Jeremi 13:19 - Bible azumeina

¹⁹ Kayam azì ma nglo ma abo ma sutna a dugum wa vunam akulo, sama malam mbeina mi nga d’i, kayam suma Juda-na pet a yoziya, a yozi wa magomba ki zla tazi pet.

Jeremi 13:19 Iomraidhean Croise

2 Amuleina 25:21

Amulâ mi tchazi woi ata yi máma yam ambas sa Hamat-ta. Ni hina ba, a i ki suma Juda-na magomba woi dei kambas mazid’a.

1 Sunda Hamuleinid’a 9:1

Israel-lâ pet a ndumuzi ad’u andjavazi ad’u andjavaziya, a b’irizi kä kur mbaktumba hamuleinid’a. Suma hi Juda-na a yozi a izi magomba avo Babilon, kayam tcho mazid’a.

Wana ni mbaktumba hi Job-pa 12:14

Le mi b’lak va woyo ni, sama hulong mi minim akulona nga d’i. Le mi ge sana dangeina ni, sama gum akulona nga d’uo mi.

Jeremi 17:26

Suma a mba tcholï kur azì ma nglo ma Juda-na kazì ma ngui Jerusalem-ma ki suma yam ambas sa Benjamin-ndina ki suma a nga kaka kä ata yima ligitimina ki suma a nga kaka akulo yam ahuniyônina ki suma abo ma sutnina, a mba mba ki he d’a hawa d’a ngala kahle suma ngat buzuna ki he d’a hawa d’a afuta ki dubang ma his djivid’ina kahle suma ngat buzu suma le mersid’a ka hî kur gong man nda kud’ora.

Jeremi 20:4

Kayam Ma didina mi dala: Gola! An mba ni mbud’ung ang tanga mandarâ ki buniyôngâ pet mi. Mazi suma djangûna a mba tchazi avun ayîna, ang mba wazi ki irangû. An mba ni he suma Juda-na pet abo amul ma Babilon-na. Mba mi yozi magomba, mba mi i ki sed’ezi Babilon, mba mi tchazi ki mbigeu d’a fiyaka mi.

Jeremi 24:1

Bugol la Nebukanezar amul ma Babilon-na mi yo Jekoniya Jojakim goroma amul ma Juda-na ki suma nglona ki suma d’alâ ki suma tchafa avo Jerusalem mi i ki sed’ezi Babilon-nda, Ma didina mi tagan gogologei suma mbà suma tuluma nga kuruzina. A nga tinda kä avok gong nga kud’ora hi Ma didinid’a.

Jeremi 28:4

Ma didina mi de kua ala: An mba ni hulongî Jekoniya Jojakim goroma amul ma Juda-na ki suma pet suma a yozi ka hî avo Juda a i ki sed’ezi Babilon-na ka hî, kayam an nga ni kus dju’â hamul ma Babilon-nina woyo.

Jeremi 32:44

A mba gus asinena ki beged’a, a mba b’ir mbaktum mba gusa, a mba tumut ki tampongâ, a mba yi suma glangâsâ yam ambasa hi suma hi Benjamin-nid’a kazì ma ngui Jerusalem-ma, kur azì ma nglo ma Juda-na, kur azì ma nglo ma yam ahinad’ina, kur azì ma nglo ma yam andaga d’a abo tat tud’a, kur azì ma nglo ma abo ma sutnina mi. Kayam an mba ni hulongî ki mazi suma a yozi magombina avo. An Ma didina ni de na.

Jeremi 33:13

Kur azì ma nglo ma yam ahinad’ina, kur azì ma nglo ma kä ata yima ligitimina, kur azì ma nglo ma abo ma sutnina, kur ambasa hi suma hi Benjamin-nid’a, kur azì ma ngui Jerusalem-ma kazì ma nglo ma Juda-na, d’uwar ma gureina mba mi tok avok sama ndumuzina. An Ma didina ni de na.

Jeremi 39:9

Ata yi máma Nebuzaradan ma ngolâ hi suma a ngom yinina, mi yo suma a ar kaka avo kur azì ma ngolîna ki suma a i ad’uma ki suma d’al suma a arâ mi.

Jeremi 52:27

Amulâ mi tchazi woi ata yi máma yam ambas sa Hamat-ta. Ni hina ba, a i ki suma Juda-na magomba woi dei kambas mazid’a.

Jeremi 52:28

Wana ni ndumba hi suma Juda suma Nebukanezar mi yozi magombina: Kur biza d’a kid’iziyad’a a ni 3023.

Jeremi 52:30

Kur biza d’a dok mbà yam hindi d’a Nebukanezar nga mi tamulid’a, Nebuzaradan ma ngolâ hi suma a ngom yinina, mi yo suma Juda-na magomba 745. Azi pet ni 4600.

Hor ma tchina 1:3

Suma Juda-na a iziya wa magomba, a hulongôzi wa yazi kä, a nga le sun nda magom mba kal teglesa. A nga kaka aduk andjaf suma dingâ, a nga fe lovota á tuk tazi d’i! Suma a djobozi vunazina pet a mba, a nga lazi ndak ka kal kazid’a.

Zakari 7:7

Agi wagi nga zla d’a Ma didina mi dat mi suma djok vuna kid’a Jerusalem nga kaka tchugot kazì ma nglo ma nguyutna ata yima suma a i kak abo ma sutna ki hur fulina mi d’a d’uo zu?

Gat ta a hat á mbàd’id’a 28:15

Moise mi de kua ala: Wani le agi gagi yagi kä avok Ma didina Alo magina d’uo, le agi ngomogi nga vun ma he mama agi tid’igi nga kam mbuo, le agi tid’igi nga yam gat ta pet ta an hagizi ini wanda d’uo mi ni, wana ni vun ma ge ma mam mba mi gagizina:

Gat ta a hat á mbàd’id’a 28:52

Azi mba nguyugi kur azì ma nglo ma lara ge pet ma yam ambas sa Ma didina Alo magina mba mi hagizid’ina, a mba durugi gak a to gulumun ma fiyak ma ad’eng ma agi tinigi hurugi kam ala agi mba ngeyegi kuana woyo. Azi mba nguyugi kur azì ma nglo ma lara ge pet ma yam ambas sa Ma didina Alo magina mba mi hagizid’ina.

Josue 18:5

Azi mba b’rawat kä ad’u kid’iziya. Suma hi Juda-na a mba ar kaka abo ma sutna, suma hi Josef-fâ a mba ar kaka ir haga mazid’a abo ma norâ mi.