Jean 8:44 - Bible azumeina

⁴⁴ Agi suma abugi ni Diable-na, agi min lagi ni minda habugid’a. Mam mi ma tchi matna kad’u tinda dei, mi nga mi tit yam gagazid’a d’i, kayam zla d’a gagazid’a nga kurum mbi. Ata yima nga mi de zla d’a kad’ina, mi de ni yam mam tamba, kayam mam mi ma ka zlad’a, ni zla d’a kad’a abut mi.

Jean 8:44 Iomraidhean Croise

Ad’u Tinda 3:15

An mba ni tin djangûna adigang katchad’a, aduk andjavang kandjavat mi. Mam mba mi mired’eng yang kä; ang mba ed’em dodogasemu.

1 Amuleina 22:22

Mi dum ala: An i ni de zla d’a kad’a avun suma djok vuna hamulîna pet. Ma didina mi dum ala: Ang i lobomu, ang i le hina!

1 Sunda Hamuleinid’a 21:1

Bur tu Seitan mi tchol djangûna ki Israel-lâ, mi zut David á ndumuziya.

Wana ni mbaktumba hi Job-pa 1:11

Ang le hlabong dom ahle mama ni, an we woi tetet ala mam mba mi ngulung avunang ka tchetchem!

Matiye 12:34

Agi gro mageid’a, ni nana ba, agi suma tchona ndak á de vama djivina ge? Kayam ahle suma a nga oîd’a kur sanina ba, a buzuk kei avunam á ded’a.

Matiye 13:15

Kayam sum ndazina, huruzi ni b’ala, a tos humazi woi á humba, a duk irazi woyo, kayam a we ki irazi d’i, a hum ki humazi d’uo mi tala a wad’ud’a kuruzi a mbut huruzi mbut ba, an ni sud’uziya d’a.

Matiye 13:38

Asinena ni duniyad’a; andjaf ma djivina ni gro suma a mba te leud’ina; barumba ni Ma tchona groma.

Jean 6:70

Jesus mi hulong dazi ala: Ni an ba ni managi dogo yam mbà d’uo zu? Wani ma dingâ tu nga adigagiya ni diable.

Jean 7:17

Le sana mi min á le minda hAlonid’a ni, mba mi wala hat man ndata ti tcholï nata Alona, d’oze, an de ni zla manda ki yanda.

Jean 8:38

An dagi nahle suma an wazï avo Abuna, wani agi lagi nahle suma agi humugizi avun abugina mi.

Jean 8:41

Agi nga lagi ni sunda habugid’a. Kayam ndata, azi dum ala: Vud’umi nga kur mizeuna d’i, Abumi ni tu, nAlona.

Jean 8:55

Agi wum nga d’i, wani an wumu. Ladjï an dala: An wum nga d’uo ni, an mbut ni sama ka zlad’a d’igi agi na mi. Wani an wumu, an nga ni ge yan kä ad’u zla mamba mi.

Sunda hi suma a sunuzinid’a 13:10

Ang ma tcho ma mbut ira, ang Diable goroma, angî ma djangûna hahle suma djivina pet. Ni mindja ba, ang mba ar bei b’lak lovot ta d’ingêra hi Salad’id’a ge?

Sunda hi suma a sunuzinid’a 24:9

Juif-fâ a ndjak vunazi ki sed’em tu, a dala: Ni na.

Sunda hi suma a sunuzinid’a 5:3

Wani Pierre mi dum ala: Ananiyas, ni kayam me ba, Seitan mi kal kurung á ka zlad’a mi Muzuk ma bei tchod’a ba na á ngei beged’a hi yina woi nde ge?

2 Korente-na 11:3

Wani an nga ni le mandarâ kagiya. Ar djib’er magid’a ti b’lak ki, ar agi walagi djin magi d’a d’engzeng nga yed’et ta ki Christ-sa woi d’igi guguina mi lop Ef ki lem mamba na d’i.

