Jean 8:7 - Bible azumeina

⁷ Kid’a azi nga djobom kua kuad’a, mi hle yam akulo, mi dazi ala: Sama bei le tchod’a adigagi ni nge kla ni, ar mi gatcha ndata kahinad’a avogo.

Jean 8:7 Iomraidhean Croise

Zla d’a d’ogolâ 12:18

Sama mi tchit wü na, mi tchok sana mbilâ ni d’igi mbigeu d’a fiyaka na, wani zlad’a hi suma ned’id’a ti tchil sana ni tchila.

Jeremi 23:29

Zla manda ni d’igi akud’a na, ti ni d’igi marto d’a ad’eng nga ti to ahinad’a woid’a na mi d’uo zu? An Ma didina ni de na!

Jean 7:46

Azigarâ a hulong dazi ala: Dedei sa mi de nga zlad’a d’igi sa máma na d’i.

Jean 8:10

Jesus mi tchol akulo, mi dat ala: Atchad’a, sum ndazina a ni lara d’ö? Sama kak sariyad’a ka’â nga d’i?

Jean 8:8

Jesus mi hulong d’ok yam kä, nga mi b’ir ki tchitchid’am kä andaga.

Kolos-sâ 4:6

Ar zla d’a djivid’a ndavunagi teteu á le suma tazi djivid’a d’igi ndjuvuna na, kayam agi wagi lovota á hulong zla d’a ded’a mi sama lara ge pet.

Vama ndum mbeina 1:16

Tchitchiud’a kid’iziya a nga ved’a abom ma ndjufâ, mbigeu d’a fiyak ka te d’a siyat mbàd’a, ti nde woi avunamu. Iram mba gola nga d’i wile d’igi afat ta faleid’a na.

Vama ndum mbeina 19:15

Mbigeu d’a fiyak ka tena heîd’a, ti nde woi avunamu, ni d’a mba mi ka kandjaf sumid’a. Mba mi polozi ki totogo d’a kawei ma wurana, mba mi miret guguzlud’a, d’ala nayîna hAlo ma ad’engêm kal petna na.

Vama ndum mbeina 2:16

Kayam ndata, ang mbut hurung yam tcho manga. Le hina d’uo ni, an nga ni mba atogo zak á dur ayîna ki sum ndazina ki mbigeu d’a fiyak ka avunanda.