Jeremi 12:12 - Bible azumeina

¹² Suma b’lak yina a nga djï yam ahuniyô suma fuyogei suma va nga kazi d’uo na, kayam mbigeu d’a fiyaka hi Ma didinid’a nga d’i kizak suma kur ambasina, tinï ad’ud’a avun ambasa abo hî dei gak nde woi avun ambasa abo hî. Sama kak ki halasina nga tu d’i.

Jeremi 12:12 Iomraidhean Croise

Isai 34:6

Mbigeu mamba ti nga tchora ki buzuwazi d’igi buzuwa gro tumiyôna ki buzuwa mbekmberena suma a ngad’azi buzunina na, mbuluzi nga b’ala atat d’igi mbul ma yam b’orozom gamlânina na mi. Kayam Ma didina mi ngat buzuna kur azì ma ngol ma Bosra-na kur ambas sa Edom-mba. Ni mat ma tchi ma tcho ma kal lei nde na.

Isai 57:21

Alo mana mi dala: B’leng nga halasa nga yam suma asa’atna d’i.

Jeremi 15:2

Le a djobong ala: Ami imi ni lara ge ni, ang hulong dazi ala: Gola! Ma didina mi dala: Nge nge pî mi nga ki vama a ngamzi kama: Suma a ngazi tugud’ei d’a tchi matna kazina, ti mba d’i tchaziya; suma a ngazi ayî ma durâ kazina, a mba tchazi avun ayî ma durâ; suma a ngazi baktarad’a kazina, mba d’i tchaziya; suma a ngazi magomba kazina, a mba yozi magomba mi.

Jeremi 16:5

Ma didina mi dan kua ala: Ar ang kal kur azì ma a tchi matna kuana d’i, ar ang i tchi matna d’i, ar ang tchi horâ ki sed’ezi d’uo mi. Kayam an hle wa b’leng man nda halasa woi yam sum ndazina. Djivi manda ki we hohou manda pî, an yozi wa woi kaziya. An Ma didina ni de na.

Jeremi 25:11

Ambas ndata ki zla tat pet mba d’i mbut ni djona, suma a mba le atchap kad’u, andjaf sum ndazina a mba le sunda mamul ma Babilon-na gak bizad’a dok kid’iziya.

Jeremi 3:2

Agi hlagi iragi akulo yam ahuniyô suma fuyogeina, agi gologiya. Ni yima lara ba, agi lagi nga tchod’a kua d’uo ge? Agi nga kaka kä avun lovota á le mizeuna ki sed’ezi d’igi Arap-ma a nga kaka abagei hur fulâ á hurum ahlena hi sumina na, agi mbud’ugi ambasa ndjendjed’a ki gaulang magina ki tit magi d’a ata yat tuo d’a.

Jeremi 3:21

A nga hum dela yam ahuniyô suma fuyogeina. Ni tchina ki tchen nda hud’a hi Israel-lîd’a, kayam azi mbut lovot mazi d’a gunda kur tit mazid’a, a mar rei yam an Ma didina Alo mazina mi.

Jeremi 30:5

Ma didina mi dala: Ei nga humi siwel la mandarâ; ni mandar ma tchona, nga ni halasa d’i.

Jeremi 34:17

Ni kayam ndata ba, Ma didina mi de kua ala: Agi humun nga vunan á tchi wala ala ar nge nge pî mi ge wiyema d’oze mi ge ndrama akulo d’a d’i. Gola! An Ma didina an nga ni tchi wala kagi á tchugugi ayî ma durâ ki tugud’ei d’a tcho d’a tchi matna ki baktarad’a akulo kagiya. An mba ni mbud’ugi vama atchapma ir suma a nga kur leu d’a yam andagad’ina pet.

Jeremi 4:27

Ma didina mi de kua ala: Ambasa ki zla tat pet nga d’i mbut djona, wani an mba ni b’lagat tei ki zla tat pet ti.

Jeremi 46:10

Wani bur máma ni burâ hi an Salad’a Ma didin ma ad’engên kal petna. Ni bur ma an mba ni sä atchugulun ki man suma djangûnina. Mbigeu d’a fiyaka mba d’i kizak suma gak ti ndak vat ndak, mba d’i tchazi buzuwazi mi, kayam an Salad’a Ma didin ma ad’engên kal petna, ni ngad’azi ni d’igi vama ngat buzuna na yam ambas sa abo ma norâ d’a avun alum ma Efrat-nid’a.

