad’a, an mba ni tchilim mbilim d’igi sana mi tchil mbilâ hi sanina na, an mba ni ar suma kuruma a kak ki b’leng nga halasa ki d’engzenga ngola.

Jeremi 4:1

Ma didina mi de kua ala: Agi Israel-lâ, le agi min hulongôgi gevenu, le agi hulongôgiya, le agi yogi tcho magi d’a ndjendjed’a woi avoronu ni, agi mba tchagi ta abo hî agi mba tchagi ta abo hî d’uo d’a.

Ezekiyel 18:30

Agi Israel-lâ, ni kayam ndata ba, an mba ni kagi sariyad’a kagi nge nge pî yam tit mamba. An Salad’a Ma didina nga ni dagiya: Agi mbud’ugi hurugi yam tcho magid’a, agi hulongôgi tala ar tcho magid’a ti mbud’ugi vama b’lagagina d’uo d’a.

Ezekiyel 33:11

Ang dazi ala: An Salad’a Ma didin ma bei matna ba na ni dala: An min nga d’ala sama tchona mi mid’a d’a d’i, ar mi mbut hurum yam tcho mamba, ar mi kak karid’a. Agi hulongôgiya, agi hulongôgi woi kur sun magi d’a tchod’a. Agi Israel-lâ, ni kayam me ba, agi tchagi tagi woi ge?

Wana ni mbaktumba hi Oze-d’a 13:4

An ni Ma didina Alo magina ei yam andaga d’a Ezipte-d’a dei, agi wagi nga alo ma ding ngi, ni an tu. Ma sut ma ding nga d’i, ni an tu mi.

Wana ni mbaktumba hi Oze-d’a 14:1

Agi Israel-lâ, agi hulongôgï gen Ma didina Alo magina, kayam agi pugugi kä yam tcho magid’a.

Wana ni mbaktumba hi Oze-d’a 14:4

Ma didina mi dala: An mba ni sut Israel-lâ woi kur sun mazi d’a ata yat tuo d’a, an mba ni tagazi o man nda gagazi d’a kazid’a, kayam ayî mana mi vat tei kazi da’.

Wana ni mbaktumba hi Oze-d’a 14:5

An mba ni mbut kazi ni d’igi mbad’ïd’a na, azi mba b’o d’igi tamasa na, sideyezi mba mi sir kä d’igi agu ma Liban-na na mi.

Wana ni mbaktumba hi Oze-d’a 14:8

Suma Efraim-ma a mba dala: Vama ndolomi ki fileina ni me ge? An mba ni hulongôzi humba yam tchen mazid’a, an mba ni tin iran kaziya, an mba ni mbut ni d’igi agu sipre ma d’uf ma gugulîna na kaziya. Ni yam an ba, agi fagi ki te magina.

Wana ni mbaktumba hi Oze-d’a 3:5

Bugola, Israel-lâ a mba hulongî gen Ma didina Alo mazina, gen andjafâ hi David ma amul mazinina. Bur ma danana a mba mbeï avok Ma didina ki mandarâ yam djivi mam mba mi lata.

Joel 2:12

Ma didina mi dala: Ki tchetchemba, agi hulongôgï geven ki hur ma tuna, agi d’elegi tagi bei te tena, agi tchigiya, agi gagi horâ mi.

Zakari 13:9

An mba ni tchuk suma kur abo ma hindi mámina akua, an mba ni yorozi d’igi a yor kawei ma hapma na, an mba ni kuguzi d’igi a kuk lora na, a mba tchenenu, an mba ni humuzi mi. An mba ni dala: Sum ndazina a ni sum mana; azi mba dala: Ma didina nAlo meina mi.