Jeremi 15:6 - Bible azumeina

⁶ Ma didina mi dala: Ni ndak ba, noyôn ndeyo, ndak han huyogogu. Kayam ndata, an mba á b’lagak keyo, kayam an kau wa abo djivi d’a an laksid’a.

Jeremi 15:6 Iomraidhean Croise

Isai 1:4

Ni zla d’a hohoud’a, yam agi andjaf suma le tchod’a, yam agi suma zlad’a kagina, yam agi andjaf ma murud’umba, yam agi gro suma mbud’ugi ndjendjed’ina! Agi noyôgi an Ma didina woyo, agi gologi an Ma tin tan irat vat kagi Israel-lîna is, agi han huyogogi mi.

Isai 28:13

Zlad’a hi Ma didinid’a mba d’i mbut atazi ni hina: Vun ma hed’a yam ndram vun ma hed’a, vun ma hed’a yam ndram vun ma hed’a; gata yam ndrat gata, gata yam ndrat gata; ka hî nde, sä hî nde mi. Kayambala kur tit mazid’a a puk kazigazi a kuza d’a tala a nde kur dauna mi vazi kä ndindingû d’a mi.

Isai 31:3

Ezipte-na ni suma, a nga nAlona d’i. Akulumei mazina a ni hliuna, a nga ni muzu’â d’i. Ata yima Ma didina mi hlabom akulona, sama mba á ndjundina mi ka nazlard’eid’a, sama mam ndjunuma mi pu’î kä mi, azi zla tazi djak a mba ba woyo.

Jeremi 1:16

An mba ni kazi sariyad’a kazi yam asa’at mazid’a, kayam a aran ndei a ngal dubang ma his djivid’ina malo ma dingâ, a grif kä avok sun nda azi lat kabozid’a.

Jeremi 13:14

An mba ni tchuguzi ata tazi huneîd’a, abuyod’a ki grod’a abo tazi tu. An mba ni wazi hohowozi d’i, an mba ni keng sa woi tu d’i, an mba ni hat hurun kazi d’i, vama mba mi d’elen á dabazi woina nga d’uo mi. An Ma didina ni de na!

Jeremi 2:13

Kayam sum mana a le tchod’a yazi mbà. Nala, a aran an mala ni mbiyo ma lau ma arina na woyo, a ka golongeî suma ndak nga á ve mbina d’uo na kam kua kam kua ki tazi vazi mi.

Jeremi 2:17

Israel-lâ, ahle ndazina a mba hina pet ni kayamba agi aragi Ma didina Alo magina woi ata yima nga mi tagagi lovot ta djivid’ina d’uo zu?

Jeremi 2:19

Salad’a Ma didin ma ad’engêm kal petna mi dala: Nasa’at magid’a ba, ti togiya, ni djib’er magi d’a afefeta ba, ti ngobogiya. Ar agi wagi woi tetet ala ni vama tcho ma aglarâ á noyôn an Ma didina Alo magina woi á lan mandaran nduo d’a.

Jeremi 20:9

Le an dala: An min dang zlang ngei d’uo, an min de zlad’a ki simiyêng nguo d’angû ni, gol wani, hurun nga mi ngalan d’igi akud’a na, ti nga d’i ngalan aduk asogonu, an kau á vad’u, an ndak á ve tan nduo mi.

Jeremi 44:22

Ma didina mi ndak á ve tam yam asa’at ta agi lata ki sun nda ndjendje d’a agi lata d’uo mi. Ni kayam ndata ba, ambas magid’a ti mbut vama b’laka, vama atchapma, vama a golom isâ bei fe sama kaka kurâ gak ini wana.

Jeremi 6:11

Kayam ndata, an oî kayîna hi ang Ma didinina, an ndak á vum kä d’uo mi. Ma didina mi dala: Ang vomza woi yam gugureina ir palumba, yam toka hi gro azungeînid’a, kayam mandjufâ kamamba a mba yozi zlapa ki mamarâ ki mamar ma kikrana mi.