Jeremi 47:6

Agi nga tchigi ala: Ndak mbigeud’a hi Ma didinid’a, ni mindja ba, ndak ki tuk tak ke? Ndak hulong kur aziyagu, ndak kak tchugot bei le va ba.

Jeremi 48:2

Subura hi Mowap-pa nga d’uo d’a. A nga de zlad’a avo Hesbon yam b’lak mata ala: Ei i blazeizi woi aduk andjaf suma. Ang azì ma Matmen-na, ang mba ka’î ki vunang ma du’â, kayam ayîna nga mi djï blogongû.

Jeremi 8:15

Ei tini huri ni yam halasa, wani vama djivi nga mi mba d’i. Ei nga djubi yima suta, wani ahle suma mandarâ a mba ni aziya.

Hor ma tchina 3:17

Mi walan ndei ki b’leng nga halasa, an mar rei yam ahle suma djivina.

Ezekiyel 14:17

D’oze le an mba kayî ma durâ yam ambas ndata, le an ni dala: Ar ayî ma durâ mi b’rau woi hurud’u, le an tchi suma woi ki d’uwarâ,

Ezekiyel 21:28

Suma Jerusalem suma a gun tazina a gol zlad’a hi vama tak lovot máma ni zla d’a hawad’a iraziya, wani amul ma Babilon-na, mi gazi humazi yam tcho mazid’a ala a mba yozi magomba.

Ezekiyel 21:4

Suma pet a mba wala ni an Ma didina ba, ni gad’u, mba d’i mit tei d’i.

Ezekiyel 21:8

Ang de mambasa hi Israel-lîd’a ala: Ma didina mi dala: Gola! An nga ni ngobogu, an mba ni pat mbigeu man nda fiyaka woi kur aziyad’u, an mba ni tchi suma d’ingêrâ ki suma asa’atna woi kurugu.

Ezekiyel 21:9

Kayam an min tchi suma d’ingêrâ ki suma asa’atna woi kurugu, an mba ni pat mbigeu man nda fiyaka woi kur aziyat á tchi suma woi pet, tinï ad’ud’a abo ma sutna dei gak ndeza woi abo ma norâ.

Ezekiyel 5:2

Le bur ma a ngui azina kä na mi ndak wa ni, ang hle wal la ding tu, ang ngalat tei kur azì ma ngolâ kaku boloma, ang hle wal la mbàd’a, ang kat aduk kei ki mbigeu mang nga fiyaka, ang ngui azì ma ngolâ woi d’uhl. Ang hle wal la dabid’a, ang yagat akulo aduk simetna. An mba ni digit ad’ut ki mbigeu man nda fiyaka.

Sunda hi suma hi Levi-nid’a 26:33

An mba ni ndjoyôgi woi vivreng kayî ma durâ; ambas magid’a mba d’i mbut nambas sa abageid’a, azì magi ma nglona mba mi arî djona mi.

Amos 9:4

Le mazi suma djangûna a yozi a izi avo hatazi pî, an mba ni he vuna a mba tchazi sä kua, an mba ni tin iran kazi ná lazi djivid’a d’i, wani ná lazi tchod’a.

Sofoni 2:12

Ma didina mi dala: Agi suma Etiyopi-na, an mba ni tchagi woi avun ayîna.

Gat ta a hat á mbàd’id’a 32:42

Yeû manda mba d’i tchor buzuna, mbigeu man nda fiyaka mba d’i b’lak hliwa suma woyo. Suma nglo suma avok suma dur ayînina, sa mba mi sut tu d’i. Suma a duruzi mbuleinina d’oze suma a yozi magombina, an mba ni tchazi woi pet.

Vama ndum mbeina 6:4

Ata yi máma, akulum ma hleuna mi nde woyo. Ma mi nga kama mi nga kad’enga á wet ayîna woi yam andagad’a, kayam suma a tchi taziya. A hum mbigeu d’a fiyak ka ngola abom mi.