Jeremi 12:10 - Bible azumeina

¹⁰ Suma pola ablaud’a a b’lagan asine man ma guguzlud’a, a mired’em kä kaseziya, a mbud’un asine man ma an hurun vun heîna hur ful ma va nga kua d’uo na.

Jeremi 12:10 Iomraidhean Croise

Isai 3:14

Nga mi ka sariyad’a yam mam suma nglona, yam suma avok sumina, nga mi dala: Agi b’lagagi guguzlud’a woyo, ahle suma agi hurumuzi abo suma houd’ina a nga avo hatagi mi.

Isai 43:28

Kayam ndata, an mbut suma nglo suma ata Yima a tinim iram vama vama ndjendjed’a, an ni mbut suma hi Jakob-ma ni vama a gum vunina, an mbut Israel-lâ vama ngula mi.

Isai 63:18

Ami mang suma yed’etna ami kagami yam ambasa ni hina ndjö. Mami suma djangûna a miret yi mang ma a tinim iram vama kä kaseziya.

Jeremi 23:1

Ma didina mi dala: Ni zla d’a hohoud’a yam suma pol suma tcho suma a nga pol tumiyô mana a nga b’lagazi woi a nga ndjoyôzi woina.

Jeremi 25:37

Kangâna mi b’leng djed’et abo ayî ma bibiliuna hi Ma didinina.

Jeremi 25:38

Ma didina mi ar yam ma kaka woi d’igi azlona mi ar domi mama woi na, ambasa ti mbut djona, ti b’lak kei abo ayî ma durâ, abo ayî mam ma bibiliuna.

Jeremi 25:9

An nga ni tchuk sunda, ni halï suma abo ma norâ ki Nebukanezar azong mana, amul ma Babilon-na. An mba ni mba ki sed’ezi á dur ambas sa wanda ki suma a nga kaka kurutna kandjaf suma a nguyutna pet á b’lagazi woi kakazeî, á mbud’uzi vama atchapma, vama sanda ki vama b’lak ma gak didina.

Jeremi 3:19

An Ma didina ni dala: Ni nana ba, an min tchugugi aduk grona, ni hagi ambas sa djivid’a, ni hagi djo ma djivi ma kal teglesâ aduk suma kur duniyad’ina ge? An djib’er ala agi mba yan ala Abugiya, agi mba walagi woi ki sed’en nduo.

Jeremi 39:3

Suma nglona hamul ma Babilon-na a tchuk krovo hur azì ma ngolâ, a kak kä avun Agrek ma Krovona. Suma nglo ndazina ba wana: Nergal-Sareser, Samgar-Nebu, Sarsekim ma ngolâ hi suma adimbangîna, Nergal-Sareser ma ngolâ hi azigar suma nglonina, zlapa ki suma nglo suma dingâ hamul ma Babilon-nina pet.

Jeremi 6:3

Amuleina a mba mba atak d’igi suma pola a mba ki d’uwar mazina na, a mba ve kang mazina huyogogu, a mba nguyuk kei d’uhl. Nge nge pî mba mi djulul ata yima mi ve kang mama kuana.

Jeremi 9:10

Jeremi mi dala: An mba ni tchi tchi ma hat hurâ akulo yam ahuniyôna, an mba ni hle sawal la horâ hur ful ma d’uwarâ mi te hatna kuana. Kayam azi ngal leyo, sa nga mi kal kua d’i, a nga hum del d’uwar tchi d’i, aluwei suma akulona kambureina kazureina pet a iya.

Ezekiyel 34:2

Ang gor sana, ang djok vuna mamulei suma Israel-lâ. Ang djok vuna mi suma pol ndazina ala: Salad’a Ma didina mi dala: Ni zla d’a hohoud’a kagi agi suma pol suma Israel suma nga pologi ni tagi gogona. Na ni suma pola a polî tumiyôna d’uo zu?

Ezekiyel 34:5

Gola! Azi b’rau wa woi yayak kayam sama polozina nga d’i, azi mbut vama vika hamburei suma abageina, azi b’rau wa woi yayak.

Daniel 8:13

An hum malaikana tu mi de zlad’a. Malaika ma dingâ mi djobom ala: Vama nde tam mbei yam vama ngat buzu ma burâ ki burîna, yam tchod’a hi ma b’lak yina, yam miret ta a mba miret gong nga kud’ora hAlonid’a ki azigar suma akulona kä d’a, a mba mba ni mindja ge?

Zakari 7:14

An ni ndjoyôzi woi aduk andjaf suma ding suma azi wazi nga d’uo na. Ambas mazid’a ti b’lak kei blogoziya. Sama mi nde woi kua mi hulong mi kal kuana nga d’i, ambas sa djivid’a, azi mbud’ut djona.

Wana ni Zla d’a Djivi d’a Luc mi b’irita 21:14

Kayam ndata, agi djib’eregi kurugi avok yam zla d’a de d’a agi mba dazizid’a d’i.

Vama ndum mbeina 11:2

Wani ang ar yima huyok gong nga kud’ora hAlonid’a bei ngad’a, kayam a humî mi suma bei wAlona. Azi mba miret azì ma ngolâ hAlonina kä kasezi gak tilâ dok fid’i yam mbà.