Jeremi 10:15 - Bible azumeina

¹⁵ Azi nahle suma hawa ya’â, ni sun nda lop ira. Fata mba mi ngobozid’a, a mba dap peyo.

Jeremi 10:15 Iomraidhean Croise

Sawal la giled’a 115:9

Agi Israel-lâ, agi tinigi hurugi yam Ma didina; mam mi ma ndjunugina, mam mi mbarei magid’a mi.

Isai 41:24

Gola! Agi ni va d’uo, sun magid’a ni hawa na mi. Ni vama ndjendjed’a tala sana mi deng tam kagiya d’a.

Isai 41:29

Gola! Azi pet ni va d’i, sun mazid’a ni sun nda hawa yaka, filei mazina ni simetna, ni vama nga d’uo na mi.

Isai 57:12

An mba ni de woi yam d’ingêr magid’a ki sun magid’a; agi mba fagi va ki sun magid’a d’i.

Jeremi 10:11

Ang dazi ala: Alo ma teteng ma mi le nga akulod’a kandagad’a d’uo na, a mba b’lagam mbei yam andagad’a, a mba fum ka hî yam andagad’a d’uo d’a.

Jeremi 10:8

Azi pet ni suma yazi nga d’uo na, ni suma lilid’a mi. Hat ta azi nga had’at yam filei mazinid’a ni hat ta hawa yaka.

Jeremi 14:22

Aduk fileina handjaf suma dingâ ma ndak á salonina nga zu? D’oze akulod’a ti ndak á salo ma kuküna vat tchu? Ni ang Ma didina Alo mamina d’uo zu? Ami tinimi hurumi ni kang angû, kayam ni ang ba, lahle ndazina wan pet na.

Jeremi 18:15

Wani sum mana a maran ndeyo, a nga ngal dubang ma his djivid’ina mi filei ma hawa ya’â, a nga lá puka kä kur lovot mazid’a, a ar lovot mazi d’a adjeud’a woyo, a nga tit kur lovot ta sa nga mi tit kua d’uo d’a.

Jeremi 43:12

An mba ni do akud’a ata azì ma fileina hi Ezipte-na. Nebukanezar mba mi ngalazi woyo, mba mi i ki filei mazina magomba, mba mi zlup ambas sa Ezipte-d’a atam d’igi ma pola mi zlup baru mama atam na, mba mi nde woi kurut ki halasa.

Jeremi 50:2

Agi tchagi wal zla ndata woi aduk andjaf suma, ar suma a humud’u. Agi pagi drapo d’a taka akulo, ar suma a hum zla ndata, agi ngeyet kä d’i. Agi dagi woi kat ala: A hle wa azì ma Babilon-na! Alo ma a yum ala Bel-lâ mi mbut wa zulona, Alo ma a yum ala Mardu’â, a b’lagam wa woyo! Angus ahle mam suma tcheta a mbut wa zulona, filei mama a b’lagam wa woi mi.

Jeremi 51:18

Azi nahle suma hawa ya’â, ni sun nda lop ira. Fata mba mi ngobozid’a, a mba dap peyo.

Jeremi 8:12

Ma didina mi de kua ala: Djivid’a azi mbut ni zulona ata yima a nga lahle suma ndjendjed’ina. Wani zulona nga mi lazi d’i, zulo nga irazi hina nde d’uo ko. Kayam ndata, a mba puka ki suma a puk kä na, a mba ka azlard’eid’a ata yima an mba ni mba á ngobozina.

Jeremi 8:19

Gola! Del la tchina hi sum manid’a, ti tcholï yam andaga d’a deid’a, ti dala: Ma didina mi nga kur Siyon d’uo d’ang zu? Amul matna mi nga kurut tuo mi zu? Ma didina mi dala: Ni kayam me ba, azi zalan hurun kangus ahle mazi suma tcheta kahle suma hawa ya’â hi suma dingîna ge?

Wana ni mbaktumba hi Oze-d’a 9:7

Bur ma Ma didina mba mi mba á ngobogina nga mi djïya. Gagazi, bur ma hlatchugula nga mi djïya. Agi Israel-lâ, agi mba wagiziya. Agi nga dagi ala: Ma djok vun Alona mi ni lilid’a, sama Muzu’â nga mi zud’uma ni sama yam nga d’uo na. Tcho magi d’a bei dap ndumba ki murud’um magid’a a kal ngola heî.

Jonas 2:8

Ata yima an nga ni lá matnina, an djib’er kangû. Ma didina, tchen man nda an tchenenga, ang humunï kur gong mang nga kud’ora.

Zakari 13:2

Ma didin ma ad’engêm kal petna mi dala: An mba ni yo filei ma yam ambasina woi tala ar sa mi djib’er kam mbuo d’a, an mba ni yo suma djok vun suma kur ambasina ki muzuk ma ndjendjed’a woi mi.

Sunda hi suma a sunuzinid’a 14:15

a de ki delezi akulo ala: Agi sumuna, agi lagi ni me na ge? Ami ni suma d’igi agi na mi. Ami mbagi ni Zla d’a Djivid’a ala agi aragi filei ma hawa ya’â woyo, agi mbud’ugi iragi yam Alo ma ari ma lakulod’a kandagad’a kalum ma ngolâ kahlena pet suma a nga kuruma.

Gat ta a hat á mbàd’id’a 32:21

Azi nga tinin á le yungôra yam alo ma ka zlad’a, a nga djon ki filei ma tuwala. An tan mba ni tinizi á le yungôra yam suma ala nandjaf ma gagazi d’uo na, an mba ni djozi kandjaf ma bei ned’a mi.

1 Samuel 12:21

Ar agi walagi woi ki sed’em á le sunda malo ma hawa yak ma ndak á ndjun sa d’oze ma ndak á sut sa d’uo na d’i, kayam mam mi alo ma hawa ya’â.

1 Samuel 5:4

Ndjivin nda mbàd’a azi we Dagon puk kä kua andaga avok zandu’â hi Ma didinina, huyogom arî mam go, kayam yam azi kabom kus seyo, a nga tchuka kä ata agu ma avun gongina.