Jeremi 10:14 - Bible azumeina

¹⁴ Kayam ndata, suma pet a mbut ni suma yazi nga d’uo na abo we mamba. Suma yor lora pet a mbut zulona kangus ahle suma azi yorozina, kayam filei mazina ni filei ma ka zlad’a, nga mi muzuk kuo mi.

Jeremi 10:14 Iomraidhean Croise

Sawal la giled’a 14:2

Ma didin ma sä kaka akulona, nga mi gol suma kä yam andagad’ina á we sama ne ma halam mam Alonina nga zu?

Sawal la giled’a 92:6

Ma didina, sun mang nga ang lata ni d’a kal teglesa, djib’er manga ni d’a ndak á sana mi wat ad’ut tuo d’a!

Sawal la giled’a 94:8

Agi suma bei wed’a aduk sumina, agi gologi tagi djiviya! Agi suma lilid’a, ni mindja ba, agi mba mbud’ugi suma ned’a ge?

Sawal la giled’a 97:7

Suma a nga kud’or fileinina ki suma a subur tazi kama pet a mba mbut zulona, alona pet mi grif kä avok Ma didina mi.

Zla d’a d’ogolâ 30:2

Gagazi, lili manda kal suma pet, an nga ki wad’ud’a d’igi sana na d’i.

Isai 42:17

Suma a tin huruzi yam fileina ki suma a nga de mi kawei ma yora ala: Agi nalo mamina na, a mba didak bugolo, a mba mang ngei abo zulona mi.

Isai 44:11

Gola! Suma a lazina pet a mba mbut zulona, suma a tched’ezina ni suma hawa. Ar azi tok pet, ar azi mbeï avoronu. Azi pet a mba le mandarâ, a mba mbut zulona mi.

Isai 45:16

Gola! Suma a min fileinina a mbut zulona, a tchuk susub’ok, a nga i ki yazi tchoka kä.

Isai 57:12

An mba ni de woi yam d’ingêr magid’a ki sun magid’a; agi mba fagi va ki sun magid’a d’i.

Jeremi 10:5

Alo ma hina na mi ni d’igi agu ma sana mi pum aduk asinena á dik aluweinina na, nga mi de zla d’uo mi. Sana mi hlumî hle, kayam nga mi tit kayam tam mbi. Ar agi lagizi mandaram mbi, kayam mi we nga á le vama tcho mi sa d’uo mi na, mi ndak á le vama djivi mi sa d’uo mi.

Jeremi 10:8

Azi pet ni suma yazi nga d’uo na, ni suma lilid’a mi. Hat ta azi nga had’at yam filei mazinid’a ni hat ta hawa yaka.

Romê-na 1:25

Azi vrak zla d’a kad’a balum zla d’a gagazid’a hAlonid’a. Azi nga kud’or ahle suma Alona mi lazina a nga lazi sunda mi, wani a nga kud’or Alo ma mi lazi ma mi ndak á gilem gak didina d’i. Amin!

1 Samuel 5:4

Ndjivin nda mbàd’a azi we Dagon puk kä kua andaga avok zandu’â hi Ma didinina, huyogom arî mam go, kayam yam azi kabom kus seyo, a nga tchuka kä ata agu ma avun gongina.