Jeremi 6:12

Fata an ni mat abon á ngop suma a nga kaka kur ambasina, aziyazi kasinezi kamiyôzina a mba arî mi suma dingâ.

Jeremi 6:19

Agi suma yam andagad’ina pet, agi humugiya! Gola! An nga ni mba ki ndaka yam sum ndazina. Ni wurak ka yam djib’er mazid’id’a, kayam a tin nga humazi yam zla manda d’i, a gol gat manda is mi.

Jeremi 7:16

Ma didina mi dala: Ang Jeremi, ar ang tchenen yam sum ndazina d’i. Ar ang mal vunang á tchi d’oze á tchenen kazi d’oze á tchenen tchen nda hud’a kazi d’uo mi, kayam an nga ni humung ngi.

Jeremi 7:24

Azi humun nga d’i. A tin nga humazi á humba d’i, wani a tit ni yam min mazina, yam djib’er mazi d’a yam mba ad’eng nga tcho d’a kuruzi krovod’a mi. A ar zla d’a a mbut irazi iranda ta, a hanï azigazi zang.

Jeremi 8:5

Wani, ni kayam me ba, suma Jerusalem-ma a d’es sei kur lovota, a ve tazi ad’enga kur mbut ir mazid’a ge? A ve tazi ata alo mazi ma ka zlad’a, a noî á hulongî gevenu.

Jeremi 8:9

Gola! Suma ned’a a mbut zulona, mandarâ mi vaziya, a ve wa ki dauna. A gol zlad’a hi an Ma didinid’a is, ne mazid’a djivi mata ni me kazi ge?

Ezekiyel 14:9

Wani le ma djok vuna mi lobom mi dum zla d’a dinga ni, ni an Ma didina ba, mba ni lop ma djok vun máma, an mba ni hlabon kan akulo á ngobomu, an mba ni pad’am mbei aduk man suma Israel-lâ mi.

Ezekiyel 25:7

Ni kayam ndata ba, an nga ni hlabon kan akulo á ngobogiya, an nga ni hagi abo andjaf suma dingâ á mbut va mazi ma ved’a, an nga ni yogi woi aduk suma, an nga ni ndjoyôgi woi yam ambasa, an nga ni b’lagagi woyo. Hina wani, agi mba wagi ala an ni Ma didina.

Ezekiyel 35:3

Ang dat ala: Salad’a Ma didina mi dala: Gola! Ndak ahina d’a Seir-ra, an nga ni iza atagu, abon nga zid’a akulo kan atagu, an nga ni arak vak wiwir ni mbud’uk fula.

Wana ni mbaktumba hi Oze-d’a 11:7

Sum mana a so tazi á wal tazi woi ki sed’enu, a nga yazi ala a mbut irazi yam an ma sä akulo ma kal teglesâ pî, sama adigazi ma hle tam hina b’ene’â nga d’i.

Wana ni mbaktumba hi Oze-d’a 13:14

An mba ni prud’uzi woi ata yima azuleina zu? An mba ni prud’uzi woi abo matna zu? Ang matna, tugud’ei mang nga tcho d’a tchi matna ti nga ni lara ge? Ang yima azuleina, ad’engêng nga ang b’lak ki sumid’a ti nga ni lara ge? We hohoud’a dap vita iranu.

Wana ni mbaktumba hi Oze-d’a 4:16

Kayam Israel-lâ ni suma yam mba ad’enga d’igi amuhl hla wei d’a a tchugut nga ziyona kat yang tu d’uo d’a na, ki tchetchemba, Ma didina mba mi polozi ni d’igi sana mi pol gro tumiyôna hur ful ma bibinina na.

Sofoni 1:4

Ma didina mi dala: An mba ni hlabon akulo yam suma Juda-na ki suma a nga kaka avo Jerusalem-ma pet, an mba ni b’lak ahlena hi Bäl suma arâ zlapa ki mam suma nglo suma simiyêzi nga mi yina ki mam suma ngat buzuna woi mi.

Zakari 7:11

Wani azi noî á humba, azi han azigaziya, a tos humazi woi á humba mi.