Jean 9:41 - Bible azumeina

⁴¹ Jesus mi dazi ala: Ladjï agi ni duka ni, agi nga ki tchod’a d’i. Wani ki tchetchemba agi nga dagi ala: Ami nga wamiya. Kayam ndata, tcho magid’a nga kak kä kagiya.

Jean 9:41 Iomraidhean Croise

Zla d’a d’ogolâ 26:12

Le ang we sama mi gol tam ala mam mi sama ned’a na ni, ang tin hurung yam sama lilid’a kalamu.

Isai 5:21

Ni zla d’a hohoud’a yam suma a nga yi tazi ala azi ni suma ned’a, a nga gol tazi ala azi ni suma wad’ud’a na mi!

Jeremi 2:35

Hina pet pî, agi dagi ala: Ami ni suma bei zlad’a kamina. Ayî mama mi nga kami d’i. Gola! An nga ni kal ata yima ka sariyad’a ki sed’egiya, kayam agi dagi ala: Ami lami nga tcho d’i.

Wana ni Zla d’a Djivi d’a Luc mi b’irita 12:47

Azong ma we minda hi salamid’a, wani nga mi min ahlena d’i, nga mi le minda hi salamid’a d’uo mi na, a mba tom ngola.

Wana ni Zla d’a Djivi d’a Luc mi b’irita 18:14

Jesus mi dala: An nga ni dagiya, sa máma mi i avo hatam mi mbut sama d’ingêrâ kal Fariziyê máma. Kayam sama hle yam akulona, a mba hulongôm yam kä; sama mi ge yam kä na, a mba hlum yam akulo mi.

Hebre-na 10:26

Le ei nga ngei huri á i avogovok kur tcho d’a led’a ata yima ei wei ad’u gagazid’a da na ni, ngat buzu ma ding ma yam tcho meid’ina nga d’uo d’a.

Jacques 4:17

Wani sama we vama djivina á led’a ko ba mi lum mbuo na, mi le ni tchod’a.