1 Pierre 5:8

Ar agi kagagi ki ndjola, agi kagagi iragi sik, kayam Diable magi ma djangûna nga mi tit d’igi azlo ma nga mi tchi á hal nge ma mam vum á mutnina na.

2 Pierre 2:4

Kayam Alona mi ar nga malaika suma a le tchod’ina hawa d’i, wani mi tchuguzi nga kä kur gring ma nduvun ma i’îli’â á ngomozi gak bur ma ka sariyad’a.

1 Jean 1:8

Le ei dei ala: Ei nga ki tchod’a d’uo ni, ei lobei ni teya, zla d’a gagazid’a nga kuri d’i.

1 Jean 2:21

An b’irigi nala agi wagi nga gagazid’a d’uo na d’i, wani agi wad’u, agi wagi ala zla d’a kad’a nga ndeï kur gagazid’a d’i.

1 Jean 2:4

Sama dala: An wumu, wani nga mi ge yam kä ad’u vun ma he mama d’uo na, ni sama ka zlad’a, zla d’a gagazid’a ti nga kurum mbi.

1 Jean 3:12

Ar ei lei d’igi Kain na d’i. Mam mi ma hi Ma tchonina, mi tchi wiyema. Mi tchumî yam me ge? Kayam sun nda Kain mi lata ni tchod’a, wani sun nda wiyema mi lata ni d’ingêr.

1 Jean 3:15

Nge nge pî ma nga mi noî wiyemina, ni ma tchi matna. Agi wagi ala nge nge pî ma tchi matna, ari d’a didinda nga kurum mbi.

Jude 1:6

Agi djib’eregi yam malaika suma a ngom nga ad’eng nga Alona mi hazizid’a d’uo suma a ar yazi ma kaka woina. Kayam ndata, Alona nga mi ngomozi kä kur nduvunda djinda ki kindjing ma didina á djup bur ma ngol ma a mba kazi sariyad’a kazina.

Vama ndum mbeina 12:9

Dragon máma a gumï kä, ni gugui ma mamar ma a yum ala Diable d’oze Seitan na na, ni ma nga mi lop suma yam andagad’a petna. A gumï kä yam andagad’a, a tchugï malaika mama kä woi zlapa ki sed’em mi.

Vama ndum mbeina 13:14

Mi vit suma yam andagad’ina woi kahle mam suma atchap suma a humzi á led’a avok ambur ma avok mámina. Mi de mi suma yam andagad’ina á yor vana á subur ambur ma a kam yam mbilâ ki mbigeu d’a fiyaka mi tchilâ.

Vama ndum mbeina 2:10

Ang le mandar abo ndak ka ang mba fata d’i. Gola! Diable nga mi mba, mba mi kugugiya, mba mi tchuk suma dingâ ablaud’a adigagi dangeina; agi mba fagi ndaka burâ dogo. Ar ang kak sama d’engzengâ gak matna; an mba ni hang avaval la bei b’laka ba d’a.

Vama ndum mbeina 21:8

Wani suma mandarâ ki suma bei he gagazid’ina ki suma a le sun nda ndjendjed’ina ki suma tchi matna ki suma mizeuna ki suma ve kumana ki suma kud’or fileina ki suma ka zlad’a pet, yi mazi ma kaka ni kur apo d’a aku d’a bibiliu d’a ngal ki sufred’id’a, nala ni mat ma mbàna.

Vama ndum mbeina 22:15

Wani suma a le sun nda ndjendjed’a ki suma ve kumana ki suma mizeuna ki suma tchi matna ki suma tuwal fileina ki suma ka zlad’a pet, a nga tchola bugol azina woi hina dei.

Vama ndum mbeina 9:11

Amul mazina ni malaika ma yam zul la yiyikina, a yum ki vun Hebre-na ala Abadon, a yum ki vun Gre’â ala Apoliyon, nala, Ma b’lak suma.