Jean 9:22 - Bible azumeina

²² Simiyêm a de hina ni kayamba azi nga le mandara Juif-fâ, kayam Juif-fâ a ndjak vunazi avok ala le sama de woi ala Jesus ni Mesi-yu na ni, a mba digim mbei kur gong mazi d’a toka.

Jean 9:22 Iomraidhean Croise

Zla d’a d’ogolâ 29:25

Sama mi le mandara sumina mi gun ni dauna kä kamu, wani sama mi tin hurum yam Ma didinina, va nga mi lum mbi.

Isai 51:12

Ma didina mi dala: Ni an ba ni b’lengêgi hurugiya. Angî nge ba, le mandara sama mba mi mitna d’oze sana gorom ma d’igi asuna na na ge?

Isai 51:7

Agi suma wagi d’ingêrina, agi humunu. Agi suma gat manda nga kurugina, ar agi lagi mandarâ abo kraka hi sumid’a d’i, agi zlagagi abo ngul mazid’a d’uo mi.

Isai 57:11

Agi lagi mandarâ nabo nge ba, agi kandi zlad’a, agi djib’eregi kan nduo, agi walagi woi dei ki an nge? An kak bei de zlad’a ni dedei. Ni kayam ndata ba, agi nga gagi yagi kä avoron nduo wana.

Wana ni Zla d’a Djivi d’a Luc mi b’irita 6:22

Le suma a nga noyôgiya, a nga digigiya, a nga ngulugiya, le a nga gologi is d’igi suma tchona na yam an Gor Sana ni, ar agi lagi furîd’a.

Jean 1:19

Wana ni glangâsâ hi Jean-na: Kid’a Juif suma Jerusalem-ma a sunï suma ngat buzuna kandjaf suma hi Levi-na gevem á djobom ala: Angî nge ge d’a,

Jean 16:2

Suma a mba digigi woi abu kur gongîyo mazi suma toka. Yina nga mi mba, ata yi máma, sama lara pî ma mba mi tchagina, mba mi djib’er ala mam le ni sunda mAlona.

Jean 19:38

Bugol ahle ndazina, Josef ma Arimate-na, ni ma hata hi Jesus-na, wani ni kur ngeid’a kayam mandarâ hi Juif-fîna, mi djop Pilat kayam mi i mi pat mad’a Jesus. Pilat mi humumu. Josef mi mba, mi pad’am mad’amu.

Jean 20:19

Kid’a afata nik dad’a, ni bur ma dimas máma, suma hata a duk vun azì ma azi nga kuana, abo mandarâ hi Juif-fîna. Ata yi máma, Jesus mi mba, mi tchol adigaziya, mi dazi ala: An gagi depa.

Jean 7:13

Wani sama de zla ndata woi pid’ak ir sumina nga d’i, kayam a nga le mandara Juif-fâ.

Jean 9:18

Juif-fâ a he nga gagazid’a ala mam mi ma duka adjeu ba iram mal lei wana d’i, gak a yi simiyêm suma a vud’uma.

Jean 9:21

Wani vama le ba, mam nga mi we yina ki tchetchembina, ami wami nga d’i, ami wami nga sama malam iram mbeina d’uo mi. Agi djobomu, mi ndak sana da’. Mam tamba mba mi dagiya.

Jean 9:34

Azi hulong dum ala: Ang ma vud’ung kur tchod’ina, ang ndak á had’ami zu? A digim mbei abu kur gong mazi d’a toka.

Jean 9:35

Jesus mi hum ala a dik wa ma duka woi abua, mi fumu, mi dum ala: Ang he gagazid’a yam Gor Sana zu?

Sunda hi suma a sunuzinid’a 4:18

A yazïya, a gad’azi ala a de zla d’oze a hat sa ki simiyê Jesus d’uo mi.

Sunda hi suma a sunuzinid’a 5:13

Wani suma a nga le mandara á kal adigaziya, wani suma a nga yorozi ndjundjum.

Sunda hi suma a sunuzinid’a 5:40

Azi hum zla mamba. Ata yi máma a yï suma a sunuzina, a toziya, a gad’azi ala: Ar agi dagi zlad’a ki simiyê Jesus d’i, a arazi a iya.

Vama ndum mbeina 21:8

Wani suma mandarâ ki suma bei he gagazid’ina ki suma a le sun nda ndjendjed’ina ki suma tchi matna ki suma mizeuna ki suma ve kumana ki suma kud’or fileina ki suma ka zlad’a pet, yi mazi ma kaka ni kur apo d’a aku d’a bibiliu d’a ngal ki sufred’id’a, nala ni mat ma mbàna.