Jeremi 1:9 - Bible azumeina

⁹ Bugola, Ma didina mi mat abom mi don vunanu, mi dan ala: Gola! An tining wa zla manda avunangû.

Jeremi 1:9 Iomraidhean Croise

Isai 49:2

Mi mbud’un vunan d’igi mbigeu d’a fiyak ka te heîd’a na, mi dugun kä kangus abomu, mi mbud’un d’igi yeû d’a vunat feta dedelemba na, mi ngeyen kä kur azì yeû mamba d’igi ir yeûd’a na.

Isai 50:4

Salad’a Ma didina mi had’an tala an we zla d’a ded’a á ndjun ki sama mi kauna d’a. Yorogo d’a lara pî nga mi zlid’in akulo tala an hum d’igi suma hata a hum zlad’a na d’a.

Isai 51:16

An ni ma ni b’eng akulod’a woina, an ni ma ni gäd’u andagad’ina, an ni ma ni de mi suma Siyon-na ala: Agi ni sum mana na, an nga ni tining zla manda avunangû, an nga ni dugung kä kanguza abonu.

Isai 59:21

Ma didina mi dala: Wana ni vun ma djin ma an djinim ki sed’egina: Muzuk mana mba mi kak kagiya, an mba ni tinigi zla manda avunagiya. Mba d’i wal lei ki sed’egi d’oze grogina d’oze grogi ngolona d’uo mi, arî hina gak didin. An Ma didina ni de na.

Jeremi 15:19

Ma didina mi hulongôn humba ala: Le ang hulongî gevenu ni, an hulongông kur sun manda. Le ba ang de ni zla d’a hawa yaka d’uo ba, ang de ni zla d’a ndaka ni, ang mba mbut ni vunan ma ad’u kä na. Ni suma Juda-na ba, a mba hulongî gevengû, ni ang ba, mba hulong gevezi d’i.

Jeremi 34:6

Ma djok vuna Jeremi mi de zla ndata mi Sedekiyas amul ma Juda-na avo Jerusalem mbei pet.

Jeremi 36:2

Ang hle mbaktum mba d’ut ta hawad’a, ang b’ir zla d’a pet ta an dangzi adjeu yam Israel-lâ yam suma Juda-na yam andjafâ pet tinï ad’ud’a kur bur ma an dang zlad’a kur atchogoid’a hi Josiyas-sa dei gak inid’a.

Jeremi 5:14

Ni kayam ndata ba, Ma didin ma ad’engêm kal petna mi dala: Kayamba azi de hina d’a, an nga ni tin zla man nda d’igi akud’a na d’a avunang ang Jeremi. Sum ndazina a mba mbut ni d’igi aguna na mi. Aku ndata mba d’i ngalazi woyo!

Ezekiyel 3:10

Mi dan kua ala: Ang gor sana, ang tin humang hum zla d’a an nga ni dangzid’a pet, ang vat kurungû.

Daniel 10:10

Ata yi máma abo sana mi donu, mi tcholon akulo ki guguvan kabonu, wani an nga ni zlak tua.

Daniel 10:16

An gol sama dingâ mi hle tam d’igi sana na, mi don vunanu. Vunan mi hulong mal leyo, an de mi sama nga tchola vorona ala: Salana, ni kayam vama nde tam mbei irana ba, djib’er manda b’lak ngola, ad’engên nga d’uo wana.

Ndumba 23:5

Ma didina mi tin zlad’a avun Baläm, mi dum ala: Ang hulong gen Balak, ang i dum hina.

Matiye 10:19

Wani fata azi mba igi ata yima ka sariyad’id’a, ar agi djib’eregi ala agi mba lagi ni nana d’oze agi mba dagi nana ge d’a d’i, kayam ata yi máma, a mba hagi vama agi mba duma.

Marik 7:33

Mi vum mi im woi abo tu kablau suma, mi kal tchitchid’am humamu, mi tuvo ayôna abomu, mi domzi sinamu.

Wana ni Zla d’a Djivi d’a Luc mi b’irita 12:12

Kayam Muzuk ma bei tchod’a ba na mba mi tagagi vama ndak á ded’a ata yi mámina.

Wana ni Zla d’a Djivi d’a Luc mi b’irita 21:15

Kayam an mba ni hagi zla d’a ded’a ki ned’a, tala magi suma djangûna pî a ndak á tchol á tchi tuguyod’a ki sed’egi d’uo d’a.

Gat ta a hat á mbàd’id’a 18:16

Mba mi ndak vun vama agi djobom ata Ma didina ad’u ahina d’a Horep-pa kur bur ma agi togogina ata yima agi dagi ala: Ar ami humumi dela hi Ma didina Alo maminid’a ami wami aku d’a ngol ndata d’i, tala ami bomi woi d’a d’i.

Gat ta a hat á mbàd’id’a 18:17

Ma didina mi dan ala: Zla d’a sum ndazina a data ni zla d’a irata.

Gat ta a hat á mbàd’id’a 18:18

An mba ni tchol ki ma djogon vunana tu ma adugï b’oziyozina ma d’igi ang na na, an mba ni tinim zla manda avunamu; mam mba mi dazi ahlena pet suma an mba ni hum vuna kazina.