Jeremi 13:26 - Bible azumeina

²⁶ An mba ni yok baru mak ka ad’uka gak ni iksi kak akulo, suma a mba wak gandila maka.

Jeremi 13:26 Iomraidhean Croise

Isai 47:3

A mba fogok ahlena atak kei arak gandilad’a. Suma a mba we zulo ma’â. An mba ni sä atchugula, an mba ni ar sa tu d’i.

Jeremi 13:22

Le ndak mba d’i de kuruk ala: Ni kayam me ba, ahle ndazina a mba kan hina ge ni, djivid’a ndak wala ni kayam tcho mak ka ablaud’a ba, a yok vun baru maka akulo, a lak ki murud’umba wana.

Jeremi 49:10

Wani agi andjafâ hi Esau-na, ni an ba, mba ni hurum ahle magina, an mba ni b’lagagi yi magi ma ngeid’a woyo. Agi mba fagi yima ngeid’a d’i, wani agi andjavamu, b’oziyoma ki ndroma, an mba ni hagi abo ma b’lak yina, a mba wagi bugol luo d’a.

Hor ma tchina 1:8

Jerusalem tcho mata ti zul ngola. Ni kayam ndata ba, ti mbut vama ndjendjed’a. Suma a suburut adjeuna a golot is, kayam a we gandila mata. Ndat tata nga d’i zam tad’u, ti hulong bugol mi.

Ezekiyel 16:37

Kayam ndata, an nga ni togï buniyôk suma ndak tak lak djivid’a kazina ki suma pet suma ndak huruk vazina ki suma pet suma ndak minizi d’uo na. An mba ni togozï ata yima lara ge pet á durugu, an mba ni fogok ahlena atak keyo, ndak mba d’i arî gandilad’a woi iraziya. Azi mba wak gandila maka woi pid’agi.

Ezekiyel 23:29

A mba noyôk keyo, a mba yok ndjondjoî maka, a mba arak gandilad’a kezigineû, a mba gak ad’u gaulang ma’â woi ki sun mak ka tchod’a ki batrang maka woi mi.

Wana ni mbaktumba hi Oze-d’a 2:10

Ti wan nga d’ala ni an Alona ba, ni hat gemena, ni hat süm guguzlud’a ki mbulâ, ni an ba ni hat ndjondjoîd’a, nala bege d’a hapa ki lora suma ndat ti hazi malo ma a yum ala Bäl-lâ ni anu d’i.

Wana ni mbaktumba hi Oze-d’a 2:12

Ki tchetchemba, an nga ni fogot baruna woi atat ir buniyôtna, sama mba mi sud’ut abona nga d’i.

Nahum 3:5

Ma didin ma ad’engêm kal petna mi dala: An nga ki zlad’a ki sed’egu, an mba ni yok vun baru maka akulo woi iragu, an mba ni arak gandilad’a woi ir andjaf suma, an mba ni arak zulo ma’â woi ir suma kur leud’ina mi.