Jeremi 22:5 - Bible azumeina

⁵ Wani le agi humugi nga zla ndata d’uo ni, an nga ni gun tan ki an tanda, azì ma amul máma mba mi arî djona. An Ma didina ni de na.

Jeremi 22:5 Iomraidhean Croise

Ad’u Tinda 22:16

mi dum ala: Ma didina nga mi dang ala: Kayamba ang le hina ang d’elen nga gorong ma tu gid’engâ d’uo d’a, an gun tan ki an tanda,

2 Sunda Hamuleinid’a 7:19

Wani le agi ki sum mangâ, agi walagi woi ki sed’enu, le agi gagi nga yagi kä ad’u gat manda ki vun man ma he ma an hagizina d’uo, le agi igi á le sunda malo ma dingâ, le agi grivigi kä avorom á kud’uromu ni,

2 Sunda Hamuleinid’a 7:21

Fata suma a kal gen gong nga ngol la ndandal ndatid’a, a mba le atchap, a mba djop tazi ala: Ni kayam me ba, Ma didina mi le zla ndata kambas ndata ki gong nga kud’or ndata na ge?

2 Sunda Hamuleinid’a 7:22

Azi mba hulong dazi ala: Ni kayamba Israel-lâ a ar Ma didina Alona habuyozi ngolo ma mi buzuguzï woi kur andaga d’a Ezipte-d’a woid’a. Ni kayamba azi i bugol alo ma dingâ á lum sunda, á grif kä avorom á kud’uromba. Ni kayam ndata ba, mi mbazi ndak ndata kazi wana!

Sawal la giled’a 95:11

Ni na ba, kur hur man ma zala an gun tan ala: Azi mba kal kur ambas sa an nga hazizi á tuk tazi kuad’a d’i.

Isai 1:20

Le agi humugi d’uo agi sogi vuna ni, a mba tchagi ki mbigeu d’a fiyaka. An Ma didina ni de woi ki vunan da’!

Jeremi 12:7

Ma didina mi dala: An noî gong man nda kud’ora woyo, an ar sum mana woyo, an he suma an le kazi heîna abo man suma djangûna mi.

Jeremi 17:27

Wani le agi humun nga d’uo, le agi tinigi nga bur ma sabatna iram vam mbuo, le agi yogi ahlena kagi á kalagi ki vun agrek ma Jerusalem-ma ni, ata yi máma an mba ni do akud’a atazi ma ngolâ, mba mi ngal azì ma nglo ma djif ma Jerusalem-ma woyo, ti mba d’i mit tei d’i.

Jeremi 26:4

Ang dazi ala: Ma didina mi dala: Le agi humun nga á tid’igi yam gat man nda an nga ni tinigizi avorogi wanda d’uo,

Jeremi 39:8

Azigar suma Babilon-na a ngal azì ma amula kazina hi sumina woi pet, a hô gulumun ma Jerusalem-ma kä woi mi.

Jeremi 44:26

Kayam ndata, agi suma Juda suma nga kaka yam ambas sa Ezipte-d’ina, agi humugi zlad’a hi Ma didinid’a. Ma didina mi dala: An nga ni gun tan ki simiyên ma ngolâ, sama Juda-na mba mi yan simiyên ki vunam kur ambas sa Ezipte-d’a ala: An gun tan ki simiyê Salad’a Ma didin ma bei matnina na d’uo d’a.

Amos 6:8

Salad’a Ma didina mi gun tam ki mam tamba ala: An Ma didina Alo ma ad’engên kal petna, an gol subur tad’a hi suma hi Jakob-mid’a ni vama ndjendjed’a, an noî azì mazi ma amula woi mi. Kayam ndata, an mba ni hazì mam ma ngolâ abo mazi suma djangûna kahle suma kuruma pet mi.

Mise 3:12

Ni kayam agi ba, a mba zum Siyon d’igi sana mi zum asinena na, Jerusalem mba d’i mbut ni mola hahinad’id’a, ahina d’a a min gong nga kud’ora hAlonid’a kata, mba d’i mbut ni yima akulo nding ma agud’a kam ndindi’â.

Matiye 23:38

Agi gologiya, aziyagi mba mi ar djona grib’ing.

Hebre-na 3:18

Ni suma lara ba, Alona mi gun tam kazi ala a mba kal ata yima tuk tad’a ki sed’em mbuo ge? Ni suma a kak djangûna ki sed’ema d’uo zu?

Hebre-na 6:13

Kid’a Alona mi hle vunam mi Abraham-mba, mi gun tamî ki mam tamba. Mi le hina kayam vama kalam ma mam gun tam ki sed’ema nga d’i.

Hebre-na 6:17

Alona mi min tak min mamba woi mi suma a mba ve vama mi hlazi vunam kam ma bei mbutina. Hina, mi gunuzi tam mi.