Jeremi 22:15 - Bible azumeina

¹⁵ Na ni ang nga tamula ni kayamba ang min agu sedrena heîd’a zu? Abung mi te mi tche mi d’uo zu? Wani mi ka sariya d’a d’ingêra, mi le sun nda irata mi. Ni kayam ndata ba, mi kak ki djivid’a.

Jeremi 22:15 Iomraidhean Croise

2 Samuel 8:15

David mi te yam Israel-lâ pet, nga mi ka sariyad’a yam sum mama pet ki d’ingêra.

1 Amuleina 10:9

Ei gilei Ma didina Alo mang ma mi manang mi tining yam zlam mba amula á tamula yam Israel-lîna. Ma didina nga mi le kazi teteu. Kayam ndata, mi tining amula á ka sariya d’a d’ingêr ra memeta kaziya.

2 Amuleina 22:2

Josiyas mi le sun nda d’ingêra avok Ma didina ki hurum pet d’igi abum ngolo David na, mi d’es nga woi kat yam bigam mba gulad’a d’oze yam mba ndjufa d’i.

2 Amuleina 23:25

Amul ma avok Josiyas soze ma blogom ma he tam mi Ma didina ki hurum tu ki muzagam pet kad’engêm pet á tit yam Gata hi Moise-sa pet d’igi mam na na nga d’i.

1 Sunda Hamuleinid’a 3:15

Josiyas groma ba wana: Ma avo’â ni Johanan, ma mbàna ni Jojakim, ma hindina ni Sedekiyas, ma fid’ina ni Salum.

2 Sunda Hamuleinid’a 34:2

Josiyas mi le sun nda d’ingêra avok Ma didina ki hurum pet d’igi abum ngolo David na, mi d’es nga woi kat yam bigam mba gulad’a d’oze yam mba ndjufa d’i.

2 Sunda Hamuleinid’a 35:22

Wani Josiyas nga mi aram bed’em mbi. Mi mbut tam sama dingâ á dur ayîna, mi hum nga zla d’a tcholï avun Alona d’a mi dat mi Neko-d’a d’i, mi i dur ayîna kur hor ra Megido-d’a.

2 Sunda Hamuleinid’a 35:26

Sunda hi Josiyas sa ara ki sun mam mba djivi d’a mi lat yam Alonid’a, ti ndjak ki zla d’a nga b’ira kä kur gata hi Ma didinid’a mi.

Zla d’a d’ogolâ 20:28

Djivid’a ki gagazid’a a nga ndjun amulâ. Ni djivi d’a led’a ba, nga mi sira kamul mamba.

Zla d’a d’ogolâ 21:3

Tit ta yam d’ingêra ki gagazid’id’a ni vama le Ma didina tam djivid’a kal ahle suma ngat buzunina.

Zla d’a d’ogolâ 25:5

Le a pat sama asa’atna woi avok amulâ ni, amul mamba ad’ut mba d’i b’al kä ngingi, mba mi tit yam d’ingêra.

Zla d’a d’ogolâ 29:4

Amul ma nga mi ka sariya d’a d’ingêrina, mi min nambasa, wani ma nga mi ve he d’a hawa d’a mbut irina, mi b’lagat ni b’laga.

Zla d’a d’ogolâ 31:9

Ang ngo vunang á ka sariya d’a d’ingêra á ndjun suma hohoud’a ki suma kid’aka mi.

Ma tchi wala 10:17

Ni zla d’a furîd’a yam ambas sa amul matna ni sama ngolâ goroma d’a mat suma sunda a nga te tena ata yima nda’â á fad’enga a nga gurut ki süma d’uo d’a.

Ma tchi wala 2:24

Vama djivi ma yam sanina ni tala mi te, mi tche, mi le furîd’a yam sun mamba d’a. Wani an wala zla ndata ti tcholï nata Alona.

Isai 3:10

Agi nga dagi yam ma d’engzengâ ala mam mba mi kak ki djivid’a; ahle suma mi lazina, mba mi faziya.

Isai 33:16

sa máma mba mi ka’î ata yima subura. Ahina d’a ad’eng nga ngingid’a mba d’i mbut ni yi mam ma ngei tama. A mba hum te mama ni ki halasa, mbiyo mam ma tched’a mba mi kid’agam mbi.

Isai 9:7

Ma didina mi sunï zlad’a á ngop suma hi Jakob-ma, ti nde yam Israel-lâ.

Jeremi 21:12

Agi suma hi David-na, Ma didina mi dala: Agi kagi sariya d’a d’ingêra yorogo, agi prud’ugi suma a b’ad’azi ahligiyezina woi abo suma a nga b’ad’azi ahligiyezi kad’engina. Le d’uo ni, ayî mana mba mi fo d’igi akud’a na, mba mi ngal ahlena woi pet bei sana ndak á tchum mbei ba, kayam sun magi d’a asa’at ta agi lata.

Jeremi 22:18

Gola! Ma didina mi de yam Jojakim Josiyas goroma amul ma Juda-na ala: Suma a mba tchi yam mat mama ala: Aya, wiyena! Aya, wiyenda d’i. A mba tchi kam ala: Aya, salana! Aya, sama ngolâ d’uo mi.

Jeremi 22:3

Ma didina mi dala: Ar agi kagi sariya d’a d’ingêra, agi prud’ugi suma a b’ad’azi ahligiyezina woi abo suma a nga b’ad’azi ahligiyezi kad’engina. Ar agi lagi angeina d’oze ma hokuyod’a d’oze ta modonod’a tchod’a d’i, ar agi lagi murud’umba d’i, ar agi tchagi suma bei zlad’a kazi ba na kä ata yima wana d’uo mi.

Jeremi 23:5

Ma didina mi dala: An mba ni tchol ki sama d’ingêrâ ad’u andjafâ hi David-na. Mba mi tamula, mba mi i avogovogo, mba mi ka sariya d’a d’ingêra, mba mi le sun nda irata kur ambasa mi.

Jeremi 42:6

Le ni zla d’a djivi d’oze zla d’a tcho, ami mba gami yami kä ad’u dela hi Ma didina Alo mami ma ami sunung gevema. Hina wani, ami mba lami furîd’a ata yima ami gami yami kä ad’u dela hi Ma didina Alo maminid’a.

Jeremi 7:5

Le agi minigi lovot magid’a ki sun magi d’a led’a gagazi, le agi kagi sariya d’a gagazid’a aduk tagi gagazi,

Wana ni Zla d’a Djivi d’a Luc mi b’irita 11:41

Ar agi hagi he d’a hawad’a ahlena ni ki hurugi pet mi suma hohoud’a. Hina wani, ahlena pet a mba mbut yed’et kagiya.

Sunda hi suma a sunuzinid’a 2:46

Burâ ki burâ a nga toka kur gong nga kud’ora hAlonid’a, azi nga mbruk avungôna avo hataziya, a nga te te mazina ki furîd’a ki hur ma tuna,

1 Korente-na 10:31

Le agi nga tagiya, le agi nga tchagiya, d’oze le agi nga lagi ni va ni, ar agi lagi ahlena pet ná subur Alona.

Gat ta a hat á mbàd’id’a 4:40

Agi ngomogi gat mamba ki vun mam ma he ma an nga ni hagizi inina kayambala agi ki grogi suma blogogina, agi kagagi ki furîd’a tala agi tagi kagagi tatâ yam andaga d’a Ma didina Alo magina nga mi hagizi ki iragi fafat wanda d’a.