Jeremi 28:16 - Bible azumeina

¹⁶ Ni kayam ndata ba, Ma didina mi dala: Gola! An nga ni diging ngei yam andagad’a ka hî, ang mba mit atchugoni, kayam ang de zla d’a kak djangûna ki an Ma didinina.

Jeremi 28:16 Iomraidhean Croise

Ad’u Tinda 7:4

Kayam ar burâ kid’iziya, an mba ni salona yam andagad’a burâ dok fid’i falei kandjege. An mba ni dap ahle suma ari suma an lazina woi pet yam andagad’a.

1 Amuleina 13:34

Ahle ndazina a i andjafâ hi Jerobowam-ma kur tcho d’a led’a pepet. Kayam ndata, Alona mi b’lak andjaf máma woi yam andagad’a ki iram fafat.

Buzuk ka Abud’a 32:12

Le ang le hina ni, Ezipte-na a mba dala: Mi buzuguzi woi kur ambas sa Ezipte-d’a ná lazi tchod’a, ná tchazi woi yam ahinad’a, ná dabazi woi yam andagad’a doliyo! Ma didina, ar hurung b’lengâ, ar ang le sum mangâ tchod’a d’i.

Jeremi 20:6

Wani ang tang Pasehur ki suma a nga kaka avo hatangâ pet, a mba yogi magomba, a mba ing Babilon. Ang mba mit sä kua, a mba tozong sä kua zlapa ki buniyông suma ang djogozi vun ma ka zlad’ina pet mi.

Jeremi 28:17

Ma djok vuna Hananiya mi mit kur biza ndata, kur til ma kid’iziyana.

Jeremi 28:3

Ar bizad’a mbà an mba ni hulongî ahle suma kur gong man nda kud’ora suma amul ma Babilon mi yozi ka hî mi i ki sed’ezi Babilon-na.

Jeremi 29:32

Ni kayam ndata ba, an Ma didina ni dala: An mba ni mba á ngop Semaya kandjavamu. Sa mam mba mi kak adigagi á we djivi d’a an mba ni lat mi sum manid’a d’i, kayam mam zut sum mana á kak djangûna ki sed’enu.

Amos 7:17

Kayam ndata, Ma didina mi dala: Amanga mba d’i le gaulangâ kur azì ma ngolâ, grong suma andjofâ ki grong suma aropma, a mba tchazi avun ayîna, a mba b’rau ir andaga manga ki ziyona. Ang mba mit ni yam andaga d’a ndjendjed’a. A mba yo Israel-lâ magomba, a mba izi woi dei kandaga mazid’a.

Amos 9:8

Gola! An Salad’a Ma didina iran nga tinda yam leu d’a le tchod’a, an mba ni b’lagat tei yam andagad’a. Hina pet pî, an mba ni dap andjafâ hi Jakob-ma woi pet ti.

Ndumba 14:37

sum ndazina, Ma didina mi tumuzi ki tugud’ei d’a tchod’a; a bo woyo.

Ndumba 29:32

Kur bur ma kid’iziyana agi hagi amuzlei suma azungeîna kid’iziya, gamlâna mbà, gro tumiyô suma bizazi tutu suma bei dakina dogo yam fid’i

Gat ta a hat á mbàd’id’a 6:15

kayam Ma didina Alo magi ma nga adigagina, nAlo ma yungôrâ. Hurum le zal atagiya ni, mba mi dabagi woi yam andagad’a.