Jeremi 2:34 - Bible azumeina

³⁴ A fe buzuna hi suma hou suma zla nga kazi d’uo na ata baru magina. Ni suma agi vazi nga avun gongîyo magina á kuzuzi vunazi woi d’uo na.

Jeremi 2:34 Iomraidhean Croise

2 Amuleina 21:16

Manase mi tchi suma bei zlad’a kazina ngola, gak azì ma Jerusalem-ma mi oî ki buzuna, bei de zla d’a tcho d’a mam lat avo Juda-d’a ki sun nda tcho d’a mam lat avok Ma didinid’a ba.

2 Amuleina 24:4

yam tchi d’a mi tchi suma bei zlad’a kazina, mi oî Jerusalem ki buzuwazid’a. Ni kayam ndata ba, Ma didina mi min vat hurum mbei d’uo ni na.

Buzuk ka Abud’a 22:1

Ma didina mi de kua ala: Le sana mi kul amuhl hloze timina, le mi ngad’am mboze mi guzum mbeyo ni, mi wurak amuzleina vahl yam amuhl ma tuna, tumiyôna fid’i yam timi ma tuna mi.

Buzuk ka Abud’a 22:2

Le sama kul máma mi tcho ni kangâna andjege ba, a fum kua, a tchumu ni, sama tchuma zla nga kam mbi.

Isai 57:5

Agi ni suma hologi tagi ad’u atchinda ad’u agu ma lara ge ma angusîna d’uo zu? Agi ni suma a nga ngad’agi grogina kä kur hora angra ahuniyônina mi d’uo zu?

Isai 59:3

Kayam abogi mi mbut ndjendjed’a ki buzuna, agi tchagi suma kabogiya, agi nga dagi zla d’a kad’a ki vunagiya, sinagi nga d’i par papar á ngul suma mi.

Isai 59:7

Asegi nga mi tin kä ta d’i á le tchod’a, agi nga b’ad’agi tagi á tchi sama bei zlad’a kama. Djib’er magid’a ni djib’er ra tchod’a, hurumba ki b’laka ni sun magi d’a led’a.

Jeremi 19:4

Azi aran ndeyo, a mbut yima wana yina halo ma dingîna, a he dubang ma his djivid’ina malo ma ding ma azi tazid’a d’oze abuyozi ngolo d’oze amulei suma Juda-na pî a wum nga d’uo na, a oî yima wana ki buzuna hi suma zla nga kazi d’uo na.

Jeremi 2:33

Gagazi, agi wagi lemba kur tit magid’a á halagi lovot ta le mizeuna, gak agi mbud’ugi suma had’agi suma lovot ta le tchod’ina.

Jeremi 6:15

Ma didina mi de kua ala: Djivid’a azi mbut ni zulona ata yima a nga lahle suma ndjendjed’ina. Wani zulona nga mi lazi d’i, zulo nga irazi hina nde d’uo ko. Kayam ndata, a mba puka ki suma a mba puk kä na, a mba ka azlard’eid’a ata yima an mba ni mba á ngobozina.

Jeremi 7:31

A min yima tuwal fileina ata yima Tofet-na kur hor ra Ben-Hinom-mba á ngal grozi suma andjafâ ki grozi suma aropma kua. Ni vama an he nga vuna kam mbuo na, ni djib’er ra tcholï nata an nduo d’a mi.

Jeremi 7:6

le agi nga kid’eyêgi ir angeina d’oze ma hokuyod’a d’oze atcha d’a modonod’a d’uo, le agi nga tchagi ma bei zlad’a kama ata yima wana d’uo, le agi zlabagi nga tagi kalo ma dingâ d’uo yam hohou d’a nga d’i lagid’a ni,

Jeremi 8:12

Ma didina mi de kua ala: Djivid’a azi mbut ni zulona ata yima a nga lahle suma ndjendjed’ina. Wani zulona nga mi lazi d’i, zulo nga irazi hina nde d’uo ko. Kayam ndata, a mba puka ki suma a puk kä na, a mba ka azlard’eid’a ata yima an mba ni mba á ngobozina.

Hor ma tchina 1:9

Ndjendje mata nga d’i djang ata baru mata, ti djib’er nga yam vama nga mi mba katna d’i. Puk mata ni puk ka atchapa, sama b’lengêt hurutna nga d’i. Ti dala: Ma didina, ang we hohou manda. Ni nana ba, ma djangûna nga mi kus kan nge?

Hor ma tchina 4:14

A nga tcha tata ir palumba d’igi suma duka na, a mbut ndjendjed’a abo buzuna. Kayam ndata, sana ndak á dozi baru mazina d’i.

Ezekiyel 20:31

Ki tchetchemba, agi nga mbud’ugi tagi ndjendjed’a, agi nga hagi grogina vama ngat buzuna mi fileina. Agi Israel-lâ, agi djib’eregi ala ata sun ndata hina ba, an mba ni aragi agi djobon yam va zu? Hawa yak! An Salad’a Ma didin ma bei matna nga ni dagiya, an mba ni aragi agi djobon yan va d’i.

Ezekiyel 22:25

Mazi suma djok vuna a nga ndjak vunazi kur Jerusalem. A nga tchi suma d’igi azlona mi nga mi tchi ata yima nga mi kizak vama mi vuma na, a nga yo ndjondjoîd’a kahle suma guzuzi kal teglesâ, a nga zul arop suma modonod’a kurut mi.

Ezekiyel 23:45

Wani suma d’ingêrâ a mba ka sariyad’a kazi d’igi a ka sariyad’a yam arop suma mizeuna na, d’igi arop suma tchi matna na mi, kayam a le mizeuna, a tchi suma mi.

Ezekiyel 24:7

Kayam buzu ma mam vom mbeina, mi nga tchola kä kurumu, mi vom mbei ni yam ahinad’a pid’agi, mi vom nga kä yam andagad’a tala mi sid’ama d’a d’i.

Ezekiyel 9:9

Mi dan ala: Tchod’a hi Israel-lîd’a ki d’a hi suma Juda-nid’a, ti kal ngolâ heî. Ambasa ti oî ki suma tchi matna, azì ma ngolâ mi oî ki batranga mi. Kayam azi nga dala: Ma didina mi ar wa ambas sa wanda woyo. Ma didina nga mi we d’i.